郭羨妮提溫兆倫即扯火

郭羨妮早年與溫兆倫因合作拍劇而撻着拍拖，不過最終分手收場，當時有傳乃男方被女方飛起，郭羨妮更被指因拍拖而人氣下跌。

否認翻撻放大圖片
溫兆倫和郭羨妮早年因拍劇撻着，但最終分手收場。資料圖片

溫兆倫和郭羨妮早年因拍劇撻着，但最終分手收場。資料圖片

昨日有周刊指溫兆倫翻撻郭羨妮，郭羨妮返將軍澳電視廣播城開工時，被問到有關報道，她即表現得十分勞氣。郭羨妮昨日說：「我好嬲呀！佢哋話我同溫生成日聯絡，又話佢翻撻我，根本冇咁嘅事，我哋五年前性格不合分手，大家都明白乜嘢事，我哋只係朋友，最多一年聯絡兩次，我家冇人追、冇拍拖，但係生活得好開心，所以我會研究吓，保留追究嘅權利。」郭羨妮為求甩身，更踢爆溫兆倫現在已有女朋友，所以根本沒可能復合。採訪、攝影：何慧斯

郭羨妮昨日強調與溫兆倫冇復合可能。

溫兆倫否認翻撻郭羨妮

溫兆倫日前在Blog上表達難忘「她」的「可愛」而被指「翻撻」舊情人郭羨妮，兩人分別表示為報道氣憤，但各有說法，口供不夾。女方稱雙方一年有一、兩次電話聯絡，但男方聲言沒有，指「有人」講大話。

返電視城開工的Sonija被記者追訪，她再澄清與溫兆倫沒有機會翻撻。

郭羨妮（Sonija）與溫兆倫於02年合作無綫劇《牛郎織女》而譜出的「菠蘿包之戀」兩年便告終。日前溫於他的Blog上表達難忘「她」的「可愛」之情，經常夢見「她」而被指「翻撻」Sonija，報道更指Sonija說溫經常打電話給她，另報道亦指他最近來港買Benz。

叫魔鬼停止作孽

身在內地拍廣告的溫兆倫接受長途電話訪問，承認是來了香港買兩部Benz，鼓勵自己之餘亦用作送給居於香港的女友Winnie，但就「翻撻」Sonija一事，他卻矢口否認：「呢幾年冇打過畀佢，（Sonija話你成日打畀佢？）有人講大話，（二人仲係朋友？）朋友可以做，但真係冇聯絡，（Blog上傳情？）一定唔係講佢，係講潘星誼（內地女星），對方意外身亡，佢係我哋經理人公司捧出嚟嘅人，諗起佢心情難過，但有人歪曲件事，最近有賑災，災民冇飯開，仲做啲無聊事，叫啲魔鬼快啲停止作孽，唔係就落地獄。」

擔心別人有聯想

不過，準備返電視城為《隔離七日情》開工的Sonija，接過記者電話時非常勞氣：「我冇講『佢成日打畀我』，好離譜！佢個Blog寫嘅嘢係好耐之前嘅事，係fans話我知，我都擔心畀人聯想其他嘢，我親自打電話問佢，佢都話唔係講我，咁OK啦，其實分手亦是朋友，但我哋冇再見面，一年都可能有一、兩次電話聯絡。」

當Sonija返到電視城後再被記者追訪，她繼續就事件回應：「佢冇話想追我，我亦冇諗過同佢一齊，佢有女友，但都祝佢幸福快樂。」

郭羨妮認有聯絡溫兆倫暗寸講大話

近日有傳溫兆倫翻撻舊愛郭羨妮（Sonija），溫在Blog上留言，表示難忘「她」的「可愛」之情及經常夢見「她」，報道更指Sonija承認兩人有聯絡。對此，Sonija昨日勞氣地說：「我哋冇聯絡，我冇講『佢成日打畀我』，好離譜！我哋分手亦是朋友，一年可能有一、兩次電話聯絡。」當Sonija返到電視城後再被記者追訪，她繼續否認：「佢冇話想追我，冇諗過同佢一齊，佢有女友，祝佢幸福快樂。」

溫兆倫