殭屍新戰士周秀娜娜姐巨胸吸血鬼　黑位有嘢睇 @ 明星靚相大分享☆

殭屍片千篇一律，索女、靚仔、鬼打鬼，內容重複又重複，毫無新意！本周新碟《殭屍新戰士》別抱太大寄望，皆因想睇嘅只係娜姐以及一眾 o靚模嘅演出，特別係佢倒吊瞓覺嗰幕，莫講話娜姐搞到腦充血， Fans都要小心流鼻血！記者：陳國輝

故事： o靚模殭屍談談情放大圖片
■ A.Lin、 Da Da及周秀娜，戲內戲外都係老友鬼鬼。

■ A.Lin、 Da Da及周秀娜，戲內戲外都係老友鬼鬼。

劇本都係玩道士捉殭屍陳年橋段！不過最特別係劇中殭屍，基本同吸血鬼 Crossover，好鬼鍾意吸人血；殭屍娜姐原本生活，只係同朋友談談情、說說愛；後來神秘殭屍阿盟（元華飾）出現，佢唔單止不斷捕食其他殭屍，甚至威脅到娜姐一家安危。

叢林野戰　黑位 Sharp

現代版殭屍片內容有幾精采？咁就因人而異！不過 Blu-ray版嘅高清畫質，的確想講一講。《殭》支援 1080p格式，並以 1.85:1畫面顯示，重點係成套戲有一半時間於室內、黑夜拍攝！呢隻碟喺畫面處理上值得一讚，特別係夜晚拍攝嘅叢林場景，整體上甚少出現過度曝光或太黑嘅問題，雖然打燈效果稍為刻意，但起碼無出現「面燶燶」嘅情況，輪廓層次分明。但音色方面就表現麻麻，例如撞爆牆、電腦特技等 Over咗，而個人對廣東話配音就最失望，大部份時間唔夾口形，間中仲聽到微弱嘅重叠聲！

放大圖片
■室內打鬥戲份甚多，不過音色表現有啲誇張。

■室內打鬥戲份甚多，不過音色表現有啲誇張。

放大圖片
■黑位表現唔錯，人臉、服飾，一草一木都咁清楚。

■黑位表現唔錯，人臉、服飾，一草一木都咁清楚。

限量 1,000套 Q版公仔

Bonus內容始終離唔開嗰幾味！香港以及國際版預告片可以飛走，但如果你係娜姐 Fans，就要落足眼力睇製作花絮，事關全片大部份時間，佢都借助吊威吔拍攝，仲有同元華練習對打戲，不停好似生魚咁俾人撻，睇到 Fans好心痛！另外，今次 DVD同 Blu-ray首 1,000套，會附送 Q版人形公仔，有齊元華、娜姐及蔣璐霞三名主角， Fans又點可以走雞。

放大圖片
■計我話元華呢副殭屍 Look最神似。