FACEweekly
Relax 江若琳
2010年06月16日
年尾出新碟但派台歌〈愛無可忍〉 YouTube已有 5個不同場合現場版本，可見網友勁撐。目前正拍 TVB古裝劇《洪武三十二》， 7月同劉青雲到泰國拍彭發的驚慄電影《完美童話》（唔使扮鬼！），嚟緊 8月更會殺入國內，拍中央台時裝劇，轉走快歌路線演唱會一致好評， Elanne江若琳唔只要話你知，仲要做畀你睇，呢一刻錢係其次，最希望得到是「認同」！
互動片段
係人都知江若琳經過事業低潮，低處從來未見低，皆因有媽咪，「當時的我，在家中行路都伸唔直，說話冇氣力，決定離開香港兼轉行，同媽咪講，媽咪只笑瞇瞇一句『好呀！』，反而令我『叮』一聲。」於是把心一橫，走出谷底，竭盡所能在圈中再來一次。
結果，由早到晚練歌，派台作〈 Show Me Your Love〉第一次現場表演前，癲到練跑時間來個 double，誰不知壓力太大，失聲！一次、兩次的失聲，開竅，「合理的練習便可，太迫自己反而有反效果。」
中庸之道講就易做就難，到呢一刻，都唔肯休假，反而係公司職員要偷偷哋幫她攝時間去海洋公園玩番晚，但連海洋公園亦蝦佢：「我哋今日唔開晏！」註定辛苦命也。
近日拍 TVB劇，在元朗逢吉鄉太陽谷，冇替身，孭着 laughing哥（謝天華， 5呎 10吋、 150磅）上斜至少 100米，她 5呎 5吋，只得 105磅。
為新碟派台歌〈 BaBaYa〉跳舞，學剷地（ Knee Slide），又在舞蹈員身上凌空躍起，幕前都算了，在幕後，更試過攬着大蟒蛇拍照放上 blog，感覺係「十足 3、 4歲 BB仔，好重好滑」，更自稱「一啲都唔驚！」佢唔驚，信不信由你，但微博粉絲數目達 111,924（截稿日止）已多過鍾舒漫（ 31,891）、 Theresa（ 81,707）同 G.E.M.（ 110,530）。
要成功，真係靠一點一滴兼一幅相。付出了一定不會白費的， Elanne！
與劉燁拍內地劇《男兒本色》休息期間看見工作人員弄來大蟒蛇， Elanne竟然完全唔驚仲纏上身， Elanne：「原來佢滑潺潺，仲好似個 3、 4歲 BB咁重，成個人墜低。」
「 Nobody笨蕉」不是 Elanne杯茶，韓風中最欣賞韓國 2NE1，「帶 hip hop風格舞步，我新碟亦同佢哋一樣玩型格的 hip hop，同佢哋一樣着 Jeremy Scott！」
拍大台 TVB《洪武三十二》電視劇，孭着這個 5呎 10吋、 150磅謝天華行 100米，仲要 NG幾次， OMG！圖中就係頂唔順跣咗佢落嚟。
江若琳最近在微博自稱「永暘公主」，原來是目前趕緊 TVB劇《洪武三十二》內飾演的明朝公主。
Elanne自掏腰包韓國一人之旅，最開心係以為去到韓國冇人識，竟有泰國團認得佢捉住佢影相。
留言列表
