明星靚相大分享☆

自從有咗知名度，瑤瑤郭書瑤嘅E奶，好耐冇同大家見面，但呢個世界上，童顏巨乳豈只瑤瑤一個，有「陸版瑤瑤」之稱嘅刁揚，憑32E國產乳牛加埋童顏面孔走紅國內，最近正式殺入台灣，擺明同正版爭飯食。

身為乳牛一姐，瑤瑤對於刁揚，表現唔多客氣：「她（刁揚）跟我一點都不像，不要奶大就說像我。」至於就讀成都大學外語系嘅刁揚，對於瑤瑤嘅冷言冷語，好睇得開：「我懂她的感覺啦，如果不喜歡我，也很正常，換成是我，忽然冒出一個『台版刁揚』，大概也會不爽吧！」胸襟同胸圍一樣咁大！之前參加湖南衞視《超級女星》入行，只有21歲嘅刁揚，知道自己賣點係乜，所以絕對唔會隨便封胸，佢對自己嘅歌喉同演技亦相當有自信：「唱KTV也會點瑤瑤的歌，不過我還是常唱陳綺貞的歌，比較須要技巧；台灣男明星我最喜歡趙又廷、阮經天，還有鄭元暢，假使有一天跟他們拍偶像劇，我可以演像《惡作劇之吻》林依晨的角色。」把嘴咁刁，真係冇改錯姓喎！

台灣製
兩年前出道，瑤瑤憑童顏巨乳秒殺宅男，可惜一紅就封胸，家陣雖然拍劇做主持出唱片三路發展，但人氣不復當年勇。

去台灣宣傳，刁揚上吳宗憲節目，大方送上32E愛的抱抱，對住前輩慷慨，但見到另一位宅男女神「豆花妹」，刁揚唔客氣，寸豆花妹個樣「天然呆」，咪即係廣東話嘅「烚下烚下」囉！ ####

國產貨刁揚擅長拋胸扮可愛，佢話身邊朋友都頂佢唔順：「我很喜歡裝出可愛的表情，但是朋友會罵我：『裝這種表情也太噁心，你累不累啊！』」最緊要班男人睇唔厭啫。

豆花妹刁揚

吳宗憲