滕麗名自 08年同郭政鴻因為無綫劇集《野蠻奶奶大戰戈師奶》中一場啜爆戲，由拍檔升呢為緋聞情侶，但鴻仔舊年被踢爆原來早有妻女，外間即同情阿滕遇人不淑。有傳阿滕一直對已婚嘅鴻仔未死心，兩人仍維持暗交，有周刊拍到鴻仔凌晨夜訪阿滕香閨，佢哋通宵密室談情，關係糾纏不清。又有指阿滕為呢段苦戀，曾向好友痛哭傾訴，情緒崩潰。

指斷章取義 放大圖片

郭政鴻上年被踢爆原來已婚，仲育有一女。《忽然 1周》圖片

噚日阿滕喺長沙灣趕拍新劇《怒火街頭》，對於同鴻仔嘅緋聞再被翻舊賬，佢好勞氣咁話：「可能我就有新劇《掌上明珠》出街，所以拎我啲新聞贈興，幫我宣傳，不過成日影響到人哋，我諗要同鴻仔講聲對唔住。我仲想講，我情緒冇問題，呢排不知幾開心，前幾日仲一班朋友 BBQ。」阿滕話自己雖中微博毒，但冇借微博向鴻仔傳情，佢話：「據我所知，鴻仔係冇開微博。」為咗啖氣，佢噚日又喺微博重申：「請不要再借我的微博斷章取義，多加幻想，傷害我的朋友。」至於郭政鴻，就至截稿前都未回覆。


滕麗名噚日喺長沙灣為新劇開工，對於佢同郭政鴻嘅緋聞又被翻出，佢話要向郭政鴻講聲對唔住。

滕麗名否認為郭政鴻崩潰

日前有報道指滕麗名為郭政鴻情緒崩潰，阿滕昨日在電話中勞氣地表示在微博上的留言遭利用來報道，簡直是斷章取義：「我冇咩哭訴，亦冇心情去做呢啲嘢，因為我連開工都冇精力。（同鴻仔關係點？）一直都係好朋友，我字典裏面冇『出賣』、『利用』，依家咁樣話我逼鴻仔，我冇講過，咁樣報道會害死人，我對鴻仔真係超級唔好意思。（影到佢去你屋企？）嗰張可能係舊相，佢冇嚟過我屋企！」

滕麗名不忿被屈崩潰

滕麗名對周刊指她為與郭政鴻之感情問題而崩潰一事，昨日她在電話中表現激動，直指報道用她微博上的留言來斷章取義：「我冇心情去做呢啲嘢，（同鴻仔關係點？）一直都冇變，係好朋友，我勞氣係因為我字典裏面冇『出賣』、『利用』，首先我冇講過，咁樣報道會害死人，我對鴻仔真係超級唔好意思，（但影到佢嚟你屋企？）嗰張可能係舊相，佢冇嚟過我屋企，如果係真嘅，就影埋佢走啦！」