最近電視圈挖角潮愈嚟愈犀利，無綫喺星期二（ 1日）舉行一年一度嘅節目巡禮，即刻不敢怠慢，全台花旦小生盡出，但講到最搶鏡，就梗係一眾等緊上位嘅姐仔，各出奇謀，個個搏盡！咪咪，辛苦晒。
高海寧獨大
媽咪姐成日都話，觀眾眼光係最雪亮嘅！你睇大班記者圍住高海寧狂影，就知「 TVB新咪神」地位穩如泰山。當晚方圓廿呎，都無其他花旦姐仔敢主動埋佢身，費事獻醜嘛！
吳家樂傍住高 Ling行紅地氈，有幸近距離投射咪咪，即刻嚇一嚇，導彈呀！
點都要露入到錄影廠，冷氣凍到震，高 Ling都要搵條披肩護咪。但遮前唔遮後，梗有啲嘢俾你睇，搏呀！
陳敏之上下發功
陳敏之做咗姐仔多年，一直等上位。今年見到咪臨天下，都知要諗吓計！於是，行行吓紅地氈，突然彎身抬腳，整吓對高踭鞋，成對招牌 42吋長腿 show晒出嚟，索腿天后歸位！加埋胸前事業線，得咗！
唐詩詠界外球
傳聞同崔建邦第 N次翻撻嘅唐詩詠，呢晚出奇地有睇頭，前面睇已經肉光四射，側面睇真啲，成個半球喺黑色界線外露咗出嚟！乖乖女呢鋪鬼馬嘞。
出年有嘢睇！
講真句，無綫小生花旦個個北望神州，買少見少，出年劇集陣容弱咗唔少！但媽咪姐同大家精選咗兩套，仲送埋最爆鏡頭，去片！
《衝上雲霄 2》胡杏兒變跛
第一集嘅馬德鐘、陳慧珊、陳鍵鋒全部走晒，好在搵咗靚仔張智霖扮機師，同陳法拉談情。然後，上集明明同吳鎮宇終成眷屬嘅胡杏兒，忽然跛咗，但有林峯呵番，都有啲話題㗎！
《 4 in Love》陳豪除褲
無綫鬧小生荒，陳豪就講到明忠心護主，仲搏到盡，拍《 4 in Love》呢啲小品劇都肯俾火燒，又喺旺角行人專用區當眾除褲。師奶殺手喎，又確係幾吸引！
全站熱搜
留言列表
