踏入鬼節，尤其臨近七月十四鬼門關大開，就算生平不作虧心事，夜闌人靜深宵驅車，總覺有股寒氣吹住「後尾枕」。玄學家方海閱師傅，更指出僻靜地方搞三搞四，更係惹鬼之極。各位「 War Game」人士，呢段時間真係要忍忍喇！記者：徐影龍攝影：陳盛臣Model： Benson、 Vanessa@Pure Models鳴謝：玄學家方海閱（ 2144 1514）
其他副刊影片 郊外打野戰洩元氣 放大圖片 
方海閱（香港淳道玄學總會會長）
揸車之人，總愛閒時遊車河減壓，身邊有美相伴就更 Perfect。問到香港淳道玄學總會會長方海閱師傅，鬼節期間揸車人士有乜要避忌，佢劈頭第一句已經話：「做愛後唔好揸車夜出！」師傅解釋話男人做完愛，元氣消散，最易受靈體接觸，入夜揸車好易瀨嘢！「更過份係郊外露天做愛，簡直係一種挑釁。尤其一啲特別靜嘅地方及墳場等，仲有曾經發生大災難嘅地點，如嚴重車禍、交通黑點等都不宜久留，就算只係揸車經過呢啲地方，最好都係嗱嗱聲駛過就算。」唔止揸車揀地方要避開不利之地，連聽覺接收都要 Scan一下，「免得過都唔好播放幽怨類嘅歌曲，連電台鬼古之類嘅 Topic都唔好聽。」鬼節揸車咁多禁忌，咁點為之入夜時分？「其實太陽落山已算入夜時分，喺農曆七月最好小心啲。」
放大圖片 
放大圖片 
■情歌易令人共鳴，但切忌播太幽怨要生要死嘅歌。
醉酒佬唔炒車都易撞鬼 放大圖片 
■連孕婦都不宜鬼節期間出夜街。
揸車路線同地點可以揀啫，原來有啲人亦會因狀態問題，簡直不適宜夜晚揸車，「大病、孕婦、醉酒人士，統統不宜駕駛，仲有今年犯太歲之人，如肖虎、猴、豬及蛇等，還有生意失敗、生活上有大挫折或印堂當黑之人，亦盡量避免夜晚揸車。」點知印堂是否發黑？「好簡單，朝早洗面刷牙時，撥開頭髮照鏡，睇睇額頭對下的印堂位置，倒楣之人會有團黑氣積聚，相當明顯，一睇就知。」
放大圖片 
■醉酒揸車本已不該，就算唔炒車執身彩都好易惹鬼。
放大圖片 
■照鏡望額頭及眉心間位置，好易辨別是否印堂發黑。
掛飾物加強正氣
咁多忌諱，難免無心觸犯，「唔使怕，喺車度掛番吉利顏色嘅掛飾，有助加強正氣，如代表仙氣嘅紫色、代表神光嘅金黃色，甚至掛番個玉八卦等，都係好有效嘅物件。」
放大圖片 
■金色代表神光，師傅話飾物形狀無乜所謂，潮啲都得。
放大圖片 
■唔怕老套可揀玉八卦，一般神具用品舖頭有售。（左）約$128（右）約$88
放大圖片 
■紫色代表仙氣，大可擺紫色假花或香精座。
放大圖片 
■倒後鏡大可掛上吉利小飾物，增加車內正氣。
留言列表
