明星靚相大分享☆

莊思敏承認隆胸、勾雙眼皮，由32A變32C的她親自解構「升Cup、保吋數」之謎！她預計會被外界評頭品足，故從容面對狠批。她更表示滿足現狀，不會整上癮，又準備丟晒啲舊Bra，換過啲新Bra！

莊思敏表示年幾兩年前已有隆胸打算，終於都付諸行動。

莊思敏（Jacquelin）月初毅然接受隆胸兼勾雙眼皮手術，突然「峰」起雲湧，由32A跳升至32C，她親自解構升Cup而吋數不變之謎：「個數都係人哋估，自己冇度過，講真之前都係得30吋。（唔整大啲Cup數？）夠用就OK，太大就唔靚，整C Cup係因應我嘅比例，好適合自己，想勁啲加Nude Bra谷吓就得。」

整容前

整容後

莊思敏認為人生應該活得精彩多變。

預咗遭狠批

曾經狂踩o靚模賣胸，「升胸」的她以「有米唔代表要派米」堅拒成為「乳模」，今次隆胸，全為貪方便，她說：「我唔想左墊右墊，為着晚裝好睇啲先去做。」完成手術近一個月，她表示仍未完全康復：「好易攰，仲唔戴得Bra，胸帶束得好緊，瞓覺都要戴，個胸仲好硬，拆線先可以按摩。（習慣唔戴Bra？）以前用Push-up Bra同鋼線Bra，希望以後用運動型Bra。」

她的隆胸新聞成為一時熱話，趙碩之寸她自信增加，而網民的批評更狠，直踩整完都唔靚，她卻從容地說：「每個人都有唔同聲音，呢啲都係預咗，但我滿足現狀。（日後考慮再加工？）我唔會畀自己上癮，唔會整到五官完全唔同。」身為馬來西亞拿督女兒的她，更被網民寸賺錢買Bra戴，她反擊說：「我都要為生活而打算，整容手術都好多年啦，係香港封建，喺日本、韓國、歐美、泰國，好多人都做，只係香港少人講，香港人成日講到接受能力好高，其實唔係。」

奶水有影響

問到為何突然隆胸，她自爆早有計劃：「有豐胸打算已年幾兩年，真係隆胸就用咗一、兩個月研究手術嘅安全性，同整容公司傾就只係一、兩個鐘就應承咗！（擔心年紀大咗有後遺症？）手術前有睇過新聞，研究邊種方法安全。我見過有個個案，做手術時肥啲，之後瘦咗，個袋好現形，但係我依家瘦，唔怕個袋會現。（將來會否餵人奶？）醫生都有講將來有BB，可能會影響奶水，但又未必一定會冇奶。」

莊思敏對擁有C Cup身材好滿意。

隆胸後的莊思敏，行騷時也不用為着晚裝好看而左墊右墊。

莊思敏說自己做甚麼吳浩康都會支持。（資料圖片）

吳浩康冇為僭建爭拗

對於男友吳浩康（Deep）不認同隆胸，莊思敏說：「佢冇激動過，《綫人》首映嗰晚大家分開做訪問，佢之後有講番講過乜，佢係中立。（嗌過交？）我有乜決定佢都支持，我唔係轉行性感，完全冇爭拗過。」問到如果Deep激烈反對，會否與他分手？她說：「分手唔會睇單一原因。（認定咗佢？）將來嘅嘢好難講，個個熱戀期都認定對方架啦。」

剃頭反串樣樣想試

莊思敏繼續做模特兒，騷「升胸」成績，問到被王晶羅致旗下何時進軍大銀幕？她說：「問晶哥。（叫佢開戲？）等公司安排。（有冇心儀嘅角色？）做Cool嘅、唔性感嘅殺手，或者做同性戀者、變態同反串都得，亦唔介意剃頭，我覺得人生應該精彩啲同多變啲。」

文：林嘉慈

攝：吳文聰

化妝：Kiara Tsui

服裝：twist

髮型：Norman Lo@Nova Hair‧Nail

場地：Nova Hair‧Nail