孫耀威（ Eric）和陳美詩秘密撻着拍拖，不過起初當事人不肯承認，但隨着被拍到當街啜啜斷正而被迫公開。前晚 Eric現身中環的名酒活動，由於兩人皆是基督徒，問到 Eric會否擔心酒後亂性？他聲言自己只會在清醒時才有慾念，豈非出事機會更大?!

其他娛樂名人影片

孫耀威、傅穎（ Theresa）、周永恆（ Roy）及張震前模特兒女友 Tanya等，前晚到中環出席名酒活動。近日 Eric和女友陳美詩（ Macy）因被拍到街頭啜啜，戀情正式浮面，兩人同是基督徒，問到 Eric若飲酒後會否擔心亂性？他一臉信心地說：「唔會，我飲醉咗只會笑同講嘢，我唔係『動 L』類型，我唔係亂性嘅人，反而平時先諗嗰樣嘢。」

結婚唔會公開 放大圖片

孫耀威和陳美詩因在街頭啜啜被拍下，惟有公開承認戀情。

Eric又強調早前被發現在台灣出席朋友飲宴時要人攙扶，但他強調自己並非飲醉，只是想低頭免被人認出。提到 Macy表示視 Eric為結婚對象， Eric坦言自己亦有相似想法，之前 Eric傳緋聞的對象如楊秀惠及應采兒皆不是香港人，記者笑他今次終可以結識「港女」。問到若將來結婚會否公開？ Eric說：「其實結婚係兩個人嘅事，真係冇必要同人交代，不過暫時我都未有呢個計劃。」同場的 Theresa表示出席完活動後要為寫真和工作人員開會，現在她已減了 5磅， Theresa希望可以再減去大髀及手臂的肥肉，會否考慮如鍾欣桐打 botox瘦身？ Theresa說：「咁我又未有呢個需要，但係希望唔好瘦咗唔應瘦嘅地方，不過我一向都唔係『胸湧』嘅人。」Theresa透露寫真會以三點式及睡衣 look示人，而她近日便瘋狂買內衣褲打底。

Roy拒做手術 放大圖片

Theresa和周永恆前晚不約而同以深色 cool爆造型出席名酒活動。

同場的周永恆當日是 26歲生日，他表示之前已和老婆及家人食飯慶祝，提到老婆腹中 BB是囡囡，會否已想到追個囝囝？他說：「老婆已經問我係咪想當佢係豬。」至於腦瘤， Roy透露已看了第四個醫生，暫時他不會做手術，對生命不會造成即時危險，但足球及籃球等激烈運動則不能參與。採訪：李珮洳　攝影：林德雄


Eric聲稱自己絕對不會酒後亂性，反而在清醒的情況下才會有慾念。

孫耀威非醉後動L型

孫耀威（Eric）、傅穎等前晚現身夜店活動，撇低女友陳美詩（Macy）的Eric笑言自己不是「醉後動L型」不擔心會酒後亂性，他又冧爆甜笑大讚Macy，被記者取笑終於情歸「純正香港人」，Eric笑說：「係喎，可能我回歸香港幾年，變番個『港男』（會秘密結婚？）始終兩個人嘅事，但依家未有計劃（合作拍劇？）勁歌都上唔到拍咩劇？」

Eric未有帶Macy現身怕出雙入對太骨痹。

此外，傅穎穿上Rojita型格連身裙配上bread n butter外套上陣，輕露微罅，她透露將於書展推出寫真及散文集，她說：「依家要減磅，（學王祖藍push胸？）唔會太誇張，都會向佢請教下，會有性感內衣同三點式。」

傅穎穿Rojita型格連身裙配bread n butter外套上陣。

楊秀惠大方祝福老孫

昨日楊秀惠出席《屈臣氏2010世界女排大獎賽》記者會，對於前緋聞男友孫耀威高調公開與陳美詩（Macy）的戀情，她大方地說：「Macy係個好好嘅女仔，老孫我都識，知佢對愛情嘅要求好簡單，可以喺病嘅時候搵到個好女仔，都祝福佢哋！」心急拍拖的她自誇樣靚身材正，只是較情緒化。

同場的高海寧則嫌身材未夠結實，希望有纖體公司贊助，即使性感拍廣告也不介意。

楊秀惠示範打排球，有姿勢有實際。