旅行旅遊台灣台北嚴選情人短線團　愛河萬發花火－明星靚相大分享☆

「唉！都估到你咩都無準備 o架喇，是但求其食茶餐廳行吓街算囉，唔係點呀！」習慣臨急抱佛腳的男士，今年情人節如果唔想再聽到抱怨、睇到黑面……甚至慘遭遺棄，就好好睇吓以下旅程，給女友一個 surprise。記者：蕭漢祥

全台都浪漫！高雄燈會 500公尺長煙花

2月 14日西方情人節， 2月 17日又係中國情人節，睇戲都知古時元宵節會舉行燈會，賞燈猜燈謎，點先至夠冧又唔老套？今年高雄燈會藝術節由 2月 12日至 28日舉行，最吸引是在愛河長 500公尺的環港煙花，共發射 11,168發煙火，預計有過百萬人去睇。這個高雄燈節之旅，行程還會遊覽百年天后宮，讓情侶在此祈求相愛一生一世。

放大圖片
■高雄今年首創愛河兩岸環港煙花騷。

■高雄今年首創愛河兩岸環港煙花騷。

放大圖片
■燈會更有高耀兔燈帽派。

■燈會更有高耀兔燈帽派。

高雄元宵燈會 3天團（美麗華）團費：每位$1,899起註：入住寶來不老溫泉山莊

台北睇花博平溪放天燈

台北拖手自遊行！冧女友招數：一，睇花博，「豪送」 3千萬朵花給女友，睇佢有乜反應！二，過埋中國情人節， 2月 17日有平溪天燈節，平溪周圍無光害，放天燈特別靚特別壯觀，滿天愛的誓言！單是這兩個活動已夠女友尖叫，還未計浸溫泉、夜市掃街……

放大圖片

台北 3天自遊行（康泰）套票：每位$2,199起註：台北 20多間飯店供選擇，搭國泰或港龍。

Plans for Valentine's Day 放大圖片

溫馨提示：台北 101雲集名店，男士們記得準備好足夠銀彈。

放大圖片

台灣台北下周有雨， 11-15℃

上海至纏綿！情侶被兩人做放大圖片
■大樓大電視能顯示「 I Love GF」就更冧。

■大樓大電視能顯示「 I Love GF」就更冧。

想當年電影《人鬼情未了》，一幕人鬼擁抱做陶器，冧盡萬千少男少女。雖然好哋哋講咩人鬼情未了，大吉利是咩！但情侶夾手夾腳 DIY，的確幾溫馨。這個團啱你哋，遊杭州西湖、上海浦江美景之後，還加推「 Sweet Sweet製作蠶絲被」活動，到訪蘇州凱地絲綢廠時，大家唔係齋睇工人製作，更有專人指導，一齊將蠶絲拉開又重叠，你叠吓我、我又叠吓你，完成後每 pair都可將親手製作的蠶絲被帶回家，有咩親密得過一張被兩人做吖！

放大圖片
■情人節晚餐食南翔小籠包，夠特別囉！

■情人節晚餐食南翔小籠包，夠特別囉！

放大圖片
■坐船遊西湖，浪漫睇日落。

■坐船遊西湖，浪漫睇日落。

上海、杭州、蘇州 4天直航團（康泰）團費：每位$2,199起註：情人節當晚每位女士獲贈玫瑰花及朱古力

首爾至冰火！房外雪景房內火辣放大圖片
■除了白色聖誕，白色情人節亦是女士的憧憬。

■除了白色聖誕，白色情人節亦是女士的憧憬。

今年韓國係咁下雪，想有浪漫白色情人節話咁易。韓國鳳凰城滑雪之旅，除了水上樂園嬉水、滑雪場溫馨擲雪球，情人節當晚還安排情侶在房內品嚐火辣韓式火鍋兼送紅酒，房內暖笠笠看窗外凍冰冰雪景，一冰一火，噗一聲！紅酒開了……呢個旅程女友實無詐型，還有明洞、南大門購物之旅，溫馨提示：男士們記得帶夠信用卡或銀彈，否則「十功都不能補一過」。

放大圖片
■到訪韓屋村感受雪地庭園浪漫。

■到訪韓屋村感受雪地庭園浪漫。

放大圖片
■房內嘆「兩人一鍋」咁火辣?!

■房內嘆「兩人一鍋」咁火辣?!

韓國 5天鳳凰城滑雪之旅（ EGL東瀛遊）團費：每位$3,889起註：獲贈玫瑰、紅酒及朱古力各一，房內「兩人一鍋」。

沖繩至鹹濕！住海邊酒店睇最大鯨鯊放大圖片
■沖繩單是絕美的海灘已夠戀戰 feel。

■沖繩單是絕美的海灘已夠戀戰 feel。

《戀戰沖繩》的愛情故事雖然既多角又複雜，但靚到震的場景就令唔少少女憧憬將自已的故事搬到沖繩上映。這個 5天團賣點係……好鹹濕！行程包括參觀水族館、那霸漁港，半潛水艇遊海底世界，入住海邊酒店，充滿海水鹹味。甜蜜時刻都有，旅程第 4日，情侶可自費參加自駕遊，駕駛 S Class私家車，自己話事任你哋去邊個浪漫場景。

放大圖片
■去沖繩當然要食石垣牛火鍋。

■去沖繩當然要食石垣牛火鍋。

放大圖片
■水族館睇最大鯨鯊！

■水族館睇最大鯨鯊！

沖繩海洋博水族館 5天團（新華）團費：每位$3,999起註：水族館、琉球村，自駕遊。

布吉至 Hot！冧爆蜜月主題房放大圖片
■黃昏海邊共晉晚餐、漫步沙灘，浪漫！

■黃昏海邊共晉晚餐、漫步沙灘，浪漫！

不少女士食飯食個 view多於食味道，情人節搵個靚場景度過，係必勝之道。去布吉，唔使多講！陽光海灘有誰不愛。布吉 5天之旅，於 2月 11日出發的團可獲情人節升級服務，除了必然冧爆的蜜月主題客房、浪漫二人燭光晚餐、甜蜜朱古力，還同場加映燃放天燈，讓你們在海天一色的場景下，將愛的誓言飄上天空，呢個環境下點止情人節，直情求婚都仲得。團費還包括贈送 Six Senses 50分鐘香薰 spa。

放大圖片
■ Resort景色靚絕，必勝！