忽然1周 765期一紙婚書踢爆 6年謊話　阿Sa 基局開記招補鑊 @ 明星靚相大分享☆

鄭中基和阿 Sa蔡卓妍極力對外隱瞞的 6年情，自上周三（ 17日）傳出兩人 06年已在美國洛杉磯註冊結婚的消息後，當事人甚有默契地高調宣布分手來轉移視線，成功避開記者再追問婚訊。此後鬧出多個版本，有說是為 Twins的演唱會和鄭中基新片谷宣傳，亦有說阿 Sa對男方多年不改的溝女惡習忍無可忍，才怒撇花心男
事件發展至第十日（周六， 27日），兩人的婚書終於曝光。被踢爆早已成為夫婦的鄭中基和阿 Sa，知道鐵證如山，再唔交代分分鐘重蹈劉華及阿嬌的覆轍，於是同日局住要急急開記者會交代事件，面對傳媒坦言結婚、分手均是事實，現正辦理離婚手續。說到感情不再時，鄭中基更一度飲泣，不過不忘將兩人隱瞞婚姻的原因，推在傳媒失實報道的身上。

鄭中基與阿 Sa先企埋一齊合照，但初時兩人有點貌合神離，直至鄭中基用手一揮，示意阿 Sa望鏡，兩人才有眼神交流

記者會在當日（ 27日）下午六時半召開，首先由金牌大風發言人陳輝虹事先表明「記者會不設提問、不設群訪」之後，鄭中基和阿 Sa便步入會場，當時兩人在閃光燈狂閃之下，竟比陳志雲更神傷。

記招黃昏 6時半開始，鄭中基 5時 48分已到現場。鄭父鄭東漢愛子心切傍住個仔到場，不過落車時明顯心神恍惚，跌了手上的物件，十分狼狽。

15分鐘後，阿 Sa在經理人 Mani陪同下到場，其間阿 Sa與她密密斟，神情凝重。

當鄭中基說到「儘管……我哋唔能夠成為夫妻……」一度鳴咽近 25秒，阿 Sa即遞上紙巾給他抹眼淚。

之後到阿 Sa發言，也不禁要學吓老公，用紙巾抹吓眼淚。鄭中基則用手拍拍阿 Sa背部，以表關懷。

提離婚即喊"
鄭中基開腔便單刀直入：「結婚係一個事實。 06年我哋兩個非常咁開心，做咗呢個決定，亦得到雙方家長支持下，我哋喺洛杉磯註冊結婚……我覺得係兩個私人事，冇必要同大家公開。不過呢幾年來，外界對我哋雙方關係嘅猜測，以及不斷嘅失實報道，覺得今日有必要向大家作出交代。」鄭中基自己是謊言始作俑者，又不斷向傳媒放假煙幕，但甫開腔卻義正辭嚴，將責任歸咎於傳媒報道。
「經過呢幾年彼此深入了，發覺分手對大家日後都比較好啲，所以最近同大家（傳媒）宣布分開，亦係一個好理性嘅決定，我強調我哋分開冇涉及第三者，亦冇涉及外間所傳失實嘅報道。」鄭明顯借機表明自己並非花弗男人，企圖挽救形象。「相信離婚係大家跟住落嚟會追問嘅問題……呢件事處理緊，一切法律程序要做嘅嘢亦要做。」一說到離婚，鄭中基頓時哽咽起來，阿 Sa見狀亦望了對方一下。鄭中基眼泛淚光，停頓約 25秒續說：「儘管我哋唔能夠成為夫妻，但我哋的而且確有過一段好開心嘅時間，我哋以後都可以成為好朋友，希望大家可以俾番少少空間我哋。」說罷鄭中基禁不住以紙巾拭淚，取回唔少同情分。

九展記招開始前，五、六十位記者雲集會議室等候，場面墟冚。

鄭中基及阿 Sa開記招，金牌大風高層陳輝虹（左）及英皇霍汶希在場绩實。
網友插講大話
阿 Sa及鄭中基的結婚證書曝光後，不少網友插阿 Sa講大話，形象插水

謊言真不了

鄭中基和阿 Sa一紙婚書，除揭破六年私情和四年婚約外，最重要是見識到 Sa基二人講大話唔眨眼的功力。多年來，兩人不斷製造煙幕，經常提及自己想生仔、結婚。

假扮冇拖拍
於 04年和鄭中基撻着的阿 Sa， 05年初再三否認和他拍拖：「我哋冇機會發展，唔好成日都傳，搞到啲男仔唔敢追我，我依家都恨拍拖。」而鄭中基則稱與阿 Sa只屬好朋友關係，沒可能發展成情侶。

