依家仲寫Blog？Out晒啦！近日全城明星個個瘋狂「微博」（Micro Blog），好像郭富城、容祖兒、Angelababy等都每隔幾個鐘就貼身Update近況，連私人生活旅遊照片都絕密公開，分分鐘好睇過八卦雜誌。
微博即係Micro Blog，亦即是微型部落格咁解，以每次不多於140字發放個人訊息，比社交網精簡得多。現時Twitter已紅遍歐美，但由於無法直接在內地使用，因此當新浪於去年9月推出微博服務（http://t.sina.com.cn/）後，即有大批中港明星參與，唔夠半年就吸引到7,500萬人註冊。 郭富城自爆上海行蹤（關注人數：13,267） 郭富城終於加入微博大家庭，成為四大天王中首位微博玩家，第一日已吸引過萬粉絲支持，隔唔夠幾個鐘仲現身上海Post大批靚相。 Angelababy寫真靚樣（關注人數：79,366） 雖然Baby近排忙住拍寫真又要趕活動，但都好識做咁每日Update微博，仲要日日新造型、次次Show靚樣。 容祖兒獨家領獎花絮（關注人數：407,739） 容祖兒之前都經常將後台的花絮擺上Blog，來到微博更每日Update幾次，連最近IFPI領獎嘅後台情況都有得貼身追蹤，難怪吸引咁多粉絲日日關注。 HOCC即場串Eason放屁（關注人數：64,016） 何韻詩見到陳奕迅在紅館台上放屁，即刻在微博話「你超級惡心啊，放屁？」、「香港觀眾真係盲目追捧陳奕迅！」，大家咁熟，相信Eason都唔介意啦！ 微博/Twitter 輸入字數 140字 支援內容 文字、圖片、視頻、音樂 相片媒體 少 訊息更新 頻密 外加遊戲 冇 Blog 輸入字數 不限 支援內容 文字、圖片、視頻、音樂 相片媒體 多 訊息更新 間中 外加遊戲 冇 Facebook 輸入字數 420字（塗鴉牆） 支援內容 文字、圖片、視頻、音樂 相片媒體 多 訊息更新 頻密 外加遊戲 有 每當網絡有新服務，便有新潮語誕生，唔想玩微博玩到一頭霧水，便要認識微博新語。 童鞋：不是指童裝鞋，而是內地論壇的玩家經常講「同學」，取其國語諧音。 圍脖：這是微博的國語諧音，所以用戶之間常稱對方為「脖友」，「織圍脖」解在微博發言。 微波爐：微波（博）爐，即是將舊話題翻新熱炒的意思。 ｖ: 新浪會對名人進行實名認證，例如尋找郭富城會找到十幾個相同名字的人，但在郭天王本人旁邊會多加一個「ｖ」以資識別。 MacUser 身處大陸用圍脖，唔使翻牆咁辛苦。」 Jeffchung 我寫開blog，估唔到依家Update微博仲密過blog~~哈哈」 冰曲 我今日第一次開a/c，發覺喺大陸用真係方便好多。童鞋們~我會努力更新o架喇!」
自我踢爆
放大圖片
放大圖片
狂晒靚相
快過傳媒
放大圖片
放大圖片
主流社交工具比較
微博新語
博友心聲
MacUser
Jeffchung
冰曲
放大圖片
留言列表
