一連兩場「 Fairy衞蘭演唱會 2010」前晚於紅館舉行，開騷前曾積極減肥的衞蘭（ Janice）仍然有水桶腰，整晚的服飾都以黑色為主，似乎要遮掩圓潤身材，反而女舞蹈員內衣伴舞引得全場歡呼。此外， Janice終於承認拍拖，更透露男友名字叫 Roger。Janice前晚開騷，請來李治廷及 JW擔任嘉賓。當 Janice介紹新歌時說：「好多人同我講一個女人要經歷十個八個男仔先會撞到佢嘅 Mr. Right，我幾時先可以遇到我嘅 Mr.Right呢。」但其實 Janice男友前晚已到場支持，她在訪問時被問及男友的名字，初時不願回答，及後才透露男友叫 Roger。
放大圖片 
一眾女舞蹈員脫剩黑色 bra top跳勁舞，顯得 Janice十分密實。
放大圖片 
衞詩和媽咪昨晚一同現身支持衞蘭尾場演唱會。
自認斤斤計較
一向唱功了得的 Janice前晚的演出於水準之上，但演繹勁歌熱舞時則有點吃力；女舞蹈員邊跳邊脫剩黑色內衣，全場觀眾尖叫，反而 Janice一直不肯除去外套，難免失色一點。及後 Janice與音樂總監雷頌德（ Mark）於台上深情對話，阿 Mark表示：「唔止我錫你， Leon都好錫你。」 Janice即大叫：「 I love you， Leon！」 Janice續說：「其實我識咗一個好特別好特別嘅人，我講嘅係耶穌。因為我阿妹，大家都知佢發生咗單嘢，因為佢我認識主耶穌。以前我好斤斤計較，我家好開心。」
放大圖片 
曾傳出與 Janice爭寵的 JW首次於紅館獻唱。
放大圖片 
Janice男友 Roger雖然聽不懂中文，仍現身支持女友。
男友唔識中文
Janice於接受訪問時表示滿意自己的表現，她說：「好開心見到 full house，因為之前話啲飛賣得唔好。」再提到男友到場支持，並坐於記者附近， Janice即向身邊的工作人員撒嬌說：「點搞 o架！咁佢梗係要嚟支持，不過佢唔識中文。」另外，昨晚尾場衞詩現身和媽咪以母女裝一同支持衞蘭；而鍾欣桐亦有現身睇騷，她說是衞詩請她來看演唱會，而老闆娘樂基兒及 Janice Man也結伴睇騷，老友鬼鬼。採訪：李珮洳、王連連攝影：陳慧安、林德雄 
未收身成功的 Janice穿上貼身裙，肚腩乍現。
留言列表
