近日人氣升級的浸大咪神楊梓瑤（ Carol），獲經理人揼本替她推出處女寫真集《 HUGE》，為狂谷僅懷胎一個月便面世的新作，她並不介意狂騷 34E咪咪。加上早前到峇里島為寫真集外景一周狂影水着，特訓下的 Carol忽然開竅，尺度大解放，她日前穿上喱士內衣接受專訪，她在鏡頭前後都表現自然，散發少女氣息。

放大圖片

寫真集名字叫《 Huge》，講到明是賣超乎比例的身材。

放大圖片

在處女寫真集中， Carol也會穿上多款性感內衣示人。

拒着 bra通屋走

對於賣玉女招牌的薛凱琪早前被偷拍到着內衣褲通屋走，玉女變肉女， Carol指自己最近雖成為狗仔隊追訪目標，卻不擔心會重演薛凱琪個案， Carol斬釘截鐵說：「唔會啦，我屋企仲有其他男性，係爹哋同細佬，我一定唔會着 bra通屋走，只會着 T恤同短褲。」 Carol強調家住高層，窗外空曠，她說：「我屋企住得高，冇人會望到。」

放大圖片

Carol考慮為身上的咪咪買重保險。

放大圖片

輕挽高跟鞋橫卧梳化的 Carol，意態撩人。

放大圖片

咪神講明不會穿內衣褲通屋走，叫狗仔隊不用浪費時間偷拍。

胸圍向來是女性貼身恩物， Carol為保護 34E咪咪，除計劃買重保險外，她對挑選內衣也要求多多，她說：「我盡量要求令胸部自然，唔會特別要 push up效果， normal就好。」為免胸圍鋼絲穿舊承托力不足， Carol每幾個月便大掃除清衣櫃，她說：「我嘅 bra數量唔會好多，約 10多個，足夠替換，一旦着舊媽咪就會幫我掉咗佢。」撰文：比華利攝影：陳慧安內衣： BodiBra

Carol

三圍： 34E、 24、 34年齡： 22歲


楊梓瑤的 34E咪咪是其重要資產，平日當然要揀適當的內衣好好保養。

Carol 3招防狼埋身 忌亂飲嘢

o靚模蒲夜店捲入迷姦案，令o靚模人心惶惶，多間模特兒公司實施「宵禁令」，「浸大E神」楊梓瑤（Carol）提高戒備，使出拒飲陌生人飲品、泰拳及禁蒲三式防狼，「爆E超蓮」鍾永慧（Iris）亦嚴守禁蒲令。

模特兒蒲夜店捲入迷姦案，令一眾o靚模擔心會成為下一個受害人，她們除嚴守模特兒公司實施的「宵禁令」外，更使出不同的招數，力保自身安全。人氣急升的「浸大E神」楊梓瑤（Carol）對於模被迷姦一事，感到非常震驚，指受害人可憐，而在工作時經常穿性感三點式的她，容易惹人遐想，故特意自度「拒飲陌生人飲品」、「泰拳」及「禁蒲」三式防狼：「我淨係約相熟嘅朋友夜蒲，又唔會飲陌生人嘅飲品。雖然我識泰拳，但飲咗有料嘅嘢，幾好打都冇用。公司已經禁去夜街，因為有好多嘢做，要爭取時間休息。」問到Carol在夜蒲時曾否被抽水？她堅稱沒有，還分享擊退陌生人埋身的經驗：「試過同朋友去酒吧消遣，有個陌生男人伸手畀杯酒我，我梗係拒絕唔睬佢啦！我都唔識佢，佢叫我飲就飲咩！我唔會蝕底畀佢。」

放大圖片

「翻版李嘉欣」高踭鞋扑色魔

「翻版李嘉欣」陳雅絲（Cat）表示從未到FEVAR夜蒲，有需要亦會用武力對付色狼：「如果遇非禮會用高踭鞋扑佢同踢佢！」被傳去富豪飯局的Cat支吾以對地解釋是借廁所：「唔識所傳嘅富豪，呢排模多是非，唔想畀無中生有嘅新聞拖落水，誤會被包養同援交。」

新八模的「翻版關心妍」馬卓寧（Vibeke）及「翻版張惠妹」徐熙素（Hazel）齊聲表示沒有聽聞迷姦事件，夜蒲時會提高警覺，飲酒只會淺嘗。Vibeke另教防狼招：「試過被揩油，邊有貓唔食魚，有人挨埋嚟會睥實佢。」Hazel說：「玩實有人多手多腳，唔好以為o靚模就冇戒備心，去玩唔去舞池。」

專案組

「浸大E神」Carol潔身自愛，拒接受陌生人送上的飲品。