18:15長堤漫步蔡思貝同新歡老外流浮山睇完日落，更短褲長腿 look沿住長堤步行成個鐘到街市食海鮮。住過德國同鬼仔拍拖冇咁港女。
真面目
情歸老外 選完港姐等運到 亞軍蔡思貝流浮山湊鬼
港姐形象一向要大家閏秀兼玉潔冰清，公開拍拖基本上係禁忌。
應屆港姐冠軍陳凱琳，便率先表態守身如玉，講明婚後先有性行為。但亞軍蔡思貝相反，德國留學鬼妹性格，選前已被爆同東歐立陶宛男友剛分手。估唔到當選後兩個月即有新歡。上週日（ 27日）被拍得同新歡 6呎金毛外籍男拍拖，二人由又一城出發，再搭車去元朗流浮山睇日落。想喺 TVB撈，做港姐都係避忌啲好！
今年港姐票后陳凱琳（右）有 17萬網民支持；而亞軍蔡思貝都有 11萬，都算有民意基礎。 
陳凱琳受歡迎，加上無綫等人用，好快已推佢出嚟接 job，下年套重頭劇《廣東五虎》又將有份拍。陳更自爆係處女，港姐處女黨又有新成員加入。
海邊睇日落
戀愛大過天，當選為亞軍後。蔡思貝原來已有老外新歡。上週日（ 27日）出席完港姐活動，蔡思貝即約 6呎高外籍新歡在又一城會合，其間雖有人認出蔡思貝為今屆港姐亞軍，但蔡思貝拍拖仍然大方，行完商場二人更不怕山長水遠，坐西鐵再轉的士到流浮山睇日落，再於海邊長堤漫步兩公里食海鮮， 22歲女仍然好享受浪漫。
蔡思貝雖貴為今年港姐亞軍，但根據無綫慣例，得獎佳麗通常要擺足一年先正式有嘢做，像冠軍陳凱琳般極速有劇拍的實為少數，難怪蔡思貝可以同新歡 hea足一日遊山玩水。對於同新歡拍拖，蔡思貝上週五（ 1日）出席東華三院活動，本刊欲將拍拖照給蔡思貝睇時，她經理人即緊張地代答：「我哋趕時間，唔會答！」想問吓拍咗幾耐拖啫，唔使咁緊張喎！
六小時漫遊
要做一年港姐親善大使，亞年蔡思貝起碼要到下年 5月先有機會拍戲，家陣冇乜細藝，難怪可以同新歡由九龍塘拍拖到流浮山。
14:08細心照顧
14:07買埋香檳
15:15慳家女友
蔡思貝非一般港女，同新歡拍拖平民化，一齊搭西鐵亦冇所謂，之後食茶記一樣唔會黑面。
1/11唔畀回應
上週五（ 1日），蔡思貝同陳凱琳一齊出席活動，本刊想問吓蔡思貝同新歡拍拖幾耐兼點識，不過佢經理人（左）就好盡責代蔡思貝答話：「我哋趕時間！」
選前飛仔
蔡思貝喺德國讀書期間，曾經同立陶宛籍男友 Deividas Puplauskas拍拖兩年多。不過蔡思貝話選美前已分手。
亞軍難發圍
港姐雖然係入行捷徑，不過近年選得亞軍嘅星途都未有邊個標青，暫時最好成績係最近被指搶鏡王嘅處女黨首領王君馨。另外上年亞軍黃心穎今年算開始發力。至於 11年朱希敏、 10年張秀文，大家仲記唔記得係邊個咩？
上位代表
07年亞軍王君馨除拍劇之外，亦唱得跳得，早前喺《星夢傳奇》表現出眾。嚟緊仲有機拍住星夢幫出碟，但最令人有印象都係佢表情誇張，守身如玉，堅持將處女留畀老公。
失蹤人口
10年亞軍張秀文， J2主持工作算多，網民對佢最有印象係同蘇民峰主持《食得峰騷》，可惜之後都冇乜代表作。
留言列表
