周國賢 × Sorento　英雄換妻戀韓系－明星靚相大分享☆

為生活而放棄夾 Band理想嘅周國賢（ Endy），今年再以個人身份闖樂壇，首支派台歌《英雄勇》正好道出呢位英雄嘅心聲。勇者無懼嘅氣概又何止喺工作方面，養一個細路要四百萬嘅壓力，佢乘夠三倍，好爸爸為女換老婆，棄有型戀七座，平靚正嘅 Sorento令佢有意重投韓系車嘅懷抱。記者：許維雅攝影：梁細權場地提供：時代廣場

其他副刊影片為家人首選低調七座放大圖片
■三女之父揀車要睇尾廂夠唔夠大，一架 BB車都霸唔少位。

■三女之父揀車要睇尾廂夠唔夠大，一架 BB車都霸唔少位。

對周國賢最深刻嘅印象就係佢嗰份勇氣，無懼用已婚年輕爸爸嘅身份於 04年闖樂壇，事業起步不俗卻又毅然放棄跑去夾 Band組成「 Zarahn」。堅持數年，最終被迫放棄，全因佢做好爸爸嘅勇氣仲大。今年三月榮升三女之父嘅 Endy，好多嘢都要重新計劃，為迎接大家庭先由細屋搬大屋，下一步當然係諗住換男人心中嘅老婆──車，「家揸凌志 IS 250，嚟緊想換部七人車，因為屋企人多咗，當全家出動去街，你就會發現普通房車係唔夠用 o架， BB車、奶粉、尿片、玩具等一袋二袋，夠坐都唔夠放。而我都幾享受揸車，可以擁有自己私人空間，放假時又可以一家人去海灘玩，曬吓太陽，已經好舒服。」係後生仔揀車都會貪型，女越多越成熟嘅 Endy心態卻已變，「外形真係其次，反而越低調越好，無咁易俾狗仔隊跟。家首要諗安全，同埋內櫳舒唔舒服。」咁有型嘅爸爸，要佢揸架 MPV影相，我實在唔忍心，最終借咗部有型又有七座嘅 Kia Sorento畀佢試。

超值價型爸另眼相看放大圖片

坦白而言，計安全性，感覺四腳踏實嘅四驅越野車絕對符合 Endy要求；論外形， Facelift後嘅 Sorento更有霸氣，襯晒 Band仔 Look嘅 Endy；至於點解揀韓國牌子 Kia，當然係出於八卦私心，睇吓與韓國嬌妻相戀多年嘅 Endy，會唔會對韓國車有特別見解。「四年前買車時，真係諗住揀呢個牌子，有幾款都幾鍾意，但韓國嗰邊啲親戚話唔主張喺香港買韓國車，因為靚嘅韓國車通常唔出口，所以打消咗念頭。」其實唔係靚車唔出口，只係剔走咗好多豪華設備，而令定價唔使太高。車齡唔淺嘅 Endy再有機會重新認識韓國車，揸住部 Sorento越兜越開心，「真係刮目相看，初初以為佢堂軚會好輕，上高速會太飄唔夠穩，但原來佢軚感偏重，所有嘢嘅感覺都好實在。廿六萬？嘩！外形、錶板同內櫳各方面都夠晒靚仔，乜都齊晒，只係歐洲車嘅一半價錢，真係好抵玩。」近排聲言要慳家嘅 Endy本來話 Dream car係 Q7，但夠晒實惠嘅 Sorento似乎對佢引誘仲大。

放大圖片
a.小改款後增添嘅指揮燈側鏡及頂架，強化動感。