忽然1周 763期涉以助手公司貪污　志雲末路 @ 明星靚相大分享☆

陳志雲強擠笑容
周四（ 11日），下午 4時 50分，陳志雲乘廉署的貨 van到達電視城協助調查，在多名廉署職員陪同下搭上辦公室，當時志雲仍強裝笑容。"
志雲末路
涉以助手公司貪污　志雲末路
2010年03月12日
無綫近日再捲入貪污案。 3月 11日下午 4時 50分，業務總經理陳志雲在廉署人員押解下，返回將軍澳電視城的辦公室調查，至晚上 8時許，再被廉署人員帶走，返回北角廉署總部繼續扣查，全城哄動。
廉署聲稱目前拘捕了 5人，除了陳志雲外，尚有 3名無綫職員及陳志雲的靚仔助手叢培崑（ Edthancy）。案件涉懷疑有人自行成立公司收受利益。其實今年 2月，本刊已率先揭發 Edthancy的公司登記地址是陳志雲寓所，證明兩人關係密切。
互動片段

陳志雲被 ICAC拘捕

據知 11日清晨時份，陳志雲還在家中熟睡時，突然有幾名廉署人員上門拘捕他，陳被帶返北角廉署總部後，被廉署人員車輪轉盤問。
早上 8時許，廿多名廉署人員到 TVB搜查證據，一早收到風的六嬸方逸華，即急 call集團總經理李寶安及無綫行政主席梁乃鵬急謀對策，兩位巨頭返到公司，亦旋即與外事部副總監曾醒明及其他高層開會。事件牽連甚廣，全台上下人心惶惶。

廉署搜證
廉署職員帶齊紙箱往陳總辦公室取證，其後帶着大批證物離去（右圖）。

陳志雲暫停職務
今次涉案的 4名員工（包括業務總經理陳志雲、市場及營業部業務拓展主管陳永孫、藝員科演員寧進（節目《志雲飯局》的助手）及藝員科監製錢國偉）現已全部暫停職務。外事部副總監曾醒明表示：「現時唔會撤銷佢（陳志雲）嘅職務，公司只係暫停佢嘅職責同埋工作，陳志雲先生嘅職務暫時會由集團總經理李寶安先生暫代。」
談到貪污事件，曾醒明表示：「自己公司自行製作嘅節目，我哋入面嘅內部機制透明度好高，我諗應該唔涉及到我哋台嘅節目。」但他表示唔清楚是否有職員私下接洽工作或從事其他業務。

ICAC北角總部
自陳志雲和叢培崑等人被 ICAC拘捕後，近百名記者分別集結在 ICAC北角總部及將軍澳電視城，場面頗混亂。

TVB電視城

急召小生花旦問話
知情者話︰「今朝一大班廉署人員嚟到行政大廈，反轉咗 10樓辦公室，佢哋一嚟就先搜陳志雲間房，然後又到了藝員部 check期，總之就係地氈式搜索，氣氛好緊張。公司高層亦突然召咗近十個保安駐守 10樓，嚴禁閒雜人等出入。聽講有啲花旦、小生，突然被召返公司協助調查，主要係問番佢哋有冇接一啲無綫以外嘅工作。」
今次廉署高調做嘢，震動全台。下午四時許，陳志雲在四名廉署人員陪同下返無綫，近五十個記者衝前拍照，情況混亂。而身穿灰色外套的陳志雲，強擠笑容，還叫記者小心，一行人步入行政大廈。
知情者透露︰「 Stephen（陳志雲洋名）被廉記夾返 10樓辦公室，我哋見到佢神色好凝重，頭耷耷唔敢望人。佢哋喺辦公室搞咗 4個鐘，之後 Stephen再被帶走。佢離開嗰陣個樣直情面如死灰，睇怕今次都好大鑊。」

