背後有個意見多多、試過郁手打記者的經理人夏森美，令謝安琪過去兩年，同傳媒關係愈搞愈僵，但隨着環球唱片決定同謝安琪續約，事前同夏森美約法三章，由唱片公司接管謝安琪所有對外與傳媒接觸的工作，希望減輕雙方磨擦，修補惡劣形象。點知半年唔夠，經理人突然收回成命，重新執掌謝安琪所有大小工作，雙方因此鬧翻，夾响中間的謝安琪，隨時玩完！
補鑊
夏森美安排藝人工作有自己一套，從不按「行規」辦事，像今年初謝安琪又有「食屎論」，禍從口出得罪全世界。而謝安琪所屬的環球唱片，往往臨危被急call，諗辦法補鑊，「成日都係爆咗鑊先向我哋求救，唔會諗後果，有陣時想補救都太遲！咁樣好影響個artist㗎！」一名環球宣傳人員透露。唔想再有同類事件發生，環球於是在提出續約的條件中，要求經理人交出謝安琪與傳媒接觸的所有工作，由環球接管，修補惡劣關係。「我哋一接手，Ducan（環球高層黃劍濤）就安排阿Kay同傳媒食飯，就算班記者同阿Kay唔啱嘴型，點都會俾面Ducan出席，佢為咗幫阿Kay，真係碌咗唔少人情咭。」環球的宣傳人員透露。與此同時，經過唱片公司向謝安琪進行人際關係再培訓，一度在娛樂版無影的她，終於有得見報。
拍枱
成功將大事化小，小事化無，環球落力助謝安琪洗底，但夏森美愈睇愈眼火爆，指謝安琪出席太多與音樂無關的活動和訪問。「Sammy Ha嘈晒，覺得阿Kay去活動似做馬騮戲，同佢哋一貫嘅方針有好大出入！」據了解，雙方就此事開過多次會議，希望取得平衡，可惜最後「拍枱」收場，加上續約環球已成定局，夏森美決定過橋抽板，重掌謝安琪所有工作的話事權。夾响中間的謝安琪，根本無得選擇，加上老公張繼聰過檔金牌唱片後，公司突然人事變動大地震，工作寥寥可數，兩公婆齊齊無運行。
無句啱聽
謝安琪有學歷，可惜說話心直口快，經常一開口便得罪全世界。 踩《勁歌》剛走紅的謝安琪，出席大學講座時，竟批評《勁歌金曲》製作馬虎，歌手未有足夠時間彩排，結果得罪《勁歌》監製。 鬧傳媒出道未幾，曾拒絕接受雜誌專訪，講明「唔稀罕做六版長訪問」，又試過在公開活動上，聽到記者提起老公同個仔，即時黑面轉身走人。
食屎論今年初，謝安琪在訪問中發表「食屎論」用來諷刺傳媒，隨即惹來網友抨擊，指她言論粗鄙，唔配做大學生，更被封為「食屎琪」。 寸同行在去年《叱咤》頒獎禮中，謝安琪在台上說得獎感受時，形容自己是高學歷歌手，暗寸台下歌手學歷低，結果惹起公憤，千嬅當晚更忍不住在微博留言反擊。 ####
我仲要搵奶粉錢㗎！（設計對白）
經理人夏森美同傳媒關係欠佳，環球高層Duncan（右圖）碌盡人情卡助修補關係，可惜最後白費心機。（《蘋果日報》圖片）
Duncan
到內地行catwalk和參與電台排球賽活動，謝安琪經理人指同音樂無關，大為嫌棄。
昔日說討厭宣揚家事做宣傳的謝安琪，經環球思想教育後，今年初兩公婆拍拖睇舞台劇，大方任影。
早前接拍電影《大追捕》，養尊處休的謝安琪被勒令減肥修身。
回歸經理人管治後，謝安琪出現在今屆參選議員的海報上，被圍插有撐建制派之嫌，事後謝安琪急忙簽署支持撤回書，以示清白。
留言列表
