明星靚相大分享☆

加盟了新公司的周國賢（ Endy）終於再以個人名義推出新碟，自己一手包辦的作品令他得到甚大的滿足感，在製作過程中， Endy明白到做人一定要放下執着，因為到最後會得到更多的收穫。

周國賢之前與幾位好友組台樂隊 Zarahn，成績本來不錯，可惜最後樂隊要解散， Endy被迫放棄夾 band的夢想，他坦言初時甚難過，他說：「我一直都好堅持要夾落去，最後堅持唔到惟有解散，當初真係好唔開心，成日問點解會搞成咁，個人好執着。」

朋友貴精不貴多 放大圖片

再以獨立歌手出發，周國賢只想與歌迷分享心中樂章。

其後 Endy簽了新公司，重新出發，相隔五年再以個人名義出碟，其大碟名為《 Implode》，即內在爆發的意思，他將五年內想講的事全部投放於新作當中，所以他對今次的大碟非常滿意，他說：「今次啲歌有關於社會問題、世界問題、人同人相處嘅問題，就連現今女性化妝嘅問題都會有講到。」Endy更與藍奕邦炮製了《公仔箱》一曲，歌曲是講人出來社會做事後，面對其他人都要戴上面具，當流露童真的一面時，反而會被人取笑，他帶點感慨地說：「做人做乜要事事計算？呢五年嚟我突然多咗好多朋友，但係事業開始走下坡時啲朋友又唔知去晒邊，到家知道我出返嚟，佢哋又會出現番，所以我領悟到真心朋友貴精不貴多。」

想搞露天音樂會 放大圖片

Zarahn初期成績不俗，但在港夾 band並不容易，最終無奈解散。資料圖片

此外， Endy計劃新碟推出後舉行一個露天音樂會，將多年來的歌曲與歌迷分享，不過他現時正尋覓演出場地，他說：「好多時出碟都會搞簽唱會，不過我覺得預期搞 20次簽唱會，不如搞一個音樂會，唱晒所有歌畀歌迷聽好過啦！」採訪、攝影：李珮洳化妝： Jessica Chan髮型： P.O.P Hair-Dressing服裝提供： i.t.、 Dr.Martens


周國賢表示朋友數字隨事業高低增減，令他深深感慨。