義海豪情天書獨家曝光　黎耀祥慘被日軍打死 3週刊 575期 @ 明星靚相大分享☆

踏入十月秋高氣爽，TVB的台慶劇正式出爐。首先打響台慶劇頭炮的，就是被視為本年最受注目，由去年大受歡迎的《巾幗梟雄》原班人馬主演的《巾幗梟雄之義海豪情》。

劇集仍未推出，已成為傳媒追蹤的對象，大肆報道劇中人物關係、金句、結局等等。日前本刊從特別途徑找到《義》的天書，即劇集開拍前的初稿，驚見男主角黎耀祥跟去年《巾》一樣難逃一死，與情人鄧萃雯繼續發展一段「沒有結果的感情」！

想殺死我?？……冇咁易?呢！（設計對白）

又要死？可唔可以唔死呀，我要同九妹一齊呀！（設計對白）

下星期一正式播出的《義海豪情》，劇集未播已經成為坊間熱話，不少劇情相繼流出，版本卻各有差異，本刊從得到的天書所見，劇中角色當然仍是以黎耀祥的「劉醒」及鄧萃雯的「鄭九妹」為主，而大奸角則由胡定欣的「馬麗華」走馬上任，與兩大主角周旋到底。

奸仔變弱者

《義海豪情》與去年的《巾幗梟雄》沒有任何關連，故事以民初日本侵華作為背景，而角色上與《巾》亦有很大的出入。就像在《巾》中奸到出汁的「大少爺」敖嘉年，今集將會「從良」，飾演心地善良但自卑心重，與劉醒感情深厚的唐吉（排骨），在劇中由頭到尾都是以弱者示人，不過最後變成民族英雄，一槍了結另一位大奸角，由金剛飾演的日本軍官，「今次同上集好唔同，我係一個弱者，基本上由頭喊到落尾，試過好幾次喊到對眼腫哂，雖辛苦但拍得好開心。」

由頭鬥到尾

至於在《巾》同樣為了兒子而壞事做盡的「大奶奶」謝雪心，今次飾演心直口快，義氣行先的「鄭朗喜」，在劇中一直忠於大哥，由岳華飾演的「鄭朗軍」，為了鞏固大哥兩名兒子的實力，而與九妹由頭鬥到落尾。「今次角色同大奶奶好唔同，我係一個靠拳頭打出江山嘅女人，但我唔會為自己爭權，我只係效忠大哥，同埋要幫佢兩個仔接手家族江山，所以會同雯女（鄧萃雯）不停咁鬥，真係由頭鬥到落尾！」

生死未知數

至於最為人注意的，當然是男女主角的下場，據天書所描述，黎耀祥的「劉醒」是一位重情重義的警察，與鄭九妹由惡鬥變成交心好友，再互生情愫，只是二人未能開花結果，劉醒最後為了報辱妹之仇而誓殺已投降的日本軍官（金剛），最後被日本軍亂槍掃射，生死未卜。

「今次呢套劇真係集集都有高潮，好多人都問我劉醒有冇死？但我真係唔講得，講咗就唔好睇啦，真係要睇到去大結局，咁先至完美。」本刊收到消息，指黎耀祥曾經化了一個老妝補戲，似乎意味「劉醒」最後仍有機會與「鄭九妹」再續情緣，「係有化個老妝，但唔代表一定會播出街，總之到時睇到大結局就會知道。」

劇中幾位主角都有變老的場口，但未知劉醒的老妝會否順行「登場」。

集集有高潮

《義海豪情》故事以民初時期日本侵華時間作為背景，鄭朗軍牽頭的「東泰公司」為當時最大的鴉片商，成為最大勢力的黑幫。鄭九妹是鄭朗軍的大女，九妹一直不擇手段希望坐上龍頭位置，亦因此與刑偵隊長劉醒發生不少磨擦。只是表面上心狠手辣的九妹，原來一直希望坐上龍頭後摧毀鴉片生意，另一方面為了國家，九妹更充當漢奸以便接觸日本皇軍，最後九妹在劉醒協助下，成功制止日軍的陰謀，但劉醒卻被日軍亂槍掃射，生死未卜。

劉醒本來有一妻子趙冬妮，可惜最後與丈夫上司有姦情而離異。

九妹為了得到情報，毅然化身漢奸套取情報。

劉醒與九妹經過多次交手後，由鬥氣變成戀人。

據一名工作人員表示，監製李添勝一改以往的作風，劇情一開始就雷霆萬鈞，總之集集都有高潮，再次掀起一片追劇熱潮。「添哥開廠第一日就話明劇情唔拖，總之有咁盡去咁盡，當係預祝佢榮休，等佢有個美麗回憶。」

演｜員｜嚴｜選｜高｜潮｜位

既然添哥話明集集都要有高潮，劇集錄得高收視已可預見，為了方便觀眾追劇，本刊特別訪問了劇中幾位主角，齊齊嚴選32集內的高潮位，等各位觀眾可以擔定櫈仔安心追看。

●敖嘉年

「其實真係集集都有高潮，不過我就會選第3集同第26集，第三集講岳華以為係我殺佢個仔，打完我要殺我，我就同祥仔喊住告別，真係講起都想喊；第26集就係講我成功槍殺日本軍官金剛，拍嘅時候喊足四個鐘，喊到眼都腫哂！」

●惠英紅

「我個角色係包租婆，外冷內熱，比起上一集真係好好多，起碼我有個仔黃浩然同新抱陳法拉，而且今次我唔使死，有八十幾歲命，happy ending咯……哈哈！咁多集我會選第15集左右，日本仔去我哋屋企話要拉漢奸，成班人拍到喊到收唔到聲，觀眾一定睇到喊。」

●謝雪心

「今次我同雯女真係由第一集鬥到大結局，好多好多唇槍舌劍，好似第一集講雯女要搞銀行，但我覺得佢太過急進，呢場戲大家都要不溫不火但又要有張力，好難拍；第二場我會揀大哥個仔死咗，但我哋辦緊公司週年晚宴，嗰種又要嬲又要忍住，真係拍得好過癮。」