明星靚相大分享☆

「咪神」徐淑敏（ Suki）前日剖腹誕下 7磅愛女 Vianna，昨日繼續留院休息，老公黃浩（ Kenny）整夜陪伴老婆左右。雖然 Suki胃口欠佳，但她仍堅持餵人奶， Kenny坦言兩公婆已有計劃希望盡快追個「慈菇椗」。

其他娛樂名人影片

去年奉子成婚的徐淑敏，前日傍晚在養和醫院剖腹誕下 7磅重的囡囡 Vianna，老公黃浩全晚留院陪伴老婆。昨日下午 Kenny現身接受訪問，見他一臉倦容，不過難掩喜悅。 Kenny表示準備了粥水給 Suki，但她嫌味道太淡只吃了幾啖，又爆她偷食了半條叉燒腸，並指 Suki親自餵人奶給囡囡。問到 Suki想吃甚麼？ Kenny笑說：「佢想食壽司，但暫時唔可以食，或者遲啲同佢去日本食。」

放大圖片

雖然徐淑敏胃口欠佳，只吃了幾啖粥水，但仍堅持餵囡囡食人奶。　資料圖片

放大圖片

Kenny前晚整夜留在醫院陪伴老婆及囡囡，難怪一臉倦容。

囡囡開眼心情興奮 放大圖片

沈卓盈身為 Vianna的契媽，當然要第一時間到醫院探望契女。

Kenny透露前晚和昨日都有抱囡囡，他直言抱起 Vianna心情既緊張又興奮，初步暫定 Suki會在後天出院。會否已有計劃生多個？ Kenny稱：「 Suki本身呢年就已經想追多個，不過唔係我催佢，係佢自己想生，我哋都有共識想生兩至三個，咁雙方父母都想追個囝囝。」 Kenny又自爆當看到囡囡開眼及向他笑時，心情真的興奮得難以形容。Vianna的兩位契媽呂慧儀和沈卓盈昨午先後到醫院探望 Suki及 BB，呂慧儀表示 Vianna相當得意、活潑，暫時未知送甚麼上契禮物，呂慧儀又自爆說：「我都有抱 BB影相，佢好精靈，仲藐咗我一吓。 Suki就好靚女，冇乜點走樣。」又透露送了補品給 Suki補身。採訪：卓寶花攝影：彭琮然


Suki及 Kenny的囡囡 Vianna前日傍晚出世，精靈可愛，難怪集萬千寵愛在一身。