明星靚相大分享☆

出刷牙 figure　周秀娜開色戒
2009年11月11日
台慶月唔使俾姣佘、楊怡《宮心計》爭獎玩晒，都一樣做得 C1頭條同封面，除咗升呢 o靚模周秀娜，全年任睇都仲未見底。
出完寫真同攬枕，年尾流流， Chrissie再出招，聖誕檔將會推出無上裝五花大綁月曆，繼續俘虜宅男後，本刊獲得絕密消息，下年 1月尾搶先賀歲仲有撒手鐧，會推出兩款招牌刷牙、食雪糕的噴血 figure應市掠水。近日忙拍鬼片《惡胎》的 Chrissie捱到殘晒仍然 hardsell：「個 figure好 cute，我覺得仲 sexy過我本人！」 Cute得嚟又 sexy咁新奇，呢場賀歲波大家等睇啦！

周秀娜 2010月曆每本盛惠 98元，上週二（ 3日）網上預售， 27日正式公開發售。睇早前搶先公開的赤裸五花大綁封面，就知內頁仲激。

月曆內， Chrissie會引用偶像瑪麗蓮夢露、柯德利夏萍等人的金句，再抒發個人見解，如為牛仔褲品牌 Cheap Monday代言的 6月，就是「德蘭修女：『不要浪費時間搥打阻礙你的牆，應嘗試將它改成一扇門。』」 Chrissie希望自己可以做得到：「彈性處理事情，有智慧，與其死守問題，倒不如轉角度看事情，嘗試將問題解決。」

o靚模升呢做潮模、刷牙食雪糕殺出一條血路，成功經歷連學術界都話要探討的周秀娜 Chrissie，出道時已經揚言，行得娛樂圈呢條路，為走紅不設底線。去年已經出過內衣惹火月曆的她，雖然身價升呢， 2010年度月曆絕不吝嗇 32D招牌美乳，反而再挑戰個人尺度，極秘無上裝內頁照搶先在本刊曝光。
Chrissie搵嚟設計過無數 sexy女 figure（下圖右）的林祥焜操刀，明年 1月再出新搞作，可供換衫換頭嘅 Chrissie figure！
據知 Chrissie figure高 4吋，頭部可供換刷牙或食雪榚兩個造型，更有多款三點式供替換，明年 1月發售，限量 1000隻，各位 Chrissie迷真係要密切留意住呀！

