Polly隻貴婦狗養咗兩年，相當乖又醒目，仲識對住鏡頭笑添！
facebook驚喜
愛狗索女
2010年06月16日
歌都有得唱「做隻貓，做隻狗，不做情人」就知寵物地位，有時仲高過身邊情人。今期介紹兩位靚女，唔只索仲好有愛心。兩位愛狗索女，對住愛犬又攬又錫，絕對令一眾宅男羨慕。假如你哋身邊亦有靚女咁有愛心，請即電郵靚相到以上網址啦！
Profile
Polly係土生土長港女，不過佢喺自己 profile上就寫住自己家鄉係印度喎，呢份幽默唔係個個 get到囉！
冧貴婦 Polly Yau
24歲 Polly Yau相簿內有唔少靚相，以為佢係模特兒，實則佢係一個 wedding planner，除咗搞婚宴外，更因為樣夠索，成日為婚紗鋪做模。雖然 Polly有個靚仔男友，不過佢嘅最愛係佢永不離身嘅貴婦犬，幾乎每張相都抱住狗狗 o架！
Polly同隻狗形影不離，連出海都帶埋出去。
愛犬生日， Polly特登整個蛋糕畀佢，相當有心。
Polly同不少婚紗鋪相熟，所以不時幫佢哋做婚紗模。
Polly鍾意影相，佢男友就係佢攝影師，相簿內大部分都係佢男友作品。
八哥癡 Carrie Lo
Carrie Lo絕對係愛玩之人，夏天最鍾意同朋友去船 P，亦愛搞 cosplay派對扮鬼扮馬。性格貪玩但對自己兩隻八哥好有愛心，除咗見佢抱住又攬又錫，仲會喺 fb開本相簿，專擺佢兩隻八哥的相，仲寫住 My Baby就知佢對兩隻狗好過佢情人啦！
Carrie對自己隻八哥錫到濃，不過隻狗就苦晒口面！
Carrie望落去有啲似 Stephy，素顏 look自拍都唔差， profile相亦用呢張，證明對自己有信心啦！
夏天 Carrie（中）最鍾意去船 P同沙灘，幾乎每個星期都會喺石澳撞到佢。
Carrie性格爽朗，深受朋友歡迎，間唔中仲會搞主題派對， Carrie就試過阿拉伯女郎（左）造型。
留言列表
