明星靚相大分享☆

林 以 諾 ， 是 蘇 施 黃 口 中 的 「 茂 利 牧 師 」 。
「 茂 利 」 一 詞 的 其 中 一 個 出 處 ， 據 說 是 源 於 二 十 世 紀 初 ， 當 時 香 港 的 英 式 建 築 有 很 多 大 型 窗 戶 ， 而 這 些 窗 戶 主 要 是 靠 木 造 的 豎 框 mullion （ 音 ： 茂 利 銀 ） 支 撐 。 本 地 人 不 諳 英 語 ， 見 鬼 佬 經 常 指 木 條 叫 「 茂 利 銀 」 ， 就 以 為 是 木 的 意 思 。 後 來 演 變 為 「 茂 利 」 ， 漸 漸 用 來 形 容 人 蠢 、 鈍 。 今 天 我 們 稱 某 人 為 「 條 茂 利 」 ， 用 「 條 」 字 作 量 詞 ， 其 實 非 常 恰 當 。

言 歸 正 傳 。 「 茂 利 牧 師 」 林 以 諾 ， 外 形 上 真 的 有 茂 利 的 氣 質 。 盧 海 鵬 身 形 ＋ 何 志 平 髮 型 ， 確 實 令 人 深 信 此 人 不 會 聰 明 到 哪 去 。
且 看 舊 例 。 二 千 年 ， 林 以 諾 是 首 個 以 棟 篤 笑 形 式 開 佈 道 會 的 牧 師 。 結 果 是 「 大 鑊 好 評 」 ！
「 好 評 ， 因 為 叫 好 叫 座 。 大 鑊 ， 因 為 我 叫 耶 穌 做 『 穌 哥 』 ， 俾 宗 教 界 人 士 鬧 到 飛 起 。 」
這 其 實 是 個 聰 明 人 ， 做 踩 界 的 事 。 而 他 也 愈 踩 愈 紅 ， 佈 道 會 年 年 開 ， 圈 中 朋 友 也 愈 來 愈 多 。
森 美 撐 他 ， 蘇 施 黃 開 鏡 找 他 ， 連 在 夜 場 孔 雀 開 屏 後 的 倪 震 ， 也 要 急 找 林 牧 師 來 場 真 人 騷 。
「 愈 係 有 罪 人 ， 先 愈 要 幫 。 」
不 用 冒 險 求 下 下 簽 ， 走 在 旺 角 街 頭 的 林 以 諾 ， 一 樣 任 重 道 遠 。

來 者 不 拒

「 大 家 都 以 為 我 有 好 多 圈 中 朋 友 ， 假 像 ， 其 實 好 多 都 唔 熟 。 真 正 friend ， 係 鄧 萃 雯 、 溫 兆 倫 、 蘇 施 黃 。 」
鄧 萃 雯 與 溫 兆 倫 識 於 微 時 ， 前 者 曾 跟 他 到 加 拿 大 傳 道 ； 後 者 介 紹 他 飲 減 肥 果 汁 ， 二 十 日 減 十 一 磅 。
「 溫 兆 倫 話 隻 果 汁 來 自 天 津 ， 重 要 加 辣 椒 同 胡 椒 粉 ， 排 毒 喎 ！ 飲 一 日 ， 第 二 日 已 餓 到 想 食 人 。 」
林 以 諾 為 食 ， 又 有 幽 默 感 ， 難 怪 連 出 名 臭 寸 的 蘇 施 黃 都 做 到 朋 友 。
「 之 前 商 台 做 節 目 ， 阿 蘇 行 過 ， 打 個 招 呼 就 識 。 後 來 佢 去 撒 哈 拉 沙 漠 ， 話 驚 無 命 返 ， 叫 我 幫 佢 浸 （ 受 洗 ） 先 。 佢 咁 寸 都 只 係 叫 我 『 茂 利 牧 師 』 ， 算 好 客 氣 喇 。 」
可 不 是 ， 識 英 雄 重 英 雄 。 林 以 諾 能 為 信 徒 錦 上 添 花 ， 也 會 江 湖 救 急 。 他 坐 在 「 世 紀 賤 男 」 倪 震 車 上 的 照 片 ， 全 港 傳 媒 都 影 到 ， 司 馬 昭 之 心 ， 路 人 皆 見 。
「 倪 震 出 事 時 ， 佢 話 『 唔 排 除 尋 求 專 業 輔 導 』 ， 我 主 動 send 個 短 訊 俾 佢 ， 話 有 需 要 可 以 出 來 傾 下 。
「 俾 人 借 過 橋 ？ 幫 得 人 ， 就 唔 好 諗 會 俾 人 呃 。 就 算 明 知 俾 人 呃 ， 都 會 冒 險 。 呢 個 世 界 無 『 唔 抵 幫 』 人 ， 耶 穌 接 觸 都 係 罪 人 、 妓 女 ， 唔 幫 佢 ， 唔 通 幫 十 大 傑 青 ？ 」
作 為 牧 師 ， 他 有 責 任 來 者 不 拒 。
「 陳 水 扁 唔 係 好 人 喇 ， 但 如 果 佢 想 見 我 ， 我 都 會 去 。 當 然 有 個 人 喜 惡 ， 最 憎 又 寸 又 無 料 到 人 。 遇 到 呢 類 人 ， 就 要 睇 上 天 安 排 咯 ！ 」

