明星靚相大分享☆

監製　錢國偉 

市場及營業部經理　陳永孫 

藝員　寧進
 
陳總前助手及思潮廣告製作公司董事　叢培崑

查足 39粒鐘

被拘留 39小時，陳志雲終獲釋，即戴番 cap帽、口罩遮住倦容，貫徹其姿整本色。
 
陳志雲返回亞皆老街的「風水屋」雅麗居後，連日來足不出戶，匿埋喺屋企。

愛將 1叢培崑　私藏金毛妹 Nicole
陳總密友叢培崑今年 28歲，未做陳總助手前為九龍區機動部隊成員（俗稱藍帽子）， 06年中因飛車導致友人身亡，之後離職。經無綫大茄兼陳總另一愛將寧進介紹為陳總助手，再升為密友，更因陳總關係建立人脈，開始做娛樂生意， 08年開設訊偉有限公司，公司登記地址更係陳總太子道雅麗居地址。雖然關係撲朔迷離，不過叢培崑甚有女人緣，據聞叢更送埋地下女友 Nicole到日本留學，陳總膊頭壓力唔少。

07年陳總被自己司機開倒車撞傷腳，叢培崑同現已離職的助手何恆安做人肉拐杖扶陳總行路。
 
06年當時為警員嘅叢培崑休班後同友人飛車，導致好友陳業安身亡，當時叢更攬着受驚女友。

最近有報道指叢培崑同 Nicole（右圖）為情侶更同遊台灣與日本， 2人更十分爛蒲，更約埋陳總前助手何恆安 Hang On（右）夜蒲。 

叢培崑資產檔案
物業 何文田龍柏花園（有傳陳總喺 1月以 600萬買入，送畀叢培崑作生日禮物。）
公司 1.鴻業投資發展公司
2.思潮廣告製作有限公司
3.思潮教育學院有限公司
4.思潮娛樂有限公司
5.思潮出版社有限公司
6.訊偉有限公司

陳總唔只生意上照顧叢培崑、亦非常錫佢，今年 1月生日更為叢喺富豪酒店搞生日，仲幫佢約埋曹格、側田、張繼聰到賀，而富家酒店太子女羅寶文，亦同陳總極老死，每次太子女旗下生意搞活動，陳總必定拖馬撐場。
澳門猛人娥姐

叢培崑喺澳門有甚多生意，人面脈絡超強，陳志雲更獲澳門猛人娥姐視如子侄，而叢認識娥姐亦靠陳總介紹。

50歲陳志雲喺無綫工作 16年，深得六嬸方逸華器重，但自從愈來愈高調，加上明益前助手密友叢培崑（ Edthancy）的娛樂公司，吃裏扒外，食埋無綫嗰份，終令六嬏大義滅親，下傳聖旨由新寵集團總經理李寶安搜集證據向廉署告密。
曾醒明：冇外判畀佢哋

曾醒明

自從陳總被廉署查，即有報道指陳總以權謀私，將外判合約畀叢培崑所屬嘅思潮廣告公司，同時有向花旦壓價，從中收取差額。不過外事部副總監曾醒明表示：「有好多報道話《澳門小姐》、《翡翠歌星賀台慶》，同埋『奧海城倒數活動』外判，其實錯晒！呢三個活動全部都係由 TVB直接主辦，冇外判！同埋《翡翠歌星賀台慶》，歌星係有騷錢，全部歌手亦係 TVB邀請！」
點樣壓價

