被喻為最 hea港姐冠軍嘅張舒雅，終於肯重新投入工作，今日佢會到澳門出席活動，仲會同一眾名模一齊做嘢。張舒雅話好感謝無綫畀機會佢，又多謝大家對佢嘅支持同鼓勵，先令佢可以重新投入工作。張舒雅之後會以模特兒工作為主，佢話絕對唔會行性感路線，因為佢自知冇事業線喎。今個月底張舒雅會被邀出席一個髮型表演，佢話覺得嚟緊嘅工作好有挑戰性喎！

張舒雅飲水思源多謝「娘家」

「最hea港姐」張舒雅重出幕前，轉行做模特兒，與日本通王友良合作頭炮，夥諸葛梓岐和模特兒林莉，今日往澳門出席賽馬會活動，她更會擔任頒獎嘉賓；而下周一張舒雅又會出席另一髮型活動，屆時會以英語致詞。

張舒雅今赴澳門出席活動及頒獎。

過往多次向無綫扭計，激到前娘家生蝦咁跳的她，如今「復出」突然轉性，劈頭第一句便多謝無綫過往的提攜之恩。她說：「好多謝TVB畀我嘅機會，亦藉此多謝大家嘅支持和鼓勵，畀我可以繼續喺娛樂圈發展。」

而「復出」做模特兒的她，坦言身材不能跟惹火的o靚模比併，笑言沒有事業線關係，故不會走性感路線。

張舒雅連環出騷洗頹風

被喻為「最Hea港姐」的前港姐冠軍張舒雅終於出山，改行天橋做模特兒，今日將與諸葛梓岐及林莉出席澳門賽馬會活動及擔任頒獎嘉賓，後日又出席髮型活動，並會上台以英語致詞。

對於一洗過往Hea爆形象，她公開感謝「前娘家」無綫：「好多謝TVB以前畀我嘅機會，在此想多謝大家嘅支持同鼓勵，畀我可以繼續喺娛樂圈發展。」提到時下o靚模輩出，她直認身材有所不及，故不會行性感，又指自己其實並不Hea，復出前不忘自我增值，希望以全新形象示人。

張舒雅出關後轉做模特兒，希望以全新形象示人。