倪 震 偷 啜 城 大 女 生 被 千 夫 所 指 ， 林 牧 師 及 時 出 現 ， 可 能 是 全 香 港 唯 一 雪 中 送 炭 的 一 個 。

開 鏡 通 常 拜 神 砌 燒 豬 ， 身 為 基 督 徒 的 蘇 施 黃 找 來 林 以 諾 撐 場 ， 都 幾 另 類 。

無 咁 舒 服

林 以 諾 說 話 風 趣 ， 是 個 天 生 的 講 者 。 從 他 第 一 天 當 牧 師 ， 就 立 志 「 唔 好 令 人 」 。
「 我 第 一 次 聽 道 ， 都 由 頭 到 尾 。 唔 明 嘛 ， 咪 。 為 乜 事 要 懶 高 深 呢 ？ 我 又 唔 係 咩 博 士 ， 通 常 博 士 要 人 聽 唔 明 佢 講 乜 ， 先 代 表 自 己 有 料 到 。 」
初 生 之 犢 不 畏 虎 ， 他 為 吸 納 新 信 徒 ， 不 但 在 紅 館 開 騷 ， 還 把 佈 道 會 明 星 化 ， 八 成 時 間 嘻 嘻 哈 哈 。 在 澳 洲 那 次 ， 夠 膽 選 址 雪 梨 歌 劇 院 ， 四 千 華 人 圍 滿 場 地 ， 當 地 報 章 戲 謔 為 「 黃 禍 」 。
「 好 多 人 生 不 入 官 門 ， 死 不 入 教 會 ， 返 教 會 驚 出 唔 番 去 。 但 紅 館 或 歌 劇 院 就 唔 同 ， 睇 騷 之 嘛 ， 感 覺 上 『 安 全 』 好 多 。 」
他 有 噱 頭 ， 也 懂 捉 心 理 。 佈 道 會 門 通 常 半 賣 半 送 ， 但 送 之 餘 也 在 當 眼 處 寫 明 $300 。
「 如 果 寫 『 贈 』 ， 實 無 人 吼 。 標 明 價 錢 ， 人 會 覺 得 『 原 來 值 錢 喎 』 ， 自 己 唔 去 都 送 俾 人 。 」
近 年 也 借 用 了 很 多 大 陸 的 順 口 溜 ， 林 以 諾 解 釋 ： 「 大 陸 都 有 我 老 翻 碟 ， 點 都 要 照 顧 下 內 地 市 場 。 」

二 千 年 首 次 開 騷 ， 林 以 諾 扮 鬼 扮 馬 ， 惹 來 宗 教 人 士 猛 烈 批 評 。

○ 七 年 ， 倪 匡 、 施 永 青 與 林 以 諾 首 次 搞 座 談 會 ， 大 獲 好 評 。 上 月 中 ， 三 人 再 次 聚 首 ， 伊 館 全 場 爆 滿 。

傳 福 音 的 目 的 達 到 了 ， 卻 惹 來 猛 烈 抨 擊 。 二 千 年 代 初 的 林 以 諾 ， 是 宗 教 界 的 叛 逆 分 子 。
「 宗 教 傳 統 觀 念 牢 不 可 破 ， 認 為 苦 行 先 係 最 高 情 操 。 信 仰 咁 認 真 ， 你 走 去 搞 笑 ， 就 係 唔 尊 重 。 即 使 我 吸 引 到 幾 千 人 聽 道 ， 老 一 輩 牧 師 都 唔 認 為 我 成 功 。 」
最 初 ， 林 以 諾 打 算 見 好 就 收 ， 佈 道 會 搞 一 次 算 了 。
「 但 我 同 老 婆 計 過 條 數 ， 香 港 基 督 徒 有 三 十 七 萬 ， 我 要 係 其 餘 六 百 萬 ！ 」
以 為 鬧 下 鬧 下 林 以 諾 會 打 退 堂 鼓 ， 豈 料 他 愈 戰 愈 勇 。
「 《 珠 光 寶 氣 》 首 主 題 曲 夠 難 聽 到 死 啦 ， 聽 八 十 二 集 ， 咪 又 OK … … 做 牧 師 其 實 幾 矛 盾 ， 一 方 面 想 多 人 聽 道 ， 另 一 方 面 又 唔 敢 衝 出 去 ； 衝 出 去 ， 好 似 陳 日 君 ， 又 成 日 俾 人 鬧 。
「 好 在 香 港 社 會 算 成 熟 ， 幾 奇 怪 人 都 生 存 到 ， 只 不 過 生 存 得 無 咁 舒 服 ！ 最 近 人 話 咩 宗 教 霸 權 主 義 ， 你 ？ 香 港 地 有 邊 個 可 以 『 權 』 ？ 」