整容藝人越嚟越多，真面目嘅人越嚟越少。羽翹當初加入蕭定一公司時冇即刻好似 Freeze咁走去整容，佢上年仲喺網誌度話要整容就出道前去整，因為出道後有太多相俾人 photo hunt，太遲，而且佢要整都會隆胸先，但羽翹前晚喺灣仔出席雜誌活動，成個樣明顯唔同，面部飽滿咗不特止，雙眼深大有神，鼻樑又削咗堅挺咗，睇嚟冇以前咁粗大，有冇變靚見仁見智，但一定唔同咗。佢話自己忙緊籌備新細碟，嚟緊會開音樂會，到時好想表演鋼琴以外嘅樂器，佢話：「我想試吓玩豎琴，我本身唔識嘅，希望學得識。」
放大圖片 
《前晚》羽翹前晚出席活動，望落去同 07年出席電影《出水芙蓉》記者會時成個樣唔同晒，鼻挺咗，雙眼又明亮咗。
放大圖片 
《 07年》
官恩娜易容睇戲 放大圖片 
官恩娜成日做嘢都要着婚紗，所以佢話真係結婚時想着裙褂喎。
同場嘅官恩娜（ Ella）一身婚紗 look出現，仲戴咗過百萬卡地亞鑽飾，佢話入行後經常着婚紗，着到冇乜感覺，只係未着過裙褂，所以第時自己結婚，希望着裙褂同戴住有十隻金豬仔嘅頸鏈。 Ella啱啱做完舞台劇，嚟緊忙於宣傳新戲《東風破》，佢話家人都睇咗首映，讚不絕口，但佢想聽吓觀眾意見，會搵日易容入場睇戲，即使俾人鬧都冇所謂。另外，工作多多嘅 Ella噚日又去商台宣傳新歌，佢話忙到冇時間陪家人，好想同公司申請一個月最少畀一日假佢陪家人，佢話：「前晚我阿媽先話有親戚結婚，叫我一定要去，但我真係去唔到，當時我覺得自己好不孝，好彩媽咪好體諒我，唔會畀壓力我。」 
羽翹（右一）初初簽蕭定一時，話過唔會學 Freeze三嬌咁整容。 資料圖片
全站熱搜
留言列表
