梁嘉琪炮製曲奇奶茶夠「台」型
鍾情珍珠奶茶的梁嘉琪，最近移情別戀迷上Oreo曲奇奶茶，試整時有板有眼，果然是台式飲品的忠實Fans！梁嘉琪對台式食品情有獨鍾，貪其近似港式口味：「台灣同香港咁近，口味都幾似，台灣嘢好啱香港人食，去嗰度必去夜市，除咗鹽酥雞等小食外，仲會飲珍珠奶茶添！」未能時刻到台灣的她，惟有去心水飲食蒲點止癢：「有時行街或者匆忙嗰時，我會買杯台式飲品，食吓裏面嘅珍珠同布甸醫肚兼止癢。」 除了傳統的珍珠奶茶，梁嘉琪還愛上新口味：「平時我飲開珍珠奶茶，近來發現新口味嘅曲奇奶茶都好正，而且十幾蚊就好大杯，仲有珍寶裝揀，好抵飲！」她急不及待調製「新歡」，還自誇手勢好：「之前以為將奶同茶溝埋就得，原來要沖得香滑，好睇材料同手勢，不過我覺得我都整得好濃郁順滑，加埋曲奇碎，好有口感，哈哈！」 梁嘉琪工作忙碌，愛飲咖啡提神：「平時忙同眼瞓嗰時，我會買杯咖啡提神，不過飲得多普通咖啡都要轉吓新口味，冇諗過咖啡加曲奇咁Match，滑得嚟，又脆卜卜，冇齋加糖咁悶！」
梁嘉琪把奶茶倒來倒去，再加入曲奇碎，便大功告成！
放大圖片
脆卜卜咖啡提神
曲奇咖啡 曲奇奶茶
梁嘉琪大讚自己沖得一手好奶茶，還請人試飲其「傑作」。
林嘉慈
身為台式食品Fans的梁嘉琪調製奶茶，絕冇雞手鴨腳！
全站熱搜
留言列表
