最索 11號 李文煊 22歲
由張天愛提名，有傳係內定冠軍嘅翻版湯唯李文煊個樣的確幾甜，喺 FBI嘅高清鏡頭下，佢算係最唔走樣一個。
FBI File
高清港姐
2010年06月16日
FBI除咗關心世界盃，仲關心今屆港姐。上星期四,15位候選佳麗正式會見新聞界，有靚女睇喎， FBI當然第一時間仆倒去睇吓佢哋真身啦。點知一到場，就畀 FBI聽到製作部總監何麗全同同事喺度講緊「翻版湯唯」，麗全同同事咬耳仔話：「話佢似湯唯？邊似呀？似徐子淇多啲喎。」
講番班港姐，老實講，當日 FBI近距離高清見到呢班港姐都嚇咗一跳，滿面縐紋大牙肉爆瘡乜都有，質素係咪真係高咗，大家有眼睇嘅！
15號 張秀文 22歲
被形容係脹爆王祖賢嘅張秀文，有網友爆佢十幾歲已經喺酒吧打工，捱得夜多，唔殘就假啦。
12號 湯寶珍 24歲
傳聞任職港龍空姐期間經常侵吞機艙日用品嘅「翻版 Rainbow」湯寶珍，來個空姐笑容，露晒黃牙好趕客。佢個盛傳喺內地整容嘅勾鼻，亦甩晒粉。
7號 何樂翩 24歲
冇乜是非嘅「骷髏郭可盈」何樂翩額頭同面都爆晒瘡，好好火喎！
何麗全大讚「翻版湯唯」李文煊似徐子淇， FBI講畀李文煊知，佢好尷尬咁話：「吓？我真係唔敢當喎！」
全站熱搜
留言列表