假設要 8萬先搵到一線藝人做騷，但該活動由叢培崑公司接洽，加上陳總施壓，結果該藝人只收 4萬酬勞，但叢培崑公司照收客戶 8萬蚊，從中賺取 4萬差額。

陳志雲喺會展搞簽名會，無綫一眾花旦亦有到場支持，據知呢啲為畀面派對，冇錢收。
 
雖然 TVB強調《翡翠歌星賀台慶》冇外判，但記者會上就見到叢培崑（黃圈）出現，仲一齊影大合照，曾生就話：「總之冇外判，佢喺入面做咩，要問 ICAC！」

受壓非親生仔
上週四（ 11日）陳總被廉署拘捕，問話 39小時，最後准以 10萬元保釋，據知廉署收到線報，指陳志雲以權謀私，向藝人壓價，為叢培崑名下的思潮廣告公司接工作。但據知受壓價嘅並非無綫親生仔，而係一眾無綫普通合約藝員。知情者說：「經埋人合約嘅藝員個價就企得好硬，不過陳總要人，就一定有期，反而冇經理人合約嘅冇 TVB睇實，佢哋想壓幾多都得。」叢培崑除生意上有「師傅」陳總幫手，私底下同陳總關係匪淺，早前更被拍得上陳總屋企過夜，令人覺得佢性向成疑。「 Stephen（陳）好錫阿 Ed（叢），佢不斷介紹佢畀娛圈中人識，更試過喺一個飯局，當住好多人面前對阿 Ed講笑咁話：『為你死我都制啦！』前排阿 Ed扭計想搬走，唔想成日喺雅麗居過夜， Stephen冇晒心機，就即幫佢搞咗個盛大生日會，氹佢開心，仲喺 1月送咗層何文田 600萬嘅靚樓畀佢做生日禮物！」不過叢培崑私下亦有不少女友， 06年仍屬「藍帽子」身份的他，因發生交通意外累死好友，當時已有一親密女友在身邊；而最近亦傳出收埋貌似傅穎女友 Nicole，二人更經常到日本，台灣旅遊，而叢更疏爽到供埋 Nicole日本留學，當陳總係人肉提款機。
愛將 2寧進　偷食酒吧妹 JoJo
寧進由 office boy做起， 01年靠陳總照住轉去藝員訓練班，不過星途未有突破，但就與一眾二、三線及工作人員混熟。鍾意夜蒲嘅寧進，喺佢 fb經常攬女合照，不過對拍拖多年圈外女友 JoJo就非常專一，絕對唔係鍾意男人。

寧進早年在無綫管理樓層做 boy，因而與陳總熟絡，而寧進上週六的 fb亦放有二人攬頸合照，但即晚已被剷走。
 
寧進入行多年，演出機會唔多，令人最有印象就係擔任《志雲飯局》嘅捧餐同禮物先生，而這亦是陳總帶挈，最新一集訪問 Twins，寧進亦有份。
 
肥妹女友
寧進有個多年圈外女友 JoJo，喺電視城已不是秘密，所以傳佢鍾意男人實屬笑話。
 
寧進喺香港開工唔多，有指佢近幾年暑假都會同訓練班同學杜港（圖）一齊做屋苑救生員賺外快。而寧進與阿 Ed亦相識多年，兩人常夜蒲兼遊船河，齊齊「搵食」。
 
杜港
 
上年 11月寧進同友人喺土瓜灣開設電單車鋪「 Zillion Bike Workshop」，邀請一班 TVB大茄撐場，當時寧進就同朋友講：「我夾咗好少股份啫。」

 
寧進 04年以 180萬買入港灣豪庭， 08年就以 63萬買入深水埗萬利大廈，現兩個物業市值 340萬及 100萬。

寧進有女

陳總扣查 39小時後獲釋當晚，六嬸約埋老友虞珠迪（左二）去會展睇《 The Platters》，問到志雲被捕一事，六嬸話：「佢出咗嚟，你哋問番佢啦！」

叢培崑收埋女友，另一愛將寧進（原名梁志昌），雖然被傳鍾意男人，但熟悉寧進的朋友都知佢有一個拍拖多年嘅圈外女友 JoJo，而 JoJo亦經常喺寧進有份嘅尖沙咀酒吧 Mini 15 club打骰。
00年入行只在無綫管理樓層做 office boy嘅寧進，由陳總引薦入 01年 TVB藝訓班，入行多年事業冇起色月入唔夠一萬，但有兩個物業及五十萬 Audi跑車，全因有陳總撐腰，更傳陳總為寧進親戚。兩愛將甘心扮同志博陳總好感，男色當前，金錢誘惑亦引人犯罪。「陳總成日同人呻，話自己喺 TVB份糧唔夠使（有報道指陳總年薪 400萬），佢怨自己身為總經理，但竟然都冇應酬費，仲好羨慕唱片公司啲高層，可以有 3、 4萬應酬費喎！」
瘟仔加貪財，陳總墮落有跡可尋。
貪靚志雲
陳總極貪靚，除畫眉搽粉，每次活動必有無綫梳頭、化妝跟身，就連服裝都一定有大牌贊助。

眼鏡： Alain Mikli
 
髮型： Tony& Guy
 
服裝：連卡佛
 
以手指插入直腸檢查俗稱「通櫃」已經冇咗喇！家陣改為 X光機檢查，衛生好多。
 
有網友諷刺今次陳志雲被廉記拘捕為《廉政行動 2010》，更將囚衣 key落陳總度。

2萬賣天使妹陪客　涉貪監製錢國偉自誇無綫花旦任 call
除陳總、密友助手叢培崑及大茄寧進被拘捕外，連無綫《美女廚房》節目監製錢國偉（ Wilson），都懷疑以權壓藝人出騷價，俾廉記請飲咖啡。
據知錢監製自行開價 2萬便可包起一位天使妹陪玩，錢更自誇只要客人肯出價，有能力把無綫全台花旦姐仔一 call即到，有陳總背後撐的肥監製，人面果然非同凡響。