叢培崑蒙面
叢培崑於下午 2時被廉署職員帶離總部，至晚上 9時，戴上口罩掩面的他，才返回廉署，之後整晚未見離開。

其實今年 2月，本刊率先報道陳志雲助手 Edthancy突然升呢，短短一年成為 6間公司董事，包括娛樂公司及廣告製作公司，其中的「思潮娛樂有限公司」，更於今年 2月為曹格在澳門舉行演唱會，當時陳志雲亦有出席捧場。而另一間「訊偉有限公司」的登記地址，正是陳志雲的亞皆老街寓所，當時記者向陳總求證，他態度異常緊張，更斬釘截鐵否認︰「佢（ Edthancy）唔係我助手，冇幫我做嘢……（佢公司用你屋企地登記喎！）邊度係呀？冇可能！」
之後，一向 EQ甚高的陳志雲，更氣冲冲致電記者︰「我真係頂唔順，你哋點解要釘住我……」記者表示只是想向他求證 Edthancy的公司用其地址登記一事，他無奈說︰「其實係佢（ Edthancy）公司開檔時冇地址，搵我屋企收信啫，依家都冇啦！呢樣嘢亦唔應該由我講。」未幾， Edthancy亦夾晒口供，主動致電記者回應此事。
而一向愛高調的陳志雲，近月來突然變得低調。早前他捐衫到大姐明的二手衫慈善拍賣時，曾叮囑負責人不要將此事告知傳媒。未幾，又突然傳出他向六嬸辭職消息。知情者話︰「陳志雲今次辭職，其實係逼不得已。 Stephen一向樹大招風，之前有人向六嬸篤佢背脊。一個月前，原來是無綫中人主動報料，有指某人製作大型節目時收受利益，所以廉署一早已接觸過六嬸，當時佢亦表明立場，配合 ICAC調查。事後有指整件事是李寶安一手策劃。」

陳志雲被捕後，有市民專登到電視城高舉標語大罵陳志雲。

寧進 02年開始拍攝無綫劇集，大部分演三、四線角色，最新作有《秋香怒點唐伯虎》。

推薦助手接 job
一位與陳志雲相熟的食肆老闆亦爆料︰「 Stephen亦曾經向我推薦過，搵 Edthancy間公司搞廣告宣傳活動。但 Edthancy間公司比一般廣告公司收得貴，我初時梗係唔制啦。不過， Stephen話可以搵啲明星嚟撐場，增加宣傳效果，咁我見有明星效應，所以好多活動都俾咗 Edthancy搞囉。」
至於今次涉案的錢國偉，與陳志雲私交甚篤，今年 1月 Edthancy開生日會，錢國偉亦有出席。他在圈中人緣甚廣，傳媒曾多次拍下他與一班美女廚神及 o靚模夜蒲照片，據知他在外面交際時，並非派無綫卡片。
其實陳志雲一向愛提攜助手及男藝員，除了 Edthancy，今次涉案的藝員寧進，不僅是其節目《志雲飯局》的助手，更有傳是 Edthancy其中一間公司的董事之一，與陳志雲關係千絲萬縷。昔日在電視台呼風喚雨的陳總，為提攜愛將搞到一身蟻，認真老貓燒鬚。

助手搞生日會
今年 1月 9日，陳總靚仔助手叢培崑在羅寶文打骰的九龍富豪酒店搞生日會。本刊拍得當時二人前後腳到達酒店，據知當晚生日會的開支均由陳總包辦。

當晚生日會星光熠熠，愛將之一張繼聰亦有俾面出席。不過今次事件發生後，張卻劃清界線，他說：「近排好多嘢發生，唔好搞我，我同陳生接觸唔多，覺得佢係一個有禮貌嘅前輩。」
張繼聰

之後陳總和叢培崑轉場到天后開 P，監製錢國偉當晚亦帶同兩位味之天使撐場。

公司用志雲地址
曾任陳志雲助手的叢培崑，年僅 28歲已擁有六間公司，與陳志雲關係非淺。今年 2月，本刊揭發叢培崑其中一間訊偉有限公司的辦事處登記地址，竟然係用陳志雲位於亞皆老街寓所的單位。事後陳志雲被問到此事反應甚大，說：「冇可能！」叢培崑則解釋只是覺得陳的寓所風水好，所以才借用。

