Don't say my mother fat！
動畫《長江 7號愛地球》發布會，原本星爺先係主角，但就被栢芝同 Lucas搶晒鏡。講到 Lucas入娛圈，栢芝就歪理當道理：「就算 Lucas在學校也有很多狗仔隊跟，他不做明星也做焦點，就讓他開心試吧！」
女王奶奶
唔理霆鋒反對 栢芝踢 Lucas入行氹拉姑
2010年06月16日
今年 8月先滿 3歲的栢芝、霆鋒大仔謝振軒（ Lucas），出身演藝世家、嫲嫲狄波拉一直高調讚乖孫醒目又得意，爺爺謝賢更曾揚言 Lucas入硬娛樂圈，結果率先在上海預演。
週日（ 13日），產後「復出」的栢芝，帶埋 Lucas到上海出席周星馳上海舉行的《長江 7號愛地球》活動，更宣布會與 Lucas合唱主題曲。謝家三代踩入娛圈，有傳栢芝為氹拉姑開心，諗計踢 Lucas入行，更不理老公霆鋒反對，硬要孖住 3歲人仔 Lucas大演真人騷。氹得掂奶奶歡心，可能老公唔 like喎！栢芝諗清楚好喎！
30歲栢芝誕下細仔 Quintus未夠一個月，週日（ 13日）已急急腳帶埋大仔 Lucas到上海撐星爺操刀的《長江 7號愛地球》動畫場，帶住 Lucas晒幸福的栢芝，在台上被問到為何選擇母子檔復出，笑晒口話：「第 1次拍戲是周先生帶我出來，沒有他就沒有張栢芝，人要感恩！媽咪的第 1次給了他，兒子的第 1次當然也是給他！」其間不時跳跳紮兼鬼咁多表情的 Lucas，成為全場焦點。
You（記者） are naughty！ Take picture of me！
怕醜遮眼︰當工作人員向 Lucas遞上「 7仔」公仔後，佢一方面故意用公仔遮住自己塊面一方面又叫傳媒影佢相，細細個已有巨星風範。
玩謝徐嬌︰徐嬌發言前， Lucas突然爬向佢身邊，搞到佢唔知點算好，最後栢芝要用手搣佢屁股仔。
我愛你！
冧講我愛你︰之後栢芝更於 Lucas耳邊教佢用國語講「我愛你」，講慣英文嘅 Lucas開頭聽唔明，最後要栢芝教多次先噏得出，可愛表現冧爆全場。
有傳栢芝懷有 Quintus時，拉姑曾要求她與又煙又酒的栢芝媽少見面。
上月謝二少 Quintus出世，栢芝媽雖獲友人恭賀她，但她卻在微博發表「沒感覺」冷淡回應。
到上海前，上週五栢芝專程乘車 6小時由杭州來回橫店探霆鋒班勁冧老公， 2人更喺片場攬住影相，由霆鋒助手放上微博晒恩愛。網上圖片
拉姑望孫入行
Lucas 3歲唔夠闖娛圈，謝家兩老最高興，早前爺爺謝賢已開到口想 Lucas入行，加上一向愛出風頭的拉姑，更經常高調將 Lucas掛於唇邊，每次 Lucas見報被讚醒目可愛，拉姑更笑到見牙唔見眼。
栢芝今次孖住 Lucas在上海做真人騷，亦得有拉姑御准。「栢芝之前發生淫照事件，拉姑嬲到震，難得最近生多個 Quintus，佢哋關係愈來愈好，栢芝梗係聽晒奶奶話，當年霆鋒一出世已經見報見到大 o架啦！不過霆鋒其實都唔係想個仔咁樣曝光法 o架！話晒仲細嘛！」知情人士透露。
上海扭計︰週日栢芝出席《長》記招前，曾返入住的上海 GIA酒店裝身，栢芝先行，由工作人員抱住入酒店的 Lucas一路喊一路扭計，都好曳喎！
返港精乖︰週一晚同 Lucas返港嘅栢芝，見到記者就扮驚訝，猛講：「唔該，多謝晒！」反而 Lucas就唔怕醜，揸住個相機型電筒仔同記者鬥閃。
芝媽偷見孫
拉姑開心，難為栢芝媽 Davies Shally。一直有傳拉姑嫌栢芝娘家背景複雜，要求栢芝疏遠其母，更試過唆擺霆鋒停畀家用栢芝媽，以致栢芝媽要到男友投資的餐廳工作自力更生。
上月栢芝誕下謝家二少 Quintus，拉姑即下令栢芝攜子由舂坎角搬往其位於羅便臣道自置物業，霸住 Lucas同 Quintus。
拉姑獨享兒孫樂，但有人快樂有人愁，據栢芝媽身邊人透露：「細 B（ Quintus）出世成個月，栢芝只係靜雞雞帶個仔畀芝媽見過 3次咁大把。拉姑家索性霸住 2個孫喺佢羅便臣道間屋，栢芝媽更唔方便上去啦！不過栢芝媽好體諒，唔想個女難做，盡量唔要求見 2個孫，費事個女做夾心人啦。」
愛出風頭的謝家， N年前移民加拿大溫哥華，一樣影定全家福照發給香港傳媒， keep住曝光。
週一栢芝帶 Lucas返港，留在上海拍《新少林寺》，一直唔主張 Lucas咁多曝光的霆鋒在酒店露台煲煙愁爆。
微博扮 cute︰最近栢芝的化妝師 Will將 Quintus及栢芝的近照放上微博，只見栢芝用手指篤住面珠扮 cute，同二少 Quintus一樣咁可愛。網上圖片
網上圖片
留言列表