由錢國偉炮製的兩輯《美女廚房》帶起一班「味之天使」，之後的《耳分高下》亦係用天使妹模式做歡樂小姐，有傳錢監製帶住班女幫佢搵錢，亦間接令佢被捕。
 
運路走
上週五錢國偉由北角 ICAC總部離去時，為擺脫追訪的傳媒，本來坐 7人車的錢監製更刻意走入銅鑼灣港鐵站走人。
 
帶女遊
錢監製經常帶住班妹仔四圍出入夜場，外人成日以為佢好有女福，但據知肥監製好專業，齋睇唔會食。
 
唔認老細
成班天使妹以「藍莓」劉俐同錢監製最 friend，估唔到錢監製今次出事，藍莓竟然會話冇同監製聯絡，超忘本。

成班一手由監製錢國偉捧入行嘅天使妹，名你未必叫得出，不過士多啤梨柑桔蕉成班女確係幾繽紛，之前天使妹個個跟住錢監製搵食，不過自從廉署出擊扣查近 40小時後，天使妹個個扮唔識錢監製，擺明想劃清界線。
抽九成水
天使妹玩割蓆，只因錢監製自身難保，有傳陳總及錢國偉等人涉以權要求多名藝員減收 2至 5成騷價從中獲利。據知錢國偉經常帶班天使妹四圍走，由於天使妹冇無綫經理人合約管束，錢就經常以經理人身份代接 job兼陪坐，據知錢監製每次帶女到場，向客人開價 2萬蚊一位，如果客人有特別要求，就由天使妹與客人自行商議。若以帶 6個天使妹計算，客戶要向錢科水 12萬，非常和味。不過有天使妹爆料話：「通常我哋只會有利是一封，大約都有 1,000蚊收嘅，因為 Wilson話好多活動都係慈善，所以都冇所謂啦！」
按天使妹所說僅收 1千蚊利是，佢哋每個騷就被食價 19,000蚊， 6人合共壓價 114,000蚊，連化妝 set頭同服裝費隨時都要倒貼；而另一位天使妹「賓治」陳宛蔚則說：「其實牛唔飲水點㩒得牛頭低，出席活動都有助我哋增加人氣，收幾多錢冇計啦，總之 keep住曝光都 ok啦，（咁係咪即係冇酬勞？）咁我就唔方便答啦！不過有時我哋去玩，都係錢監製畀錢嘅，都覺得佢幾豪爽囉！」
私自接騷
錢監製鯨吞天使妹騷錢，據知佢私底下亦經常繞過無綫接 job，錢平日派非無綫的私人咭片畀客戶，又以個人名義接 job，包括 08年於澳門舉行的《美女廚房大賞賽》、上月 27日《英皇 10周年巨星演唱會》等。知情者說：「除咗 Wilson會派自己咭片接 job，佢仲同啲客講：『只要你哋想要邊個 TVB花旦，我都可以幫你 call！』，啲客咪覺得佢好有 power，好信佢囉！」有得搵外快做仲收埋經理人嗰份，錢監製又幾識計數喎。
天使妹感激抽水
雖然有傳監製錢國偉私下做中介食水深，不過 o靚妹玩報恩，所以都撐錢話冇所謂，係「藍莓」劉俐即時劃清界線話冇同監製聯絡，路遙知馬力呀！

「藍莓」劉俐
我冇同監製聯絡，唔知佢係（被拘捕）其中一個！
 
「柑桔」陳蕊蕊
TVB活動就一定有錢收，不過有時同監製出去 party或者去啲到一到嘅活動都冇酬勞！最多得番 1,000蚊車馬費！不過監製叫到冇所謂啦！
 
「奶茶」陳蔚而
我哋新入行，就算真有其事都冇所謂，因為佢帶我出身！希望佢冇事啦！
 
「賓治」陳宛蔚
其實牛唔飲水點㩒得牛頭低，出席活動都有助我哋增加人氣，收幾多錢冇計啦，總之 keep住曝光都 ok啦！

個個話唔熟叢培崑
陳總密友兼私人助理叢培崑開設嘅思潮廣告製作，係陳總「伸手」幫忙下，經常有份製作歌手嘅演唱會及活動。不過相關藝人除咗校友鄧麗欣，就大部分好似夾晒口供咁話唔識邊個係叢培崑，咁又係，冇陳總咁大個後台撐住，識佢老鼠咩？
「思潮」參與製作活動