稱唔想結婚
07年已為人妻的阿 Sa，公開表示計劃 30歲才結婚：「我依家 24歲，冇理由結婚唔做。結婚就要兼顧家庭，好難咁搏！」而鄭中基於 08年亦說；「我啱啱踏入花樣年華，暫時未想結婚。」
暫唔諗結婚
09年，阿 Sa在公開場合強調 8年內不打算結婚：「我依家都係比較鍾意做嘢！」至於鄭中基卻對外含糊承認二人情侶關係，但講到結婚，他卻說：「前排都輕輕諗過下，不過應該唔會係呢幾年嘅事。」

追擊婚分過程
鄭中基和阿 Sa於本月 17日（周三）被報章踢爆於 06年在美國已經註冊結婚，同日阿 Sa突然自爆分手。本周六（ 27日），《蘋果日報》終極揭發二人當日在洛杉磯結婚的婚書，過程峰迴路轉。!
夾定引爆分手
3月 17日，阿 Sa在北京宣傳《美麗密令》時突然搶咪自爆分手，她說：「我和鄭中基分手一段時間了……」而鄭中基亦夾晒口供說：「係已經分開咗一段時間！」

眼紅難捨阿 Sa
3月 18日，鄭中基在廣州宣傳《越光寶盒》時，對於有指因他花弗，導致二人分手，他說：「呢個問題（指花弗）梗係唔係，唔關第三者事！」提起阿 Sa更一度眼紅紅。

再度否認婚訊
3月 20日，有報道指阿 Sa接受內地傳媒訪問時，斬釘截鐵冇結婚計劃，「之前我都講過我已經單身……我暫時冇呢個打算。」
《蘋果日報》圖片
阿 Sa祝福舊愛

3月 21日，阿 Sa在上海宣傳新片時，語帶相關表示：「希望他能夠盡快找到一個好的女朋友」，之後阿 Sa解釋「他」是「 Sa爸」。

偷嗒廚房天使
有報道指鄭中基因拍《美女廚房》與一班廚房天使玩埋，更充當攝影師私下約天使影三點式。阿 Sa在鄭中基家中發現有可疑比堅尼而怒撇花弗男，當中「春卷」是第三者嫌疑最大。
阿 Sa力撐專一
阿 Sa於 3月 24日出面替鄭中基澄清偷食新聞：「佢唔係咁嘅人，佢好專一。（分手）已經係件唔開心嘅事，仲要俾人評頭品足。」阿 Sa更炮轟遭老闆楊受成旗下雜誌抹黑。

婚書鐵證曝光
3月 27日，《蘋果日報》找到二人於 06年 1月 31日在美國洛杉磯的 Van Nuys區註冊結婚的婚書。同日，二人高調召開記招，冇得隱瞞之下，二人首度承認結婚和離婚， 4年婚姻就此玩完。

阿 Sa：想有少少秘密
此時一直表現冷靜的阿 Sa接着說：「一直以嚟同 Ronald（指鄭）由拍拖到結婚到分開，大家都有共識去做每一項決定，亦得到家人同朋友嘅支持……因為係兩個人嘅私事，好想成為兩個人少少嘅秘密，但原來係……藝人係唔可以存在私隱。」其實兩人拍拖至今足足六年，傳媒多次問及感情問題時，兩人一直故弄玄虛，以圖增加人氣。
「今日已經唔係牽涉我哋兩個人嘅事，牽涉到好多唔同嘅人同事，唔希望接踵而嚟造成大家傷害，所以今日向大家交代呢件事，希望多啲空間俾我哋，我哋都係好朋友，希望我同 Ronald生活都可以好愉快。」她故意扯上其他人作擋箭牌，但由始至終未有交代隱瞞婚姻以及為何離婚嘅真正原因。翻查去年劉德華被揭與朱麗倩已結婚時，阿 Sa接受訪問時說：「華仔嘅努力，大家有目共睹，雖然言論自由，但大家應去包容。」原來是感同身受，有感而發。
最後阿 Sa面向鄭中基低聲了一句：「仲有冇嘢要補充！」之類的說話，鄭中基拍一拍阿 Sa膊頭，兩人站起身向前鞠躬，隨即離開會場。阿 Sa登上保母車後，直接返回跑馬地蔚雲閣，至於鄭中基則返回其淺水灣麗景花園寓所。

