百果園 DaDa陳靜和 o靚模 A. Lin昨晚到中環出席《 HIM》雜誌 10周年活動，兩人一先一後到場，但對話卻針鋒相對，火藥味甚濃。 DaDa的超性感年曆將於月尾推出，但 A. Lin卻未獲其公司安排出年曆，難怪提起時她似是妒忌 DaDa而處處玩針對， A. Lin說：「公司冇計劃，我又忙拍戲，講真我想自己形象可入屋，影嘅年曆係放喺廳而唔係廁所。」她又踩 DaDa的性感底線很低，過份性感，只有全裸才能撼贏對方。問到 DaDa會否覺被 A. Lin針對？她說：「冇所謂，年曆只要有人買，就算放喺廁所都冇所謂，每人日日都要去廁所。」採訪：楊潔雯攝影：陳順禎


A. Lin（右圖）直指陳靜性感底線很低。

DaDa性感出曆被圍攻

「百果園咪神」陳靜（DaDa）昨晚出席活動，被同場的o靚模A. Lin狂寸。自稱沒時間拍月曆的A. Lin說：「月曆放喺枱日日都要睇，唔想日日令人咁熱血沸騰，做唔到正經事。我想放喺廳，唔係放喺廁所。（DaDa嗰本都性感喎！）聽講都係，咁咪貫徹佢一向作風囉！」DaDa得悉A. Lin言論後，坦言跟對方不熟兼無仇無怨：「放邊都冇所謂，最緊要有人買，廁所日日都有人去。（你怕佢？）我唔怕！」

DaDa揚言與人無仇無怨，不明為何遭針對。

冬甩成員朱裕琳出席另一活動時，她表示月中會推出月曆，問到是否想與DaDa對撼？她指自己的月曆走高貴及型格路線，不想與人比較。問到是否覺得自己身材比DaDa好？她說：「我好啲，因為我夠高。」　

朱裕琳與A. Lin暗寸DaDa的月曆過分性感。