六間公司

是非纏身
51歲陳志雲，未加入無綫前一直擔任政務官， 94年加入無綫擔任外事部總監，但 04年躍升做無綫總經理後，開始活躍幕前，除製作自己節目《志雲飯局》，又為電影配音和製作大型舞台劇，事業順風順水。但自去年下半年，陳志雲開始交惡運，性取向受質疑，大庭廣眾被人擲書，失勢失寵新聞連番出現，如今更被廉署拘捕，陳志雲事業堪虞。
被指「基佬」

09年 6月，性取向多次被質疑的陳志雲，旗下愛將清一色屬雄性，包括崔建邦，鄧健泓和張繼聰等。他除安排愛將主持大型節目和頒獎禮，更為助手叢培崑搞大型生日會，不過陳志雲曾在傳媒訪問中高呼自己是虔誠天主教徒，絕對不是同性戀。
被人掟書

《 Face》圖片

09年 7月，陳志雲現身書展講座，在台上發言期間，其中一個示威者扮 fans上台攞簽名，一見陳總就將手上本書掟落枱度，仲指住陳總係咁鬧：「 TVB可恥」，當時陳志雲不慍不火回應：「本書仲要唔要攞番？」
傳失寵失勢

10年 2月，有指陳志雲因衰高調而被六嬸打入冷宮，六嬸更升心腹李寶安為集團總經理騎實陳志雲。
傳遞辭職信
10年 3月，近日盛傳陳志雲已秘密向六嬸請辭，原定於今年 5月離職，如今陳因涉嫌貪污被廉署拘捕，未知是否有關連。
廉署「舞影行動」轟動娛圈
《蘋果日報》圖片

何麗全停職
廉署查無綫早有前科， 03年 7月，廉署展開「舞影行動」，高調拘捕逾 20名唱片公司高層、老闆和無綫高層何麗全（圖）和陳家倫。有指當時身為無綫非戲劇科助理總監何麗全和《勁歌金曲》監製陳家倫收受賄款過百萬元，令歌手的歌曲順利上榜及在《勁歌金曲》頒獎禮中奪獎。當年何麗全和陳家倫雙雙被調職，其後陳向無綫請辭，而何於翌年恢復原職。
「舞影行動」擾攘年多，最後廉署因找不到新證據，去信各當事人，表示案件已正式結束，但「舞」在樂壇造成的陰霾，久久未能驅散。

陳慶祥坐監
75年，無綫前營業經理陳慶祥因收受 8萬多回佣而被廉署拘捕，最後被判監 6個月。服刑後陳慶祥返回無綫， 80年代任為總經理。
藝人齊撐陳總
陳奕迅
「我知道呢件事，作為朋友，當然希望佢（陳總）冇事，我識咗佢好耐 o架喇！（有冇 sms佢？）現階段都聯絡唔上！（知唔知道經理人陳家瑛嘅公司都有同陳志雲嘅公司合作？）知道！」

鄧麗欣
「知道阿 Ed（叢培崑）有開製作公司，兩年前我演唱會嘅精品都係佢負責，不過唔知陳志雲有份！」其後金牌大風高層陳輝虹即轉口風：「我印象中就冇咁嘅事！」

鄧健泓
陳總愛將鄧健泓表示十分擔心他現時情況，「我唔方便回應呢件事，佢係我伯樂同師傅，當然擔心，希望佢冇事，我有 sms慰問佢。至於工作冇乜影響，新劇會喺 3月底開拍。」

薛家燕
「我聽到消息之後好愕然，個心好唔舒服，本來呢個禮拜佢應承出席我嘅生日會，相信而家佢都嚟唔到！我覺得 Stephen唔係一個計較金錢嘅人，希望件事快啲水落石出。」

王賢誌
「佢之前做過官，又做過唔同部門高層，對呢種事應該比較敏感，應該好小心，不過今次 ICAC調查得，肯定同貪污有關。」

林峰
「我掛住拍戲，拍到天昏地暗，冇留意新聞，不過返到公司見到咁多記者，都知道大件事，我相信今次事件唔會影響正常運作。」

網民群插
陳志雲和錢國偉涉嫌貪污被廉署拘捕後，大批網友隨即在網上展開激烈討論，一面倒狂插陳總之餘，亦指其愛將崔建邦翻生無望。