face週刊 151期約蒲斷正電話嗲功中女薛凱琪餓搶梁政珏男友 @ 明星靚相大分享☆

論樣貌同 Fiona未知高低，但論身材， 34D梁政珏真係贏 Fiona 10條街！《蘋果日報》圖片

薛凱琪自從同拍拖 4年嘅房祖名去年 10月分手，表面交投淡靜，傳來傳去只係方大同；還有拍得與「 Q版魔術手」澳門威尼斯人酒店外籍高層行街，但原來 28歲中女 Fiona早有「獵物」，目標正係無綫新咪精梁政珏的潮牌 Ground-Zero老闆兼設計師男友 Eri Chu（朱鑫駿），上週六（ 10日）更孖住夜蒲狗仔隊長駐的蘭桂坊，甚有向正印梁政珏宣戰姿態。
據知，中女琪與梁政珏男友相識多年，最近薛凱琪寂寞難耐，不時出嗲功電話狂冧、又主動約夜蒲。與潮牌設計師男友拍拖 5個月的梁政珏，面對餓女薛凱琪搶男友，愁爆冇晒心情的她即斬纜，向本刊強調：「我?家單身！」戀情告急。
今年 28歲的薛凱琪自從宣布單身後，雖然傳與方大同蜜運、又話冧掂澳門威尼斯人酒店外籍高層，其實統統都係煙幕，薛姑娘心有所屬的，竟是 32歲、相識 4年的英國潮牌 Ground-Zero設計師 Eri Chu（朱鑫駿）。

琪招溝仔約夜蒲
一陣去 Volar吖！

日日 call
你覺得我着乜最靚？

Fiona連月來憑電話、 SMS呢啲招數，終於約到 Eri出嚟夜蒲。《蘋果日報》圖片

原來溝 Eri， Fiona唔只電話同 SMS攻勢，仲不時穿 Ground-Zero嘅衫，做人肉廣告板。《蘋果日報》圖片

5個月受考驗
雖然梁政珏話「不嬲都係單身」，但除咗撐枱腳，今年 2月尾被影到拖住手行街，絕對唔係單身。
《忽然 1周》圖片

Eri為追梁政珏，經常做跟得男友，上年 12月仲等梁政珏拍完《 Loving You》外景，之後到中環食雲吞麵，見梁政珏笑得咁甜，就知 Eri追女有一手。

Eri Chu

主動出擊

Fiona(目及)中的 Eri Chu除咗係潮人外，更係無綫新咪精梁政珏男友，兩人拍拖 5個月， Eri Chu一年前經朋友介紹認識梁政珏，花足大半年時間先追求成功。
不過二人拍拖期間，「正印」梁政珏發現 Fiona「吼中」自己男友，仲不時致電畀 Eri。知情者透露：「阿 Fi識 Eri仲耐過梁政珏，佢會成日借啲意問 Eri點着衫，又好識做咁着住 Ground-Zero嘅衫出騷，有時仲叫 Eri一齊幫手買衫。」
除電話攻勢外， Fiona試過明知 Eri同梁政珏一齊嘅時候，特登 SMS畀 Eri，有意無意騷擾二人拍拖。

鼻紅紅
男友 Eri被 Fiona餓搶，令梁政珏大受打擊，本週一被問到 2人關係，一面愁容鼻紅紅趕住走。

《美麗密令》中 34D梁政珏大騷索爆身材，但喺無綫嚟緊拍兩套新劇就零性感。

契妹阿 Sa

雖然 Fiona狂撬 Eri，但 Eri未瞓身，仍對梁政珏着晒迷，仲因為梁唔鍾意男仔長頭髮，最近更將長髮剪短，但百密一疏，早前梁政珏為《美麗密令》宣傳及忙拍新劇《讀心神探》，搞到冇時間陪 Eri，中女琪即把握機會。
「其實 Eri同好多圈中女星都好熟，好似阿 Sa就係佢契妹，佢哋都成日約出街啦！」多女埋身，上週六（ 10日）， Eri冇女友在身邊， Fiona即約 Eri到 Volar夜蒲，最後更被傳媒影得二人相約友人夜蒲， Fiona難掩興奮心情，不時甜笑。
本刊週一傍晚多次致電 Eri，對方未有接聽，身為女友嘅梁政珏卻對 Eri與 Fiona夜蒲全不知情。本週一（ 12日）梁政珏出席《怒心街頭》造型被問到二人約會一事，表現愕然。
F：《 FACE》　梁：梁政珏
F：知唔知 Eri同 Fiona去蒲？
梁：佢去邊唔需要同我交代。
F： Fiona撬你男朋友？
梁：我不嬲都係單身！我哋只係朋友！
之後本刊於跑馬地再遇到梁政珏，佢聽到有關記者提及 Eri，即時愁爆，更鼻紅紅迴避記者。有樣有錢有身材，又點會諗到輸畀中女呢！

單身大解放

Fiona同房祖名拍拖 4年，二人雖沒公開，但關係不言而喻。自從分手後， Fiona亦不再堅持玉女形象，連衣着亦愈嚟愈性感，除咗性感外亦想引仔埋身。

騷胸
Fiona以前行玉女路線，但分手後不時騷身材，喺《星光熠熠耀保良》，仲以超性感造型跳肚皮舞。

房祖名、 Fiona分手前最後一次合作新片《分手說愛你》（暫定 6月中上映），二人雖然分手，但關係依然友好。

走陰
Fiona着超熱褲出席校園活動，其間褲浪仲走陰。《蘋果日報》圖片

扯煙
Fiona拍攝《分手說愛你》更有場食煙戲，以前做乖乖女，呢啲戲點會拍呀！《忽然 1周》圖片

祖名爛蒲

房祖名上星期五喺《康熙來了》被主持問到有冇新女友，祖名就表現尷尬，身邊的好友黃立成（右）就幫口話：「他很純情，沒有亂交女朋友。」不過轉頭祖名就自爆世界各地邊個夜場好玩，即係好專一去夜蒲啫！

潮兄弟

Philip、 Eri未去英國讀書前，已經認識 Fiona，而據知阿 Sa更係 Eri嘅契妹，可見 Eri甚有女人緣！

Ground-Zero呢個英國潮牌，由英國紅到嚟香港，品牌由哥哥 Eri Chu（朱鑫駿）、弟弟 Philip Chu（朱柏弘）設計，雖然在港未有專門店，只得 D-mop代理，不過其卡通圖案及獨特設計深得一眾外國星、港星力撐。潮牌生意愈搞愈大，但兩兄弟現時居住的自置物業只是市值 367萬、有長沙灣四小龍之稱的泓景臺，反而梁政珏則居住其父物業、市值 2千萬的司徒拔道嘉苑，千金小姐紆尊，可惜換來情傷。

多女撐