今年是劉德華入行 30周年，在娛圈可謂歷盡高低起跌，不過最哄動的莫過於去年被本報獨家踢爆和朱麗倩秘密結婚一事。昨日華仔為新碟封街搞簽名會，被問到曾合作拍戲的蔡卓妍（阿 Sa）有否請教他如何處理和陳偉霆公開戀事時，華仔不但大讚兩人勇敢，還直認自己在這方面是低材生。
其他娛樂名人影片
劉德華昨日在黃埔為新碟「 unforgettable」舉行簽唱會，現場有逾千 fans圍觀，場面哄動。活動上安排了五位小朋友分別扮演華仔在電影和唱片的打扮，他們的造型十分有趣，逗得華仔哈哈大笑，華仔更發揮慈父本色，彎腰替小朋友整鞋扣，而且更不時替他們抹汗和撥頭髮。
打美白針去疤
談到華仔日前在台灣接受訪問時，承認曾經注射美白針，華仔摸摸鼻子說：「其實我之前都講過好多次，只係冇寫，估唔到家會有人再問，嗰次係我廿幾年前喺台慶表演翻觔斗整傷個鼻，家庭醫生叫我打支針退疤，嗰次之後已經冇再打。」被記者笑指為整容始祖的華仔，問到有否留意近期有不少女藝人疑似整容？華仔笑說：「我唔睇報紙雜誌 o架喇，不過我身邊啲朋友個個都好自然。」
放大圖片 
劉德華在簽唱會上跟一眾以他的角色造型現身的小朋友玩遊戲，逗得他相當開心。
放大圖片 
今年是華仔入行 30周年，他與一班忠實 fans一同做出 3字手勢合照留念。
「唔識點教佢哋」
對於近日蔡卓妍與陳偉霆公開戀情一事，華仔坦言覺得他們勇敢，問到阿 Sa有否向他請教怎樣處理時？華仔說：「冇呀，我相信佢哋係經深思熟慮先會公開，佢哋識得點去處理，我唔識得點教佢哋，我喺呢方面係低材生，總之我希望佢哋幸福。」至於最近有周刊為他澄清太太朱麗倩未有 BB一事，華仔尷尬地說：「我知你哋關心我，順其自然喇！我希望大家唔好問，適當時候會講。」採訪：何慧斯 攝影：仇志德 
華仔跪下和小朋友擺出同樣的舞蹈甫士，相映成趣。
留言列表
