旅行旅遊巴布亞新幾內亞馬當 PNG 比堅尼孖女　零污染下海 @ 明星靚相大分享☆

繼上星期勇闖 PNG熱帶雨林，上完山之後係時候下海了。今年香港早咗凍，仲要係陰陰寒寒，更令人懷念暖笠笠的日子，尤其是在 PNG零污染的海洋暢泳，與珊瑚礁 say hi，呢啲咪係「優質生活」囉。記者：蕭漢祥攝影：陳陶鈞Model: Christina& Jessica@ Starz People鳴謝： PNG資源控股

其他副刊影片澳洲人都來潛放大圖片
■很欣賞這幅牆畫，簡單地表達了土人生活和文化。

■很欣賞這幅牆畫，簡單地表達了土人生活和文化。

今次我們由巴布亞新幾內亞（ Papua New Guinea，簡稱 PNG）首都莫爾茲比港飛到北面的馬當（ Madang），目標是要欣賞這裏的零污染的海洋。港人對馬當的水世界可能較陌生，但在首都國際機場旁的內陸機場，會發現沿途都有日文提示，皆因不少日本人都喜歡來馬當潛水。就連鄰國的澳洲，即使當地都有靚爆的大堡礁，但唔知係咪隔籬飯香，不少澳洲人都好鍾意飛到這裏，來個陽光與海灘假期，可知馬當水世界唔少嘢！PNG附近一帶水域是世界上其中一個重要的珊瑚礁生長區，估計大約有四萬平方公里。不過由於資源不斷被開發，對生態環境也有影響，珊瑚礁逐步減少。為保護這個海洋生物樂園，當地有組織不時為馬當的珊瑚礁進行監察。當天同行的幾位潛水員，都親身往水底監察珊瑚礁的情況，亦拍下很多非常靚的相片，所以提醒大家，來這裏謹記攜帶有潛水功能的相機，否則你必會後悔。對於一般遊客來說，玩浮潛已非常滿足，但越深水的珊瑚和魚類品種就越多，齋浮潛唔夠喉!

放大圖片

放大圖片
■度假村到處是這些木製雕塑，不過夜麻麻隨時會俾佢嚇親。

■度假村到處是這些木製雕塑，不過夜麻麻隨時會俾佢嚇親。

放大圖片
■度假村環境清幽，房間佈置富熱帶色彩。雙人房每晚約$1,126

■度假村環境清幽，房間佈置富熱帶色彩。雙人房每晚約$1,126

放大圖片

同海星玩遊戲放大圖片
1.遊艇出海約 10分鐘已可落水玩浮潛！

1.遊艇出海約 10分鐘已可落水玩浮潛！

距離馬當機場約 15分鐘車程的沿海地方，都有好幾家度假村，不過今次選擇的 Madang Resort，最大優點係，快。第一快：上船快，由度假村附屬的潛水中心，於大門口一出轉右就係，唔使坐車去到老遠；第二快：落水快，其實度假村對開的海面，已經清澈到可見水底，坐約 10分鐘船就可以跳落水。即使採訪當天下着雨，模特兒 Christina同 Jessica一見到咁靚的海洋，二話不說爆衫跳落水，同海底的水母、小丑魚、海星玩遊戲，至於佢哋潛水時有幾興奮，就要睇網上短片至夠傳真， Christina簡直……失控！

放大圖片
2.馬當是新興潛水勝地，澳洲人和日本人都愛來潛。

2.馬當是新興潛水勝地，澳洲人和日本人都愛來潛。

放大圖片
3.Christina同 Jessica開心到唔想上水。

3.Christina同 Jessica開心到唔想上水。

放大圖片
4.教練兼導賞員，搵到一隻海星！

4.教練兼導賞員，搵到一隻海星！

放大圖片
5.零污染的海洋底下，是珊瑚的理想國。

5.零污染的海洋底下，是珊瑚的理想國。

費用：浮潛每位約$270Madang Resort網址：http://www.mtspng.com

可可果似山竹　蝙蝠大過 iPad 放大圖片
■可可豆發酵工場，內裏有點酸酸的味道。可可豆要發酵 7日，才可烘乾入袋。

■可可豆發酵工場，內裏有點酸酸的味道。可可豆要發酵 7日，才可烘乾入袋。

要數馬當這個城市有甚麼多，我認為有三多：第一當然是珊瑚多，第二是大過 iPad的蝙蝠好鬼多，第三是可可樹多。馬當有超過 5,000公頃土地種植了可可樹，可可豆出口至歐美製成朱古力等產品，是繼非洲之後的第二大出產國。因此可可豆加工業亦在此地盛行，不過，這裏很多「農業」其實是「天生天養」，養份和雨水充足，工人只是等待收成而已，到收成期工人進入樹林，將成熟至跌在地上的可可果實拾回來。小記當然唔執輸，劈開一個可可果實試一口，味道像山竹，連果核一齊食，就有一種似黑朱古力的味道。

放大圖片

放大圖片
■剛成熟的可可果食落像山竹，核心則帶點黑朱古力味。

■剛成熟的可可果食落像山竹，核心則帶點黑朱古力味。

放大圖片
■在馬當市不時見到一群疑似雀鳥在飛，睇清楚其實是蝙蝠。

■在馬當市不時見到一群疑似雀鳥在飛，睇清楚其實是蝙蝠。

放大圖片
■蝙蝠 size大過一部 iPad有多。

■蝙蝠 size大過一部 iPad有多。

吞拿魚壽司撕破之味放大圖片
■雖則靠水食水，但當地人沒有保鮮概念，難搵到新鮮魚食。

■雖則靠水食水，但當地人沒有保鮮概念，難搵到新鮮魚食。

靠山食山，靠水食水。馬當水質優秀，水資源豐富，當然要試吓當地的水產。作為旅遊記者，雖則明知出外亂食未煮熟的食物是大忌，隨時搞到肚屙收場，但心想魚生應該新鮮啩，因此膽粗粗在餐廳點了一碟吞拿魚壽司刺身，結果出事了！單看賣相，就知吞拿魚並非用鋒利的刀切，而用了鋸齒形刀，因此肉身切面呈撕破狀態！試一口，感覺像雪過再解凍後的吞拿魚！尋根問柢，去到當地人最熱門的市場，剛好有個就在海邊，一盤盤的魚穫搬上岸擺賣，但正如圖中所見，他們只會簡單地把魚放入箱中，然後加幾塊冰罷了。在約 30℃的環境，以這個保存「技術」想新鮮都幾難。及後連廚師都咁話：「當地人對魚肉類保鮮毫無概念，難有美味出色的菜式。」反而我們到馬當市郊深山去探訪一個土人家族時，村民安排了一餐便飯，幾盤雜菜、豬肉、菠蘿等，賣相真係一般，但食落又真係唔錯，本報攝影師哥哥更食到唔願走。真係食物都不可以貌相。

放大圖片
■鋸齒刀切吞拿魚+泰國米飯=吞拿魚壽司。約$84/碟