方大同世外高人週刊雜誌精彩回顧 ★ @ 明星靚相大分享☆

世外高人　方大同

25 歲的史上最年輕「叱樂壇男歌手」金獎得主方大同，不說不知道，原來竟是習武之人。
我膚淺的以為，男孩子迷上武功，不外乎受武俠小說、電影影響，英雄主義作祟，原來方大同不是：「我睇李連杰《黃飛鴻》系列大，中國武術固然博大精深，但真正吸引我，係電影鏡頭，將拳腳你來我往、打打殺殺，拍到緊湊而有線條美。」

太極、螳螂拳、形意拳，還有一些劍法、棍法，方大同小學已經學勻。咁咪好好打？
「真正的一代宗師，追求的都唔係天下無敵。習武，其實是一種自我修煉，為的是控制、管理自身，是一種紀律。」
夏威夷出生、上海長大，小學以後告別校園在家自學，結他、鋼琴都是無師自通，自幼全家食素，又是虔誠的巴哈依教徒，連去蒲都只飲果汁，對樂壇來說，方大同算是異類。
我更覺得方大同像世外高人，像武當絕學太極拳和少林最高深的拈花擒拿手，以內力為基，出手平淡沖雅、不帶霸氣，卻以柔制剛，就咁征服樂人谷。

人在江湖

我對別人積極、希望別人好特性，入行咁多年都冇變。

影樓，方大同叫了一客菜粒炒飯、一杯熱華田。我試過一次幫方大同點乾炒牛河走牛，結果餐廳翻用炸過肉類的食油，方大同一嘗就知道，無法下嚥的經驗，我今次特別交代飯堂，炒飯請用新的植物油。
「食素唔關宗教事，由細到大屋企人飲食習慣。唔好睇我咁瘦，爸爸媽媽同我一樣係瘦底，但其實我屋企人都好少病，身體不知幾健康！」
除了食素和信奉不多人知道的巴哈依教，方大同還有很多和你我他不一樣的成長經歷，包括小學以後便留在家自學。「夏威夷讀完幼稚園，一家人就搬去上海，小學以後，我就屋企自學遙距課程。我又唔覺自細少群體生活，自己會比人少乜。相反，學校以外，見識可以更多，朋友亦更多。我可以更自由分配時間，所以，至可以有咁多愛好。」
除了打鼓、結他和鋼琴，方大同還會畫畫，幫過薛凱琪唱片畫插畫；琴棋書畫以外，方大同還從 DVD 上自學魔術和偶像 Michael Jackson 的 Moon Walk 。到上海定居以後，還一償心願拜師學武，愛好真的比很多人多。不過，如今人在江湖，愈紅時間愈少，再沒得像以往一樣：「連《葉問》我都未得閒睇。終於等到出 DVD ，又忙住宣傳周圍飛，睇半個鐘咋。
「有時間的話，我仲有好多想學。想學二胡，我覺得二胡的聲線好型、好獨特，有一種酸酸的、淒涼的感覺，冇其他聲音可以代替。仲有小號 … … 真係好忙，雖然享受，但其實好。有朝一日，始終會退居幕後，間中作首歌、幫朋友監製番一隻碟，先有時間畀自己真正生活。」

東方不敗

出道不到 4 年， 25 歲的方大同在今年元旦日，擊敗陳奕迅和古巨基，成為史上最年輕、年資亦最淺的「叱樂壇男歌手」金獎得主，形同武俠世界張無忌初出茅蘆便做武林盟主，真是英雄出少年。
「爸爸係 ABC ，雖然知我做音樂，但佢唔識睇中文、唔講廣東話，唔知香港樂壇遊戲規則，唔知我歌有幾 hit 。不過，頒獎禮日，媽咪有到現場，聽同事講，宣布我獎時，佢有喊。
「獎對我最大意義，係話我聽，原來真係好多人聽我唱歌。但我問過媽咪，佢自豪，唔係我成就，而係我個性。佢最 proud of 係，我對別人積極、希望別人好特性，入行咁多年都冇變。」
真正的大贏家，掛在嘴邊的，總是不在乎輸贏：「唔好話我紅、唔好話我贏人乜，我信一句說話：『工作是崇拜』，我只不過 focus on 工作本身，先至會做得好。呢行，就係太多人本末倒置，獎項、名氣行先過音樂本身，又點會好呢？」

入行 4 年、出得 4 隻唱片，就橫掃樂壇頒獎禮、埋「叱男歌手」金獎，方大同上台那刻，依然一派淡定，唔會喊晒口。

唔蒲唔飲，但會常伴緋聞女友薛凱琪（右二）左右去狂野派對，隔籬還有個情敵房祖名（左二），被指眾男「爭啄薛凱琪」。

元旦那天，母親全程見證方大同橫掃「叱樂壇頒獎典禮」，據說，在台下激動流淚。

鏡頭前沉默、鏡頭後的方大同其實交遊廣闊，在台灣發展年多，已經與蕭敬騰（右）、新人黃靖倫份屬老友。

神交俠侶

出名說話少，過台灣發展，亦被取笑與老友「省話一哥」蕭敬騰是天生一對的「神交俠侶」。工作人員透露，事實是， channel 的話，方大同話很多，還很會搞 gag ，最重要的是，圈中朋友多、女性好友更多。
「女人緣，係幾好。識我人都知道，我從來唔同人分享自己感情生活，但我係個幾好聆聽者，男男女女，好多朋友願意講心事畀我聽。」
方大同的名字，是外公取的。正是取巴哈依教（別名：大同教）世界大同、人人平等的教義。用不像那種整天把神掛在嘴邊，急踢人入會的藝人，方大同與宗教早分不開。
「同我成長過程應該好有關係。人人都講緊世界觀、希望世界大同、體驗唔同文化同生活，但係我成長真正有咁體驗喎！有機會去唔同地方、識唔同文化同人，我覺得自己好幸運。
「出生在旅遊勝地，人人都話好羨慕我。小時候，已經覺得自己很幸福，現在去過好多唔同地方、工作太忙碌，先真係知道，原來種輕鬆生活真係難得，人人都追求緊。以前，每 4 年都一定會返一次夏威夷探親，對上次返，又差唔多 4 年啦，但係今年太忙，應該幾難。有日真係遇到一個鍾意人，我都想帶佢返夏威夷，睇我生長地方。」
去夏威夷見家長，做方大同的另一半，應該很幸福。

女人緣，係幾好。

小時候的方大同興趣多多，其中一個最耍家的，是扮偶像 Michael Jackson 。

音樂、武術以外，方大同還畫得一手好畫， 07 年就為薛凱琪唱片《 Electric Angel 》畫過插畫。

Kung Fu Master

平時不苟言笑的實力派音樂才子方大同，原來自編自導自演十多條名為「 KungFuMaster 功夫大同」的短片擺上 YouTube ，條條都係以寡敵眾、徒手奪刃，或是懶 cool 的露一手。不為英雄感學功夫？講！

十多條的「功夫大同」短片，大多在唱片公司錄音室拍攝，唱片公司同事粉墨登場陪方大同搞爛 gag ，算唔話得。