《無綫節目巡禮 2011》昨晚假將軍澳電視廣播城舉行，逾百小生花旦大晒冷吸引廣告客戶，其中呂慧儀倒奶性感冧客，搶盡風頭。不過昨晚最受廣告客戶歡迎的是視帝陳豪和黎耀祥，而近期在《義海豪情》中奸出位的非凡哥麥長青及性感赴會的高海寧，也成為客戶爭相合照的對象。
其他娛樂名人影片
早前找代母借肚一索得三男的恒基地產副主席李家傑，擬收購無綫一事雖然近日盛傳暫時擱置，但未有影響眾小生花旦落力拉客。在昨晚招待廣告客戶的《無綫節目巡禮 2011》中，過百藝員盛裝赴會，其中戴上 43卡鑽飾的呂慧儀倒奶冧客，搶盡風頭，高海寧也以一襲前後大解放性感晚裝搶客。陳倩揚、苟芸慧、周家蔚和胡定欣的打扮也很奪目。雖然呂慧儀昨晚打扮惹火，俯身時波濤「胸」湧，但她仍謙稱：「留番台慶再畀大家驚喜，今晚我係小人物，我唔開前唔開後，開心咪得囉！」呂慧儀與梁政珏坐下合照時，更不慎春光乍洩。近日有報道暗示高海寧等港姐出席富豪飯局，但高海寧昨否認說：「未聽過呢啲電話，冇啲咁嘅事，自己係個腳踏實地嘅人。」葉翠翠也說：「冇睇過報道，已經同律師商量咗唔回應，我冇參與過，亦冇人搵過我。」
放大圖片 
戴上 43卡鑽飾的呂慧儀，昨晚倒奶冧廣告客戶。
放大圖片 
大開中門的高海寧被客戶邀請合照。
放大圖片 
陳豪與緋聞女友廖碧兒煙韌出席巡禮。
放大圖片 
陳法拉雖戴上 300萬鑽飾，但打扮明顯輸蝕。
法拉揚言愛 Neway
雖然一眾靚女打扮惹火，但講到冧廣告客戶者，要算視帝陳豪和黎耀祥，二人出場時全場起哄，由於現場大排長龍要求跟二人合照，要保安人員上前維持秩序，認真誇張。另外，近期在《義海豪情》中奸出位的非凡哥麥長青，昨晚穿警察戲服出現，被不少客戶邀請合照。非凡哥笑說：「好開心，啲人冇乜 taste，竟然話我靚仔，梁乃鵬先生叫我影相嗰陣，都叫我唔好做咁多衰人。」
放大圖片 
王君馨胸壓 TV Buddy賣大包。
放大圖片 
黎耀祥昨晚大受客戶歡迎。
放大圖片 
（左起）張嘉兒、周家蔚、何傲兒和苟芸慧等盛裝赴會。
昨晚巡禮開始後，陳法拉上台大談入行感受，卻被王祖藍勁寸：「你家係咪搵到人生嘅 new way（即指 Neway）？」擺明取笑她找到 Neway太子爺薛世恒這張長期飯票，但法拉不怒反笑說：「係呀，我好鍾意我嘅 Neway o架！」逗得全場大笑。
阿姐俾家英哥嚇親 放大圖片 
陳豪被大批客戶包圍影相，要保安維持秩序。
阿姐汪明荃丈夫羅家英日前在加拿大不幸患了貝爾氏麻痹（面部肌肉麻痹），前日阿姐偕家英哥返港後即到醫院求醫。昨日阿姐談及家英哥病情時表示沒有大礙，她說：「等緊康復，好輕微啫！初時我都嚇親，以為中風。」家英哥前日笑指自己歪嘴後有可能要收山，但阿姐卻說：「唔使，丑角都可以。」關菊英昨日下午出席巡禮拜神儀式時，自言也曾患過貝爾氏麻痹，她說：「初時好擔心自己嘴歪，後來睇醫生食咗啲激素同類固醇至冇事。」另外，近日有報道指黎耀祥前妻處境坎坷，祥仔對此說：「舊聞嚟啦，係近期《義海豪情》熱播，啲人再攞番出嚟講之嘛！」採訪：楊潔雯、卓寶花攝影：陳志嵐、彭琮然 
呂慧儀昨晚打扮惹火，但她揚言台慶當晚會再給大家驚喜。
2011重點節目
無綫明年將推出 16部自家製劇集，吳卓羲、楊怡、謝天華、鍾嘉欣和鄭嘉穎各佔三部之多，當中最有睇頭為汪明荃夥拍福祿壽主演的偵探喜劇《福祿壽.com》，及黎耀祥與米雪主演的《大太監》。鄧萃雯明年未有為無綫拍新劇，僅得其主演的《新還珠格格》以外購劇形式在高清翡翠台播映。另外，吳君如會回歸主持《星星同學會至尊版》。
放大圖片 
《心戰》
放大圖片 
《大太監》
─劇集─《心戰》 演員：鄭少秋、陳豪《花花世界花家姐》 演員：佘詩曼、林峯峯《大太監》 演員：黎耀祥、米雪雪《福祿壽.com》 演員：汪明荃、王祖藍、阮兆祥、李思捷《回到三國》 演員：吳卓羲、馬浚偉、陳法拉《拳王》 演員：劉璇璇、鄭嘉穎
放大圖片 
《福祿壽.com》
放大圖片 
《回到三國》
─綜藝節目─《星星同學會至尊版》 主持：吳君如《荃新福祿壽》 主持：汪明荃、王祖藍、阮兆祥、李思捷資料來源： TVB
留言列表
