傅穎和羅仲謙昨日以「情侶檔」姿態行騷搵銀，對於以結實胸肌震撼不少港女的羅仲謙，被傅穎踢爆他的確以胸肌為榮，首次見面即「寬衣」晒胸。將出寫真集的傅穎，直言今年想「竄」入書展視察銷情。

傅穎露出香肩，不是專業模特兒一樣體態誘人。

早前傳出緋聞的傅穎和羅仲謙，昨日首次以「情侶檔」姿態，為《一田潮流駅Fashion Show》演繹多個日系潮牌服裝，其中傅穎於演繹一襲低胸牛仔連身褲時，可能怕連身褲下滑，不時在胸口抽褲頭。以情侶Tee示人的傅穎和羅仲謙，在大會安排下，傅穎要以心心紅印蓋在對方身上，她二話不說即蓋在對方的胸肌上。

隔衫胸口被留印的羅仲謙表示不感到尷尬，傅穎則踢爆對方向來以胸肌為榮，傅穎說：「我第一次見佢，佢就拉高件衫畀我睇。（覺得性騷擾？）咁又唔覺，但我好羨慕佢排胸肌，成為佢嘅標誌。」問到羅仲謙有否介紹健胸心得？羅仲謙說：「我有幫佢，主要叫佢做sit up都可以。」

傅穎在羅仲謙胸口蓋上心印，樂意製造話題。

傅穎於時裝騷上演繹多套日本潮流服飾。

拒絕送寫真集

另外，羅仲謙表示還未看過傅穎的寫真集，待一推出便立刻購買。問傅穎會否送一本給羅仲謙？傅穎說：「叫佢自己買啦，好多人都叫我送，但我話想佢哋自己買，如果係我就一定唔會屈人送。」羅仲謙在旁聞言即大叫放心，笑言不只買一本。傅穎表示將舉行簽名會，更有想過去書展視察銷情：「每年都想去，但太多人，今年都想竄入去睇吓銷量。」

文：音樂組

羅仲謙膽生毛幫Theresa健胸

憑發達胸肌成為女士甜心的羅仲謙，昨日自爆曾幫緋聞女友傅穎健胸，更被踢爆初次見面已主動扯衫「露體」！

緋聞情侶傅穎（Theresa）與羅仲謙昨日為《一田潮流Fashion Show》行騷，Theresa除穿露肩裝騷香肩外，示範低胸連身牛仔褲時，又不時抽着衣服以防下滑；而羅仲謙雖全程「封胸」，但仍引得不少女士尖叫，其後，Theresa更在他的胸肌蓋上心心紅印！

羅仲謙擺出大隻佬姿勢，氹到Theresa哈哈大笑！



Theresa在羅仲謙的胸口蓋印，認真Sweet！



Theresa行騷時晒香肩，十分養眼！

名人組

即將出書的Theresa，打算殺入書展視察銷情。