擁有43吋長腿及33C上圍的Yumi，去年與陳若嵐（Melody）推出水着寫真，反應理想，今年她無懼各路o靚模狙擊，以Cosplay造型獨自出寫真，結果成功突圍，大賣逾二萬本成為寫真三甲女王，她說︰「好開心，多謝工作人員幫手，今年對手好強，但我唔怕比較，因為大家風格唔同，泳衣同着衫嘅性感有分別，唔係上身唔着先叫性感，着緊身衫都可以㗎！」她表示化妝師已親自炮製十餸一湯的大餐作慶功，亦等待老闆請食飯。 提到不少o靚模的宣傳手法掀起話題，她說︰「只可以話有好同唔好之分！（『撕』暴片過火？）好似推廣一種唔好嘅風氣，唔可以話過火，只係錯誤！」眼看其他o靚模推出的寫真沒有性感底線，Yumi坦言歪「峰」不可長︰「我暫時唔介意，當係宣傳，但長遠就唔好！唔想畀人感覺刻意賣弄！我唔會影全裸同半裸嘅寫真！」 雖然o靚模被禁足書展，但Yumi的寫真依然大賣逾二萬本，成績理想︰「我都冇諗住搞簽名會，我亦唔會理其他人嘅做法，只係關心寫真嘅效果靚唔靚！」她表示獨自出寫真的感覺截然不同︰「上年有人陪住影三點式冇咁尷尬，但今年影就好唔自然，所以試過清場！」以Cosplay造型示人的她透露，不時在家中練習公仔的表情，又做儀器瘦身兼戒口，難怪她大呻辛苦︰「啲Cosplay衫好緊，着套衫都要幾個鐘，影嗰陣唔可以做太大動作，仲熱到成身濕晒，好彩冇捱病！」 Yumi曾考慮不再推出寫真，但否認是次寫真屬告別作︰「只係想出其他類型嘅書。（有性感相？）當然有啲性感相，我好希望係自拍照，但係要等公司決定！」她揚言想衝出香港，到內地、台灣及日本等地發展︰「要睇吓市場接唔接受，唔係想做就去做，可以話有啲『身不由己』！」此外，Yumi自爆男友曾介意她行性感，但看過寫真相後已改觀，並笑言自與男友公開戀情後，攻擊性的報道已絕迹。
Yumi有意攻台灣及內地，打開東南亞市場。
認為性感是多方面的Yumi，堅拒拍全裸或半裸寫真。
獨着泳衣要清場
密謀轉攻中日台
Yumi勇敢求變，以Cosplay寫真成功搶灘。
留言列表
