情色攝影師肢解傅穎

傅穎為令寫真集在書展突圍，特別找來日本潮界情色攝影師米原康正操刀，大玩肢解誘惑，傅穎更突破拍素顏照，為自己的靚樣大平反。

傅穎在寫真集中，將玩另類性感。

傅穎今年在書展不再舞文弄墨，改以寫真出戰，傅穎深知半裸露背上陣未夠吸引，故特別找來日本潮界情色攝影師米原康正操刀，首次晒bra露背，大騷性感。

傅穎請來日本情色攝影師米原康正為她的寫真操刀。

在米原鏡頭下，傅穎更被「肢解分體」，突出她身體某一部位。傅穎說：「米原覺得性感唔係光脫脫，我都係咁諗，所以我着住bra時，再擺米原教路嘅甫士，出嚟效果好有米原嘅影相風格，性感程度我敢講係入行以嚟最震撼，今次呢啲花絮相啫，好皮毛！」

素顏唔怕嚇人

除此之外，傅穎今次在寫真集中，更以素顏登場，由於她的素顏一直被認為太嚇人，故傅穎要借這個機會來平反。她說：「好多人話我化妝太厚粉，所以當我冇化妝就話嚇人，不過今次我要唔化妝出鏡，想畀人睇最真實嘅一面，等人慢慢接受，（米原用咩方法令你投入拍攝？）爆機囉，聽音樂，又有輕快歌嘅，我好易就投入！」