明星靚相大分享☆

「 其 實 我 都 算 係 宅 女 ， 平 時 除 工 作 ， 多 數 返 屋 企 畫 畫 寫 睇 碟 聽 歌 執 屋 。 」 表 明 對 個 「 宅 」 字 不 反 感 。
我 深 信 ， 自 從 07 年 諗 爆 頭 用 妹 look 自 救 重 新 包 裝 的 傅 穎 ， 目 標 觀 眾 晒 架 電 車 度 。 「 發 兩 年 霉 ， 知 道 會 出 碟 ， 我 自 己 諗 一 個 轉 變 好 大 形 象 。 」 上 月 再 推 出 EP 《 Dearest 》 ， 包 裝 黑 膠 碟 咁 大 ， 封 面 泳 衣 攪 朱 古 力 ， 5 隻 歌 。 「 公 司 話 賣 一 萬 張 。 」
值 得 佩 服 的 市 場 策 略 ， 我 做 了 一 個 統 計 ， 身 邊 約 有 廿 件 2 字 頭 朋 友 迷 動 漫 迷 玩 具 迷 打 機 ， 我 在 星 期 六 晚 上 ， 在 MSN 問 他 們 Stephy 索 還 是 Theresa 正 ， 百 分 百 答 Theresa ， 仲 有 5 個 以 上 好 肉 緊 send 多 句 畀 我 ： 「 佢 隻 碟 個 封 面 好 『 毒 』 ！ 」 感 嘆 號 之 後 加 多 隻 貓 噴 緊 鼻 血 的 icon 。
「 雖 然 宅 男 成 日 匿 屋 企 ， 但 我 會 覺 得 佢 思 想 會 細 密 ， 做 藝 術 人 都 會 係 咁 ， 我 揀 男 朋 友 都 要 呢 隻 ， 唔 煙 唔 酒 唔 蒲 。 」 這 番 說 話 應 該 又 攻 陷 不 少 宅 男 。 唔 ， 即 係 等 於 秋 葉 原 堆 maid cafe ， 你 估 班 宅 男 唔 知 金 錢 先 係 班 女 僕 主 人 ？ 但 一 入 門 口 被 人 叫 主 人 ， 聽 到 一 樣 會 面 紅 心 跳 。
很 多 報 道 說 她 人 氣 直 迫 金 牌 女 神 Stephy ， 何 止 ， 我 相 信 在 皆 旺 信 和 東 方 188 的 宅 男 們 ， 情 人 節 想 食 傅 穎 手 上 攪 緊 兜 朱 古 力 ， 多 過 想 做 方 力 申 。

宅 心 人

雖 然 我 對 港 產 look 妹 妹 冇 興 趣 ， 但 我 承 認 ， 我 搵 資 料 時 的 確 有 放 大 過 傅 穎 唱 片 封 面 張 相 慢 慢 睇 。 「 我 唔 覺 好 性 感 ， 都 係 露 少 少 比 堅 尼 ， 之 前 影 寫 真 過 ， 冇 乜 。 你 覺 得 呢 ？ 」 我 覺 得 有 少 少 怕 醜 。 「 其 實 冇 刻 意 話 要 性 感 ， 我 個 concept 其 實 係 要 比 較 屋 企 style 。 」 你 在 家 會 特 登 換 件 比 堅 尼 攪 朱 古 力 ？
要 吸 引 fans ， Theresa 一 向 不 太 孤 寒 ， 可 能 因 為 24 歲 ， 已 出 道 近 8 年 。 「 出 道 冇 耐 就 經 歷 人 生 低 潮 ， 差 唔 多 兩 年 冇 工 作 ， 每 日 醒 都 要 諗 我 今 日 有 咩 做 呀 ？ 段 時 間 我 好 難 捱 ， 今 日 唔 知 聽 日 事 ， 好 冇 安 全 感 ， 成 個 人 好 負 面 。 05 年 有 一 日 ， 我 同 自 己 講 唔 可 以 咁 ， 就 搭 車 出 旺 角 買 超 多 畫 具 返 屋 企 ， 開 始 畫 畫 寫 文 。 之 後 叫 公 司 不 如 發 相 畀 雜 誌 出 ， 就 係 咁 有 機 會 出 第 一 本 書 《 甜 蜜 蜜 》 。 」 那 時 是 才 女 ， 未 有 look ， 反 應 麻 麻 。
「 到 07 年 出 第 二 本 書 ， 公 司 話 不 如 出 埋 EP 啦 ， 我 知 道 呢 個 機 會 我 要 好 好 把 握 ， 我 同 髮 型 師 講 不 如 染 淺 色 個 頭 fresh ， 後 來 剪 埋 蔭 先 慢 慢 變 成 家 個 形 象 。 扮 妹 ？ 呢 件 事 我 做 完 出 係 有 東 瀛 味 ， 咁 亦 都 係 整 呢 個 頭 之 後 化 妝 先 日 本 feel ， 我 唔 介 意 去 跟 一 個 日 本 style ， 我 都 鍾 意 日 本 fashion ， 應 該 都 會 keep 住 。 」

