Kary今次親自設計形象，連借衫都唔假手於人，睇得出好緊張隻新碟喎！
真面目
喊住剝 分手 4個月 吳雨霏喊爆 bra
跟余文樂分手之後， Kary吳雨霏沉靜不少，叠埋心水籌備新專輯，新歌〈今夜煙花燦爛〉亦是「樂雨戀」的寫照，難怪由監製、拍 MV，甚至拍唱片封套， Kary都堅持參與。拍攝新專輯《 State Of Mind》的封套時，本刊到影樓探班，身形 fit爆的 Kary親自揀選服飾，透視、 deep V、 bra-top都有，終於回復狀態。
Kary說跟余文樂的感情已經放低，跟對方再見亦是朋友；但拍攝中途， Kary突然爆喊，她說︰「一段感情完咗，當然會唔開心，但我只可以畀自己唔開心一段短時間。」舊嘅唔去，新嘅唔來嘛！
為咗影今次唱片封套照片， Kary真係去到盡，除咗喊爆 bra，仲雙手掩胸大露背添！
今年 2月 14日情人節，余文樂和 Kary被本刊發現同遊赤柱，揭發兩人已暗撻 3個月。「樂雨戀」初時愛得高調，先蜜遊英國，余文樂更出動 340萬的林寶堅尼超級跑車載 Kary外出食飯。
「可以處理得好啲」
今年情人節，本刊拍得 Kary跟余文樂同遊赤柱，戀情曝光，可惜只維持半年。
跪地爆喊
新碟由監製、揀歌、形象， Kary都有份參與，是因為她希望把自己最真實的一面展示，當日更把長髮剪短，看來是要把煩惱絲剪短。 Fit爆的 Kary首次做 art director，揀的服飾都不乏性感，其中一個 look， Kary更要扯高外衣，露出黑色 bra，她更自豪地說︰「我都有啲腹肌㗎！」
拍攝中途， Kary突然跪在地下爆喊，台灣專程來港的名攝影師阿瑜，馬上把握機會拍攝。事後 Kary解釋︰「大家都想拍到一張真實嘅相，攝影師喺我耳邊講咗啲嘢，我自己又諗到啲嘢，就喊到收唔到聲。」問 Kary諗起什麼？她就口硬唔講！問她的情傷是否已康復？她說：「還可以啦，分手係大家都唔想發生，但人要向前望！」 Kary跟余文樂的戀情，唔覺意被《 Face》揭發， Kary直言，下次拍拖未必會公開，咁真係要小心啲喇！
一個唱片封面拍足成日，難得 Kary仲可以保持精力，不停同化妝師吹水。 
為咗效果， Kary明顯 keep過，仲有些少腹肌添！ 
拍拍吓突然爆喊，雖然 Kary唔肯講咩事，但九成九係諗起樂仔，一時感觸啦！最後要攝影師安慰， Kary先收到聲。 
叱咤坐銅望銀
留言列表