林祥焜出名設計日系噴血少女 figure，配上 Chrissie招牌刷牙甫士，呢個組合宅男聽到都流鼻血啦。

印錢機
出道年半，周秀娜憑 32D黃金比例加潮州妹拼搏精神，唔只人氣極速上揚，不斷推出各式各樣產品，亦狂賺近 150萬！咁好搵，難怪長出長有啦！

共賺： 148萬

iPhone版電子寫真
賺 15萬（酬勞）
《蘋果日報》圖片

'09月曆
賺 3萬（酬勞）

《 Kissy Chrissie》寫真
零售價：$98
銷量： 31,000本
收入：$98× 31,000× 15%（分紅）
賺 46萬

人形攬枕
零售價：$598
銷量： 8,000個
收入：$598× 8,000× 15%（分紅）賺 72萬
《蘋果日報》圖片

肖像 T
賺 12萬（酬勞）

加插自度金句

無上裝拍照對 chrissie嚟講絕冇難度：「專業 model冇理由驚呢樣驚嗰樣，埋位時我都有做足安全措施同清場。」《蘋果日報》圖片

2010年月曆命名為「 ColouRevolution」，除了 12個月都會以大膽妝容展現不同顏色為主題外，一向以 EQ高見稱的金句王 Chrissie，更會每月分享一句歷史名女人名言（如德蘭修女、 Coco Chanel等）及自度金句分享。
「今次呢個月曆，係想用唔同顏色嘅主題同金句，體現女性氣質同智慧，要表達嘅唔只性感！不過我都預咗大家焦點會擺喺無上裝度……其實今次唔係為性感而性感， 6月號主題色（無上裝）係灰，配合我新代言嘅牛仔褲。無上裝都係因為咁樣最可以體現女性線條美，事實上影出嚟，我自己睇完都覺得自己好索喎。」
刷牙賀新春
本月 3日開始在網上預售的月曆（ 27日正式推出），雖然未有銷售數字，不過其經理人公司就對 Chrissie信心爆棚，繼攬枕、 iphone版寫真同 T恤後，密謀推出 Chrissie 4吋高搪膠 figure繼續掠水，鐵定明年農曆新年前面世，一式兩款。
咩甫士？梗係經典刷牙同食雪糕啦：「本身諗住出浴簾、牙膏，但做咗幾次試版出嚟都唔係太靚，我都好失望！但今次搵咗林祥焜（高潮樂隊主腦兼漫畫人）幫我設計 figure，我睇咗個辦，鍾意到爆！性感得嚟仲好 cute，最正係迷迷茫茫嘅眼神，我覺得仲 sexy過我本人。」
女神擔正

俾導演羅守耀力讚好好拍又物超所值的 Chrissie，拍戲聽教聽話，高空撻落地面 4次，撻到周身瘀（上圖）亦絕無怨言，抵讚！

要做第三者，破壞黎諾懿同呂慧儀 10年婚姻的性感護士，女主角 Chrissie套套戲服都有睇頭。

同 Chrissie有唔少親熱戲的黎諾懿都讚對手索：「好多男仔都當佢係女神，第一次合作就同佢有親熱戲，連我自己都好羨慕我自己呀！」

《惡胎》圍繞黎諾懿過世女兒怪責 Chrissie破壞父母婚姻，所以死纏 Chrissie唔放，現場唔只有真人女童扮鬼，仲有唔少公仔道具，連 Chrissie都話拍完套戲自己疑神疑鬼唔少。

擔正姣護士
當勁敵 Angelababy忙怕戲又忙攻日， Chrissie即時頂上，在本港各大小商業活動密密曝光搵食，出席電視台活動、連亞姐頒獎嘉頒都撈埋，近日亦升呢做電影第一女主角，被羅守耀睇中拍鬼片， Chrissie扮性感俏護士，仲會色誘醫生仔黎諾懿，發展婚外情。
據悉宅男性感女神今次仲會同黎諾懿喺醫院內有場激烈舌吻情慾戲添：「上次喺《死神傻了》，我同陸永都係蜻蜓點水掂一掂嘴仔咋，今次真係濕吻 o架！我都好緊張，惟有日日偷望黎諾懿，諗辦法愛上佢啦！」女神 Chrissie擺性感甫士睇得多，實戰做情慾戲都係第一次，淨係計班死硬宅男 fans，票房都好樂觀喎！

完成電影後， Chrissie又會赴日會合日本通的緋聞男友陳方滕繼續日方工作：「我得一個男朋友 Avis咋！陳方滕邊有追我呀！佢喺日本幫我接 job咋！」
狂抽水
Chrissie今年極速上位，自攬枕推出後更升呢，活動、代言、電影自動送上門，無非都係一個 hit字。
人紅自然乜都啱使，新戲《關人 7事》入面，原本只演收銀員茄角嘅 Chrissie，實情只得一場戲，無奈近期 hit到爆，宣傳短片內的出現次數，竟比主角江若琳多幾倍，真正大茄變主角！而無綫新戲《 72家租客》，之前盛傳會搵 Chrissie飾演狄娜一角，實情導演由頭到尾都冇搵過 Chrissie，擺明宣傳易！
年賺幾百萬，借個名畀人用吓 keep住曝光，互惠互利囉！

大茄變主角

阿佘執二攤《壹週刊》圖片

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★   明星靚相大分享(11月刊)★ 過期 週刊 及 雜誌(4-11月刊)☆  過期 週刊 及 雜誌(10-11月刊)☆