近 排 睇 收 費 台 先 知 有 綾 瀨 遙 咁 靚 乾 物 女 ， 家 又 有 個 金 髮 大 眼 妹 同 我 講 自 己 係 宅 女 ， 「 不 嬲 都 靜 ， 都 會 出 去 食 飯 ， 但 蒲 就 唔 會 喇 。 我 覺 得 自 己 係 個 幾 冇 生 活 人 ， 同 年 齡 女 仔 唔 同 ， 佢 會 去 clubbing ， 會 日 日 同 唔 同 男 仔 出 街 ， 我 就 冇 乜 興 趣 。 」
要 討 宅 男 歡 心 ， 當 然 不 能 嫌 棄 。 「 我 都 識 得 一 男 仔 幾 宅 ， 鍾 意 屋 企 作 曲 填 詞 ， 黐 住 屋 企 食 飯 ， 但 係 比 較 宅 ， 思 想 會 細 密 。 」 不 過 ， 傅 穎 好 像 不 太 明 白 宅 的 意 思 ， 「 我 冇 睇 漫 畫 ， 連 Wii 我 都 唔 玩 ， 亦 都 冇 特 別 喜 好 卡 通 人 物 ， 讀 書 陣 都 冇 ， 淨 係 鍾 意 動 物 ， 以 前 屋 企 咩 都 養 ， 動 物 園 ， 有 貓 有 狗 有 有 魚 有 雀 仔 有 倉 鼠 … … 」

傅 穎 的 情 人 節 就 是 這 樣 度 過 。 在 發 布 會 中 隔 膠 片 咀 男 歌 迷 。 「 單 身 對 節 日 會 冇 咁 敏 感 。 」 係 咩 ？ 《 蘋 果 日 報 》 圖 片

就 是 這 個 唱 片 封 套 ， 我 在 信 和 見 過 幾 個 男 中 學 生 住 ， 好 亢 奮 。

四 件 餅 女 的 恩 怨 情 仇 ， 有 傳 媒 更 畫 出 複 雜 關 係 圖 ， 原 來 Miki 已 經 變 節 加 入 Stephy 派 別 。 「 唔 係 呀 ， 我 同 Miki 好 friend 。 」 《 蘋 果 日 報 》 圖 片

07 年 未 變 身 前 ， 被 拍 到 和 方 力 申 好 友 Neal （ 右 ） 打 網 球 食 飯 ， 「 唔 係 真 。 」 又 話 好 文 靜 ？ 點 解 會 去 打 網 球 ？

人 夾 人

自 己 住 ， 早 排 被 住 宅 前 保 安 員 爆 發 出 噪 音 白 鴿 眼 掉 垃 圾 。 「 都 唔 知 點 解 會 咁 。 不 過 就 快 租 約 滿 ， 都 應 該 會 搬 喇 。 」 出 道 加 入 Cookies 後 已 搬 出 自 住 ， 「 我 諗 我 比 較 獨 立 ， 媽 咪 都 估 唔 到 我 咁 tough ， 屋 企 有 細 佬 有 家 姐 有 媽 咪 同 隻 狗 ， 全 家 第 一 個 出 做 就 係 我 。 」 爸 爸 呢 ？ 「 爸 爸 好 耐 冇 見 ， 分 開 好 多 年 。 所 以 我 會 盡 量 一 星 期 返 屋 企 一 兩 次 同 媽 咪 食 飯 ， 唔 得 話 ， 我 媽 咪 就 會 坐 車 去 我 屋 企 擺 低 湯 畀 我 。 」
獨 立 性 格 加 文 靜 喜 好 ， 冇 朋 友 啦 ， 「 都 係 細 個 玩 大 ， 圈 內 都 有 ， 關 智 斌 啦 、 何 韻 詩 啦 、 陳 嘉 上 啦 。 」 ？ 《 飛 虎 雄 心 》 ？ 「 陳 嘉 上 我 發 緊 霉 時 候 搵 我 拍 戲 （ 《 至 尊 無 賴 》 ） ， 好 支 持 我 ， 家 都 有 聯 絡 有 出 食 飯 ， 我 好 鍾 意 同 前 輩 級 朋 友 傾 心 事 ， 就 好 似 陳 嘉 上 同 小 欣 姐 （ 查 小 欣 ） ， 佢 畀 我 好 大 安 全 感 。 佢 知 我 好 多 秘 密 。 」 有 冇 搞 錯 呀 ！ 最 friend 個 唔 係 Stephy ！ 「 都 傳 到 冇 乜 感 覺 ， 一 入 行 冇 耐 就 傳 ， 我 都 有 諗 番 點 解 會 傳 得 咁 行 ， 但 係 都 諗 唔 起 。 可 能 我 又 靜 ， 佢 又 係 比 較 靜 人 ， 冇 乜 撞 擊 機 會 。 」 撞 擊 ？ 「 即 係 冇 乜 機 會 打 開 話 題 ， 所 以 唔 會 係 講 電 話 傾 心 事 朋 友 ， 同 一 個 組 合 都 唔 係 個 個 都 要 超 friend 嘛 ， 做 朋 友 都 係 人 夾 人 緣 … … 」