明星靚相大分享☆

一脫成名並不是每個人都會選擇走的捷徑，陳茵媺身材驕人，卸任港姐後簽約無綫卻一直封胸，雖然有料但堅決拒絕行性感，甘心在戲棚默默耕耘，剪去一頭長髮，演女警、記者等角色，終於捱出頭來升呢做女主角！

選美出身的陳茵媺在剛播完的劇集《讀心神探》第一次做第一女主角，她循序漸進，選美、拍劇、攞飛躍女藝人獎，順理成章做女主角，需要四年，相比起陳法拉的「脫」，無疑是遲了一點，但對比多位港姐冠軍，她的成功路確是行得容易。

放大圖片

陳茵媺在《讀心神探》中擔正女主角，跟林保怡演兄妹。　劇照

放大圖片

去年陳茵媺在台慶頒獎禮中獲飛躍進步女藝員獎，演技已獲認同。

拍拖順其自然 放大圖片

06年港姐冠軍陳茵媺，身材甚有睇頭。

陳茵媺日前說：「我都好感恩，咁快可以做到呢個成績，所以我可以同公司講，我係唔使休息 o架！畀多啲嘢我做，我唔會攰，我會好開心！」莫非她不想拍拖，她斬釘截鐵說：「呢啲隨緣喇，順其自然囉！我都唔擔心。」最近陳茵媺一直保持短頭髮，做個男仔頭，在《讀》劇演林保怡妹妹，經常纏住哥哥，又要嗲聲嗲氣，她說：「同之前好唔同，雖然係短頭髮，但係今次成日要嗲哥哥同媽咪、爹哋。」短髮的陳茵媺給人爽朗的感覺，一洗她性感的味道，加上她刻意封胸，令人淡忘她天生一副好身材，她說：「其實我都冇刻意封胸，只係我覺得短頭髮好襯我性格，而呢個短頭髮都唔係因為轉型而剪，係嗰時拍第一套劇監製建議我剪，不過剪咗真係幾好，好幸運。」採訪：楊潔雯　攝影：仇志德


陳茵媺入行短短四年，做出成績已很感恩。