蔡楓華復出的三場演唱會前晚開鑼，表現興奮的他不但大晒韓語英語，還不避嫌重提「一剎那光輝唔係永恒」事件，直言低潮時生不如死，但說到興起時又險些禍從口出辣到張學友，嘉賓譚詠麟更口不擇言指蔡楓華：「你真係唔儍喎！」


其他娛樂名人影片

一連三場「全心支持蔡楓華演唱會」前晚在九展 Star Hall開鑼，個唱全場爆滿，蔡楓華表現風騷，大搞爛 gag：「我喺 Star Hall唔會出盡力，去到紅館先會。」觀眾報以搞笑噓聲，他續說：「你哋錯喇，我無論大小中場都會出盡力。」蔡楓華除以韓言介紹自己是香港歌星，還大晒英語說：「人唔可以只往後看，要向前看， ever forward， never backward，以往嘅嘢唔可以追番，我係為名譽、地位同尊嚴開騷。衰衰哋都係 80年代天王巨星，過去苦不堪言，不堪回首，如果我一直開可以爆爆爆，連張學友都....sorry，唔可以開名，講吓笑啫。」

重提失言事件 放大圖片
蔡楓華在台上表白，坦言在低潮時苦不堪言。

蔡楓華在台上表白，坦言在低潮時苦不堪言。

當盧敏儀上台跟蔡楓華對話時，他不避嫌重提當年「一剎那光輝唔係永恒」事件，他表示當時其實還有話想講，卻被盧敏儀截停，但他不肯再講那一句是甚麼，蔡楓華透露當日曾有無綫高層叫他道歉否則被 out，最終他拒絕而含淚離開，蔡楓華有感而發說：「近年唔知點解發生好多事，真係生不如死，點解歌星都可以咁窮？」聲稱是單身的蔡楓華又即場玩徵婚，他說：「好多 fans都已結婚生仔，如果有人未嫁，呢度 available，呢個男仔好好 o架。」

兩度安哥完場 放大圖片
蔡楓華獲盧敏儀大力支持他復出開個唱，兩人更重提當年是非。

蔡楓華獲盧敏儀大力支持他復出開個唱，兩人更重提當年是非。

前晚譚詠麟（阿倫）擔任嘉賓，他以蔡楓華海報的戴帽及黑超近似造型出現，阿倫如常口不擇言說：「聽聞頭五行之後都係醫生，唔係呀，冇呢件事，你好人好姐，有紋有路喎。」蔡楓華表示當年藝能為他在伊館開騷，阿倫聞言即笑說：「伊利沙伯醫院？」蔡楓華又說：「如果我喺紅館開騷你嚟做嘉賓，你嘅 fans即係我 fans。」阿倫說：「你真係唔儍喎。」當晚兩度安哥，他唱出《也許》和《絕對空虛》，但唱《絕》時他卻未有跳出經典鋤地甫士，略為失望。採訪：馬建華　攝影：陳順禎


阿倫（右）現身擔任嘉賓力撐蔡楓華，不過依然保持口不擇言的本色搞氣氛。

阿倫 臭口：蔡楓華 真係 唔傻

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