係呀！頭版揭到副刊，依然係世博，就像 08京奧開幕，鋪天蓋地都 We are ready！此刻上海人 ready未？我唔知，但你要去一睹盛事，就必須 ready。此刻仲同你講園區有幾大使咗幾多錢幾多國家參與等虛擬數字？實戰階段啦，講吓點用 36個鐘頭玩盡世博仲好！記者、攝影：曾一模特兒： Suki@ Pure Models鳴謝：康泰旅行社、上海半島酒店
海寶提提你！ 放大圖片 
門票分平日票及指定日票，指定日包括 1/5-3/5、 1/10-7/10及 25/10-31/10等特別日子，票價 RMB200；其餘為平日，票價 RMB160；另有 3日票 RMB400，抵玩推介！
現場有 Say
畫家周明龍：我未準備進園，趁未開幕專誠到正門前將中國館畫下，希望可將作品義賣，為玉樹災民募捐。
放大圖片 
放大圖片 
先遊浦東再遊浦西
世博展館太多時間太少，建議買張 3日票，每日在場內玩足 12小時。
3日票攻略Day 1A片區：守至 10pm閉園式
9am開園，首日當然由正門入，入場第一件事到門口預約機，預約今天參觀的幾個場館，再經世博軸到慶典廣場看開園儀式。10am到 B片區看主題館，推介城市地球館。12nn放飯！到 B片區中華美食街搵食。1pm按預約時間遊中國館玩軌道車。4pm按預約時間到日、韓、沙特等館。8pm拍攝日韓等館夜景，有時間可守候 10pm的閉園儀式。
放大圖片 
■軌道車
放大圖片 
■巡遊表演
Day 2C片區： Tapas Bar食晏 放大圖片 
■英國館
9am從長清北路出入口進館，或乾脆乘地鐵 13號線到「世博大道站」，立即到預約機，預約英國、西班牙、瑞士、德國等展館。10am先遊 B片區的澳洲、泰國等館。12nn推介到西班牙館 tapas bar解決午餐，兼遊展館。2pm按預約時間遊英瑞德等館，有時間可兼遊丹麥、俄羅斯館。8pm亮燈後的英國海膽球自然是必拍對象。
Day 3D、 E片區：睇埋大巡遊先走 放大圖片 
■太空家園館
9am早兩日一直在浦東，這天在浦西，從西藏南路出入口進館。預期 D、 E片區企業館較少人可免預約，上午參觀中國船舶館、中國航空館、城市未來館。1pm午餐可於世界城市廣場食肆搞掂。2pm遊可樂館、太空家園館、世博博物館。5pm浦西園區 5pm及 8pm各一場有「未來創意」巡遊。
五大必玩場館中國館：四方城 10樓玩軌道車 放大圖片 
試運時有人嗌一句：「中國人看不到中國館算甚麼道理？！」你知點解你要睇啦！主題是「城市發展中的中華智慧」，冠冕堂皇的話說得太多，總得親自到四方城下睇睇展館建築有幾宏偉，走入館內看看有 500個人仔會動的立體《清明上河圖》如何結合科技與古典藝術，到 10樓玩埋《尋覓之旅》軌道車，出來你算個中國人了！要有心理準備呢度會逼爆人，做好漢不易呀！
放大圖片 
立體《清明上河圖》
Don't miss：立體版《清明上河圖》、《尋覓之旅》位置： A片區（最近出入口：上南路）
瑞士館：坐纜車睇雪山巨人 放大圖片 
唔係朱古力、軍刀，最期待係館內一條原裝由瑞士運來的登山纜車，可迅速從館底升至館頂，寓意從城市接通山區鄉郊，最啱行得攰想唞唞。還有一齣 IMAX電影《阿爾卑斯：雪山巨人》，可預期用 IMAX播的雪山景會有幾靚。
放大圖片 
■登山纜車
Don't miss：纜車、《阿爾卑斯：雪山巨人》位置： C片區（最近出入口： L6渡輪碼頭、長清北路、世博大道站）
日本館：頂級機械人曝光 放大圖片 
日本科技向來嚇人一驚，今次場館外形似有角蠶蟲，外牆以超輕發電膜覆蓋。將展出從未曝光的頂級機械人等未來科技。
Don't miss：結合崑曲及能劇的音樂劇、機械人等未來技術位置： A片區（最近出入口：白蓮涇、 L2水門碼頭）
沙特阿拉伯館：全球最大 IMAX 3D影片 放大圖片 
石油國家財雄勢大，唔使驚佢會寒酸失禮。展館似飛船，船頂是空中花園，這個綠洲正是沙特的自身投射。館內無窗，以太陽能支援室內光源，船底透風流通館內空氣。還有全球最大 1,600平方米的 IMAX屏幕播放 3D影片。
Don't miss：全球最大 IMAX位置： A片區（最近出入口： L2渡輪碼頭、高科西路）
英國館：夜攝目標場館 放大圖片 
插滿 6萬支膠柱的海膽球「種子聖殿」，內藏形態各異的種子，可像光纖般引光入室照明，膠柱更內置光源，夜間可發光變成奇異建築。
Don't miss：種子聖殿、夜攝場館外觀位置： C片區（最近出入口： L6渡輪碼頭、後灘）
10個溫馨提示入園水路免費 放大圖片 
祖國人多武功強，世博會場如戰場，記住 10個溫馨提示傍身啦！
放大圖片 
1. 識揀預約機：入場務必找預約機約定 5個當天想參觀的館。 200台預約機分佈各入口位置，預期正門人流超多，可改到後灘、白蓮涇等入口找預約機。
放大圖片 
2. 輕裝快審查：入場前須通過嚴密安檢，食物飲品腳架長傘全被拒門外，避免大背包。
3. 選定出入口：園區極大，務必事先計劃當天參觀的館，選定就近入口進場。4. 搭車也搭船：選定入口後要計劃交通，的士和地鐵最方便，地鐵 4、 6、 7、 8及 13號線都通往園區。亦設水路出入口 4個，入園航線免費。散客可經東昌路水門入園，人流較少。
放大圖片 
5. 世博的士：世博期普通的士不能入園，只有 4,000台車身白、黃兩色的世博出租車能進園。
放大圖片 
6. 上海八達通：買一張上海公共交通卡，乘公交、地鐵 OK，搭的士都嘟得。
放大圖片 
7. 實用手冊：到書報攤買本「中國 2010年上海世博會官方導覽手冊」（ RMB20），羅列場館介紹及各區地圖。
8. 夜票價平：想補影幾個展館夜景可買夜票， 5pm後入場票價平一截。9. 留意國家日：各國展館有自己的國家日，有特備表演節目。10. 5月逼爆園：湊熱鬧當然家去，但剛開幕兼黃金周，一定逼爆園。 6月是最佳時機。 7、 8月上海超熱，夠耐性 9、 10月最舒服。
放大圖片 
放大圖片 
“不到四方城非好漢！”
世博套票 放大圖片
康泰推出「港龍上海 3/4/5天自遊行」，機票、住宿連世博門票，包上海公共交通卡 1張及「潮遊中國」旅遊指南，價錢由$2,739起。康泰旅行社： 2108 8888
放大圖片 
留言列表
