高人引路 麥玲玲煮旺泰越菜
睇羅庚、揸鑊鏟，看似九唔搭八，難得玄學家麥玲玲師傅將兩者應付裕如；擅煮鮑參翅肚的麥師傅，原來亦有入廚死穴：「唔係好識煮泰國菜、越南菜。」幸得相識多年泰菜高人吳老闆指點迷津，帶她到新開的食品店「金寶泰越廚房」，買齊地道泰越食材、自家製醬料，即時化解一大難題。
自認金寶粉絲的麥師傅，幾乎每星期都去開餐：「大概2000年，有記者朋友帶我去金寶食飯，自此認識吳老闆，兩個禮拜無去過食飯，就會周身唔聚財！」 現時身形Keep得超Fit的麥師傅，仍愛食咖喱蟹、生蝦刺身、冬陰功湯等，更得吳老闆私人醒獨家美食，她一講起即笑咪咪：「每次去食飯，老闆總給我驚喜，試過燒鮑魚，甚至幫我煮海參。」吳老闆扮嬲話：「嗰次佢臨食飯前一個鐘，走嚟放低啲浸好嘅海參叫我煮，話一陣食喎！嘩，難度幾高呀！真係過分！」兩人隨即哈哈大笑，一唱一和，的確老友。 麥師傅愛入廚，自言每星期都會煮一至兩次海味，有空更到街市、雜貨店逛，喜歡貨品夠集中。在店內逛了一圈，麥師傅即被金寶自家出品的醬汁、即食食品所吸引，她開心地說：「好鍾意食冬陰功，無奈自己好難煲，而且熬湯底都好麻煩。呢度有款湯包只需要加水、番茄及鮮蝦煲滾就飲得，真係好方便！」 其實，想自煮泰越菜的大有人在，負責新店的吳老闆千金Alice細說開舖因由：「我哋餐廳供應泰越菜，好多客人食過都會問點整？所以舖頭就搜羅兩國地道食材，特別係坊間少賣的越南食品如魚露、春卷皮、滴滴咖啡等，又有我們首次推出的醬汁、飲品及鮮貨等。如果無時間煮就可揀即食食物，一樣咁好味。」 查詢：2383 0038
魚露、春卷皮及滴滴咖啡等越南泰國食品，全是由產地直送。
麥玲玲師傅近況
先現身《農夫Down to Earth Concert 2010》演唱會做嘉賓，齊唱《風生水起》；於7月份推出風水書，教大家置業揀樓；稍後更有電影《抱抱俏佳人》上畫，飾演林峯媽咪。
煮泰越菜 屢試屢敗
原隻五香豬手煲（不連煲）$68
XL碼豬手以五香滷水炆上幾小時，非常花工夫，如今買回家翻熱即可食，肉質嫩滑，還附上鹹酸菜、榨菜及菜乾佐食。
越南扎肉 $48/包 原隻熏蹄$90想不到扎肉如此多花款，像原味、胡椒粉、豬耳扎肉及豬皮扎肉等，不妨買回家加餸；至於熏蹄則比港式的爽口，蘸點XO順化豬手醬汁更惹味。
冬陰功湯包 $30（二人份）
湯包有齊香茅、南薑、草菇、辣椒、檸檬葉及秘製湯膽，煮時另加鮮蝦、番茄及四碗清水，要煮地道靚湯冇難度。
地道食材 即飲湯包
自家製魚露$28
特別以幾種魚露、蒜蓉及辣椒調配，味道香濃，蘸點鮮蝦卷及粉包，能起提味作用。
燒雞汁（左）$38 炸蝦餅醬（右） $30
餐廳自家出品與泰式燒烤是絕配燒雞汁及炸蝦餅醬，加入酸梅炮製。
魚翅蟹箝雲吞煲 $168（二人份）
只需明爐翻熱即可品嘗，方便無暇入廚的朋友。內有二両魚翅、雲吞、冬菇等，材料豐富，熱辣辣最啱佐飯。
留言列表
