熊黛林（ Lynn）前晚到跑馬地為廚櫃品牌 Valcucine香港旗艦店擔任開幕禮嘉賓。她自爆廚藝麻麻。問其男友郭富城有否試過自己的手藝， Lynn說：「冇，媽咪都冇，自己煮畀自己食。要煮畀人食要好正經去學。」

包場請睇戲

對於家中廚房要求又怎樣？ Lynn說：「屋企廚房係開放式，一個廚房乾唔乾淨，可以睇出一個人嘅內心。」如此說法，她又是否像自己的廚房般開放？ Lynn聞言一臉尷尬。Lynn又透露稍後會包場請朋友和記者睇《葉問 2》，問城城是否有份時，她說：「唔會係嗰日。」採訪、攝影：王崇穎


熊黛林被問到是否像其家中廚房般「開放」時，一臉尷尬。

熊黛林撚手炒蛋 城城冇口福

熊黛林（Lynn）前晚身穿白色Pinko晚裝出席廚櫃品牌開幕活動，由於前晚雨勢頗大，Lynn抵達時顯得有點狼狽，自稱拿手炒蛋的她竟說緋聞男友郭富城沒有口福嘗她的手勢。

熊黛林至叻番茄炒雞蛋，但城城未有機會一試。

Lynn自爆廚藝麻麻，謂撚手小菜只有青菜及番茄炒蛋。問到郭富城（城城）有否品嘗過她的手勢時，她即扯媽咪落水表示：「無呀，連媽咪都未試過，如果真係要煮畀朋友食，我要好正經出去學過先敢拎出嚟。（係咪城城嘴刁？）唔係，我怕醜啫，畀朋友食要好食先得。」

聞open撒嬌

記者隨即笑問Lynn是否因打邊爐打得多所以無暇下廚煮食，她即忍不住嬌笑。又自爆家中廚房是open kitchen，認為廚房能反映一個人的內心，記者追問她內心是否一樣如此open，嚇得她急忙撒嬌求饒謂：「唔知呀……你指邊方面open先？總之我唔知啦。」

未知是否想幫忙力谷《葉問2》，Lynn透露下星期會包場請睇新戲，問她會否請城城，她則擺記者上枱謂：「最主要係請記者朋友，都係公司安排。（即係唔請城城？）呢啲唔使啦，就算係都唔會係嗰日。」

郭富城

熊黛林包場請記者看她的新作《葉問2》。