Hyundai Elantra 秋泛韓意　流背美人 @ 明星靚相大分享☆

秋泛韓意　流背美人

香港剛剛泛起點秋意，「韓意」似乎都趁機襲港，不過此韓不同彼寒，而是韓國多款新車近排都趁年尾突圍，務求殺對手一個措手不及，現代今次就以全新房車 Elantra出招，以揭背的流線型車身塑造房車，將房車與揭背車客一網打盡。記者：趙慧敏攝影：楊錦文Model： Hailey@GME

其他副刊影片超大尾廂人人愛放大圖片
■曲線形尾廂鋼臂設計，討盡女士們歡心。

■曲線形尾廂鋼臂設計，討盡女士們歡心。

雖然 Hyundai Elantra家已經到第五代，不過香港代理以往一直都無引入，新鮮感自然高好多，不過比較起同廠且較為港人熟悉的 Sonata，成個感覺明顯 Young咗唔少，唔係單一以西裝友或標準家庭男士為目標，就算後生仔女揸起嚟，都唔會有老套感覺。原因係乜？全靠充滿 Sportback味道的斜背，由後排直伸至車尾，驟眼睇還以為是揭背車尾，令全車有揭背之形，卻有房車之實，貫徹車廠以「流體雕塑」的設計基礎。老實講，好多人愛上揭背車就係因為個超大尾廂，不過 Elantra呢方面一啲都唔輸蝕，只要鬆開尾廂後的一個暗掣，後排座椅就會解鎖，從車尾直接推入雜物即可，毋須在車尾與後排之間奔波。除了車形，全車都有唔少亮眼的地方，尤其係車頭整組頭燈設計，運用 LED燈外更配上波浪形線條，加埋修長頭燈，充滿媚態，為車形營造唔少優雅及高貴味道。

放大圖片

放大圖片
■車尾微微上翹，線條柔順。

■車尾微微上翹，線條柔順。

軸距長更闊落放大圖片
1.配備天窗令車廂開揚感大增。

1.配備天窗令車廂開揚感大增。

以零距離接觸 Elantra，唔到你唔承認韓國車真係走得好快，雖然定位為房車，不過實用得體之餘，又可以兼顧視覺上享受，單是內櫳，發現駕駛席都營造出好唔同的層次感，整個中控台佈滿彎曲線條，尤其係波棍台直伸而上至音響系統，靈活運用金屬及鋼琴面等配飾，豪華之餘亦意外地帶出唔少肌肉感。至於 H形設計軚環，配埋多功能按鍵及 Smart Key等配備，同級之中真係唔多，值得一讚。雖然體形只有 4,530× 1,775× 1,445mm，不過就擁有 2.7米軸距，令後座空間腳部伸展十分闊落。性能上今次用上 1.6公升偈，最大輸出馬力都係 130匹，動力當然稱唔上澎湃，不過喺車形上就補救咗唔少，流線車形配上六速波箱，令操控性大大提高。至於價錢一向係現代的賣點，今次為 Elantra提供 Early Bird優惠，現貨賣完就會提價，有心上車似乎要把握機會喇！

放大圖片
2. H形軚環養眼度極高，中控台設計大有以柔制剛之味道。