當大家抱過軟綿綿攬枕之後，有無諗過，原來娜姐仲有好 High Tech一面！講緊係由本地薑 Metalware（ MW）推出嘅主題 Netbook，功能有幾勁？並唔重要！既然買得周秀娜主題產品，志在滿足一己私慾，以收藏為樂，得閒把弄一番，但記住，玩完抹番乾淨喎！記者：陳國輝攝影：周旭文
其他副刊影片 拈花惹草鋼琴黑
何解玩完要抹乾淨？咁大個仔仲要教，真離譜！手提電腦 Keyborad咁容易污糟，又經常滿佈細菌，當然保持清潔最緊要！但講到礙眼，首數係機面嘅鋼琴漆物料，呢部機前身係 Razor S141，睇落雖然好靚又亮麗，但只要用手輕輕觸摸，好似揭蓋或者關蓋等，手指紋會立即現形；不過無計，娜姐班粉絲即使唔多宅男，但粗略估計九成係男仔，唔用鋼琴黑，唔通揀姣婆紫咩！抹都係小問題，但要小心連機面上嘅顏料圖案都抹甩埋！外殼上一幅咁精緻嘅藝術圖案，原來係花、樹、心形以及后冠，靚與唔靚就見仁見智，但如果話你知， Chrissie都有份參與設計，仲係限量，你又點睇？揭蓋之後，佢立即變番做一部普通 Netbook，炭黑色外殼加上一排朱古力 Keyboard，感覺整齊又討好，但唔 Lady囉！
放大圖片 
■內置 Chrissie待機 Wallpaper，雖然睇來睇去嗰幾張，但宅男肯定流晒口水。
放大圖片 
放大圖片 
放大圖片 
激薄機身煲高清
揀得呢部 MW周秀娜 Netbook，好多人會預佢分唇麻麻，咁諗就錯喇！雖然 CPU只係勁普通嗰隻 Intel CULV Pentium SU4100 1.30GHz，以及只得 2GB記憶體，靠佢打機就無乜可能，但勝在機身輕得嚟仲有 11.6"屏幕，亮度亦唔錯，戴埋耳筒之後，拎出街煲劇、聽歌，都可以撐幾粒鐘；但最抵讚似乎都係側邊嘅 HDMI插頭，若預先單撈高清影片落電腦，只要駁線到大電視，就能夠即時睇片，夠晒爽快。系統採用 Windows 7 Home Premium Edition，就算無 Professional版咁多花臣，但照樣喺 MousePad上面玩 Multi-Touch，將相片放大縮細都無乜難度，有時間帶埋呢部「娜姐」行街街，得閒篤吓佢、摸吓佢，咁 Fans就唔怕悶啦！
放大圖片 
■機身薄到只有大概 14mm，拍埋身大家都咁 Slim。
放大圖片 
■睇完佢個規格，相信你都唔會用佢打機。
Chrissie周身 Look 放大圖片 
1. 鍵盤排列好整齊，四四方方十足一排朱古力。
放大圖片 
2. 無 DVD機睇碟唔緊要，單撈套高清片，駁埋 HDMI線到大電視睇咪仲爽。
放大圖片 
3. 130萬像素 Webcam，玩視頻聊天夠晒用，話唔定撞見周秀娜！
放大圖片 
4. 三合一讀卡器已屬招牌分唇之一，影影埋埋一堆周秀娜靚相，真係有排睇。
放大圖片 
5. 周邊端子如 3.5mm耳筒位、咪位統統有齊，至於 USB 2.0更加唔少得！
Profile 放大圖片 
系統： Windows 7 Home Premium Edition處理器： Intel CULV Pentium SU4100 1.30GHz記憶體： 2GB DDR屏幕： 11.6" LED芒硬碟： 250GB重量： 1.35kg其他功能：視像 Webcam、 HDMI輸出、三合一讀卡器、 Wi-Fi、藍芽、三組 USB 2.0查詢： MW（ 3422 3473） 
■機面上嘅圖案全部由白色圓點組成。\n
留言列表