04年，阿 Sa與鄭中基拍電影《追擊八月十五》撻着。當年情到濃時，兩人更穿上情侶裝齊齊做宣傳，可惜 6年情終於玩完。

Sa基電話度講辭

據知情人士透露，今次急急開記招，整段講辭均是由 Sa基兩人一手包辦，開記招前一刻，二人才向所屬公司透露講稿大概內容。「報紙登咗張結婚證書出嚟嗰日中午，鄭中基和阿 Sa都知紙包唔住火，惟有出嚟面對大家。臨急臨忙搵人聯絡九龍灣展貿 book場地。因為有好多傳媒紮喺佢哋屋企門口，佢哋就靠講電話溝通，度掂開記招嘅講辭，足足傾咗幾個鐘至準備好，即使英皇同金牌大風嘅高層事前都干涉唔到佢哋會講啲咩。」記者在記招舉行前曾致電阿 Sa經理人 Mani，對於有否就兩人講辭給予意見， Mani坦言：「冇，絕對冇。（你知唔知阿 Sa早已結婚？）知唔知唔係重要，最緊要佢哋開心，因為佢哋喺工作上都已經有好大壓力。」至於在場金牌大風的宣傳人員則表示感到無奈：「我哋都係臨時被通知嚟，咩都唔知！
身家一人一半
鄭中基和阿 Sa如今要離婚收場的確可惜，鄭在記招上表示正辦理離婚手續。本刊記者就此事向謝偉俊律師了解過，他表示當事人只要係香港居民，無論在那裏註冊，都可在港辦離婚手續，「全世界有法律效用嘅婚姻，只要牽涉香港市民，甚至喺香港居留，或者喺香港有物業，都可以喺香港搞離婚。」而根據美國大部份州的法律，夫妻雙方離婚後，身家將會一人一半。「雙方提出離婚前都要至少分居一年，喺分家產方面，法庭會計算雙方嘅身家，將佢哋融合晒。香港近年都偏向貼近美國法律，即係話離婚後嘅共同身家將會一人一半，如果大家冇拗撬唔需要上庭，大約 8個月就可以完成離婚手續。」

好友齊驚訝
微博感慨
|Sa基的記招於晚上 6時 45分完結。曾與鄭中基傳過緋聞的 Angelababy兩小時後，透過 iPhone在微博發表心聲：「看了，很想哭，愛情一定要有保質期嗎？」

梁漢文　我好愕然「知道佢哋結咗婚都好愕然，呢件係好事嚟，戥佢哋開心。（佢哋依家嗌分手喎！）呢樣嘢我唔敢講咁多。（信唔信佢哋真係分手？）唔知，佢哋一定有自己嘅理由。」

譚詠麟　冚得咁密
「係咩？幾時結婚呀？（ 06年）冚得咁密呀！（但佢哋最近高調分手喎！）人哋有人哋嘅理由，雙方家長覺得冇問題咪得。佢哋仲要喺娛樂圈衝剌，又唔係做埋啲傷天害理嘅事，冇所謂啦！」

黃日華　學劉華
「係咩？佢哋同劉師傅（指劉華）一樣冇公開。唔係當事人唔知佢哋嘅苦況，有啲嘢好難講，每個人做法都唔同，做藝人同做普通人就更加唔同，身不由己！（藝人成日俾人叫偽人？）叫咗好多年啦！
許志安　梗有理由
「我都係今日睇報紙先知，其實兩個人嘅事梗有佢哋嘅理由。公開唔公開？每個人都有選擇權。」

王祖藍　俾空間佢
「我完全唔清楚，我同阿 Sa只係工作上認識，佢亦冇點提過感情事，俾啲空間佢哋啦！睇吓佢哋點決定啦！

周潤發　原諒佢哋「我都係睇新聞先知道。 06年阿 Sa事業如日方中，擔心失去 fans先咁做，又唔係做壞事，希望大家原諒佢哋。真的假不了，假的真不了。

周麗淇　唔回應