陸駿光與做文員的女友陳小姐拍拖年半，週日（ 27日）唔使再去集會，就相約拍拖，在甜品店十指緊扣好 sweet。
真面目
大控訴 冇錢擺酒 未婚妻照嫁 港視半澤：覺得自己好冇用
一場電視風波，令港版《半澤直樹》短劇在政總外上演，更令飾演半澤的陸駿光一鳴驚人；他曾在首晚（ 20日）集會時大吐苦水，指 HKTV不獲發牌導致他與女友婚期被迫延遲，令人欷歔。
雖然台上贏得掌聲，但 35歲陸駿光在台下卻對本刊說：「覺得自己好冇用！」對婚期及出路同樣感迷惘，不過週日（ 27日）他依然陪未婚妻 sweet行街、又在婚紗店睇款，並未放棄成家立室，繼續追夢。
港視員工一連六日在政總集會，要求政府交代 HKTV「死因」，及一連兩晚上演港版《半澤直樹》，陸駿光扮演半澤贏得全場掌聲，以往籍籍無名的他終於有做演員的感覺。
港視加 1倍人工
他在台下對本刊說：「其實我未睇過《半澤》，係編劇話我個樣幾似，我仲問邊個係半澤添，佢就畀咗幾段片我睇，等我照做。」結果一鳴驚人，但他自爆雖然是 01年演藝學院戲劇系畢業，但原來一直有舞台恐懼症：「上台前會心跳加速，又上好多次廁所，做《半澤》前 8個鐘內屙咗廿幾次呀；初時諗住唔做，但又諗，呢次可能係最後一次喺觀眾面前演出，所以頂硬上囉。」
02年加入無綫的陸駿光， 9年 TVB生涯，早期只得 5、 6千蚊人工，近兩年才加至 7千，一直做綠葉連名都叫唔出，冇前途又冇錢途。他說：「喺 TVB好想做啲有得發揮嘅角色，但一直都冇，續約時只係加一百蚊騷錢，離職（ 11年）都只係加咗二百！過咗 HKTV加咗一倍幾人工呀，成 3千蚊個騷，而且所有角色都可以自由去報名 casting。我覺得自己好冇用，同屋企人食飯都畀唔起錢，好彩全家都支持我！」
TVB 9年加$200
連同屋企人食飯都畀唔起錢的陸駿光，同女友行完婚紗店，陸駿光話仲未有錢結婚：「希望可以做個盡責嘅男友，同女友結婚啦。」
女友等着婚紗
陸駿光在無綫都是演綠葉，最多人記得應該係《潛行狙擊》做大賊。
陸駿光本打算和拍拖年多的圈外女友出年 10月拉埋天窗，但 HKTV不獲發牌令婚期亦要無限期推遲。週日（ 27日）集會已結束，本刊發現陸駿光和女友在尖沙咀拖手出現，首先在海港城一帶逛街，但齋行冇買，之後他與女友行到金巴利道幾間婚紗店門外，駐足討論婚紗款式，兩人在店外揭婚紗相簿狀甚投入，相信婚事並未因發牌打擊而放棄。
隨後兩人走入甜品店，不知是否為慳錢，兩人只共嘗一杯雪糕，其間陸駿光搭住女友玉手非常溫馨。事後記者問陸駿光是否冇錢擺酒，但女友一樣苦等照嫁，所以趁機揀定婚紗？他笑笑口回應：「行過望吓囉！雖然我冇乜錢，但希望可以做個盡責嘅男友，同女友結婚。」可惜婚期仍未落實，希望港視最終有牌，等半澤娶到老婆電視風雲引發 12萬市民圍政總抗議，亦導致蕭若元發火鬧曾志偉，指他身為演藝人協會會長，竟在集會前致電吳思遠，說激發人遊行是「搞亂香港」；雖然曾志偉澄清當中有誤會，但上週三（ 23日）宣布因壓力太大辭去會長一職。不過蕭若元繼續狂插志偉，翌日（ 24日）在網台節目《蕭遙遊》大鬧曾志偉「唔知醜字點寫」。
27/10冧拖睇婚紗
和女友經過金巴利道一列婚紗店，都在櫥窗外望兩眼，未結成婚都揀定款先。 
陸駿光更駐足睇相簿，同女友有傾有講。
與鄭俊弘同期
與鄭俊弘份屬老友，陸駿光話：「同阿 Fred最 friend，佢上咗位仲有搵我哋打邊爐，鼓勵我撐落去。」