「酷愛張敬軒演唱會」紀念品
「看透鄧麗欣演唱會」紀念 tee
「曹格 Welcome to My WORLD 2010」澳門演唱會
「志雲飯局 LIVE ON STAGE」舞台版
齊心護肝慈善夜（出席藝人有孫耀威、關楚耀、林峯、胡杏兒、徐子珊、 Bosco、鄧健泓等）

吳君如
曾出席「志雲飯局 LIVE ON STAGE」舞台版的吳君如：「識咗陳生好多年，佢嘅為人好好，但就唔識佢身邊啲人，去舞台版係因為慈善關係，所以只收咗車馬費。」
 
張敬軒
「我都係公司交啲衫嘅設計圖畀我睇，我再去修改，我唔知佢哋收幾多錢 o架，亦都唔知邊個叢培崑同『思潮』，我淨係睇吓啲圖有冇問題。」
 
鄧麗欣
有傳曾跟叢係中學校友兼拍過拖的鄧麗欣：「如果有需要協助（廉署）調查，我一定會合作。我同佢（叢培崑）冇拍過拖，只係細個認識，入行後再遇上。」
 
曹格
「我唔知，我係識阿 Ed先識陳生，係一個台灣朋友嘅朋友介紹，我哋識咗兩年，最初冇合作，純粹朋友，嗰次合作係第一次，亦係唯一一次，我唔知間公司有冇佢（陳志雲）份。」

秘撈有條路
錢國偉被老廉拘捕後，傳媒即翻舊賬，指佢繞過無綫私下接 job，頻頻秘撈，相信錢監製今次有排解話。

Big Four演唱會
本來個唱由錢國偉負責，不過佢被老廉拘捕後，監製位由陳家倫代替，而有傳本來演唱會啲 tee亦是由「思潮」製作，不過東亞極力否認！
 
'08澳門《美女廚房》
08年 8月「澳門美女廚坊商戶廚藝大賞賽」，有指錢國偉負責該比賽製作，當日主持的王祖藍被指是其中一個遭壓價藝人，亦被廉署急 call協助調查。
 
英皇十周年演唱會
被問及點解個唱由錢國偉負責監製，英皇高層吳雨表示：「因演唱會係 TVB委派，所以唔清楚！」
 
古巨基 09年演唱會
07年古巨基 Kubi公仔，由「思潮」主理，而 09年演唱會監製亦係錢國偉，基仔翌年贏得《勁歌》男歌手，又真係幾啱喎！

嘆為觀止涉貪表

有傳今次陳總及其黨羽被廉政公署圍剿，是由曾經當志雲係半邊仔嘅無綫副主席方逸華下令，再由新上場的集團總經理李寶安做嘢，陳總同監製錢國偉圈中人緣甚廣，同佢千絲萬縷嘅藝人、高層水蛇春咁長，有排數呀！
已證實助查藝人
據知廉署陸續邀請陪過陳志雲出席公開活動的經理人合約藝人及非經理人藝員助查，肯承認接見的藝人暫時有佘詩曼、楊思琦、馬浚偉及楊怡，其餘未公開的名單有傳過百，隨時查勻全港藝人。

佘詩曼
我上去傾咗 1個鐘，內容唔方便透露。
 
馬浚偉
廉署問嘅問題都係圍繞有冇俾人壓價，我知嘅都講晒。
 
楊怡
唔清楚有冇接過思潮工作。
 
楊思琦
我有接受過調查，係事發第 2日（ 12日），問我工作上嘅嘢。

迷雲黨難自保

張繼聰 TVB封殺
因版稅同 TVB鬧翻的謝安琪，沙膽上有線，所以老公張繼聰一樣冇運行，被停晒所有無綫工作。
 
陳鍵鋒撈極唔紅
曾經同陳總上冰川雪山的陳鍵鋒，又拍劇又做司儀，但家陣陳總落難，條路難行好多。
 
鄧健泓前景未明
拍住張繼聰主持《正識第一》兼做《勁歌》主持的鄧健泓， honey被拘後，前途未卜。
 
崔建邦官司纏身
曾經係 TVB大紅主持，不過涉嫌打女友中巴而惹上官非的崔建邦，有排佢煩。

一個師爺兩邊走
據知陳志雲被 ICAC拘捕當日，即請來外籍大狀前來救駕（右圖），而該名外籍大狀名為 Oliver Davies，不過本刊發現陪住 Davies嗰位律師行師爺（箭嘴），早前竟然又陪過崔建邦去警署報到，師徒真係好感情喎！