02年第 18期藝員訓練班
陸駿光是 TVB第 18期（ 2002）藝訓班畢業，同期有鄭俊弘、胡定欣等。
張松枝唔使紮鐵
張松枝在《半澤》短劇內演渡真利忍，他在無綫工作了 18年，有 12年冇加過人工，拍《回到三國》時曾因為脫水幾乎休克，又曾以月租 2千多元租住旺角劏房。
比陸駿光好彩，張松枝在 TVB叫稍有名氣，搬離劏房，但都心淡離巢：「以前公司似大家庭，但去到中段開始有改變，同同事有啲疏離，感覺有啲鬥爭。」他仍有 8個月才約滿港視，他曾說唔排除轉行甚至做紮鐵工人，但實際未學過紮鐵的他，前路要到時再諗喎。
張松枝一早便到政總，和郭鋒等排練《半澤直樹》。《蘋果日報》圖片 
張松枝在九龍塘散步時巧遇發哥，周潤發更大表支持：「發哥叫我畀心機，話睇到我好努力，唔得嘅可以返大陸拍劇。」令他開心晒咁話。網上圖片
維基照出糧接 job
王維基已就發牌事件提出司法覆核，早前無奈解僱三百多名員工，而大部分藝員仍然有約，據知屬經理人合約的藝員，如美琪 BB、黃芷晴、姜文杰、姜麗文、陳宇琛、李忠希和李雨陽等， HKTV仍然會以經理人身份替其接 job，例如美琪 BB早前替馬會拍宣傳片、另外藝員接的商場騷司儀等，亦上過其他收費電視台做嘉賓。
而蒙嘉慧、張可頤、黃日華、陸駿光和張松枝等屬部頭合約，可自由身接工作， HKTV不會抽佣。
「直情係幫兇！」
蕭若元又大爆 92年拍劉德華和林青霞《絕代雙驕》時他任監製，曾將導演曾志偉炒魷：「拍到一半炒咗佢，從來不負責任，出咗通告都唔出現！」
蕭若元在節目中直斥：「身為演藝人協會主席，為演藝人協會做過咩呢？英皇啲人俾人偷影咗相，佢就出嚟示威，演藝人員過去十幾年嚟，喺無綫簽約 100蚊個騷、唔准去第 2個電視台做，曾志偉未放過一個屁！」
他愈講愈火：「唔只咁喎，有啲嘢佢直情係幫兇，過去幾年你叫曾志偉答，無綫拍嗰啲賀歲片，佢作為監製導演，有冇畀市值人工藝員？即係市值 50萬，無綫就畀 15萬；而且客串嗰啲人，車馬費都冇，喺信封入面入張紅紙，寫住『無言感激』四個字，你曾志偉唔係幫兇係乜嘢呀？你咁樣做演藝人員協會，你真係唔知醜字點寫呀！」蕭若元又斥《獎門人》節目意識不良，經常性騷擾藝員，呼籲觀眾投訴；而本刊連日來亦致電蕭若元，可惜截稿前仍未聯絡上。
蕭若元再插志偉：唔知醜字點寫
蕭若元對曾志偉的遊行是「搞亂香港」言論極之不滿，連日在節目中發炮。《蘋果日報》圖片 
曾志偉亦作出澄清，但承認講過不應煽動群眾上街，上週三（ 23日）終決定辭去演藝人協會會長一職。《蘋果日報》圖片 
蕭若元在曾志偉辭任後，繼續在網台節目《蕭遙遊》中狂插對方身為會長唔知醜字點寫。
演協新會長 3大熱門
演藝人協會至今年已成立 20年，歷屆會長有許冠文、成龍、梅艷芳等。主要職能是保障藝人權益和參與社會公益，過往曾發起不少慈善籌款活動、亦搞過萬聖節 party等，藝人入會只需填表格，由理事會審批就可成為會員。
而曾志偉宣布辭任後，以敢於發聲的黃秋生繼任的呼聲最高，近日亦有指，演藝人協會內部對新會長人選持不同意見，唔少成員推舉劉德華和張學友接棒，而阿叻陳百祥和現任副會長唐季禮都在考慮之列。
演協秘書長陳芷菁：會內有唔少前輩認為協會唔應該牽涉政治。《蘋果日報》圖片 
黃秋生 
劉德華 
張學友
開 P聯誼
留言列表
