廣州直擊否認花弗有第三者　鄭中基眼紅紅難捨阿 Sa

低調相戀六年的鄭中基和蔡卓妍（阿 Sa），爆出已婚傳聞不久後，前日兩人竟忽然高調宣佈分手。昨日鄭中基一臉頹廢地現身廣州，為新片《越光寶盒》宣傳，全程表現憂鬱的他，提及與阿 Sa分手是否感到可惜的話題時，即時感觸得眼紅紅，又否認分手原因是他太花弗。

鄭中基（ Ronald）、方力申、鄧麗欣（ Stephy）及梁詠琪等，昨日到廣州為新片《越光寶盒》宣傳，吸引數十名香港及內地傳媒到場採訪。由於現年 38歲的 Ronald和相戀六年的 27歲蔡卓妍早前爆出已婚傳聞，前日兩人又忽然高調宣佈和平分手，並有默契地迴避已婚問題，加上 Ronald日前接受訪問曾甜蜜談阿 Sa，令人揣測兩人自爆分手的動機。

放大圖片

鄭中基被問到與蔡卓妍（右圖）分手是否感到可惜時，感觸得眼紅紅。

放大圖片

資料圖片

「唔想傷害佢同我」

昨日一臉頹廢的 Ronald在活動開始前先接受香港傳媒訪問，有傳因為他花弗導致與阿 Sa分手，問到兩人交往期間他有否花弗及第三者時， Ronald說：「呢個問題（指花弗）梗係唔係，你哋問番阿 Sa，唔關第三者事，係大家覺得咁樣好啲。」又指與 Angelababy的緋聞只屬電影宣傳。Ronald昨日繼續迴避是否已於 06年在洛杉磯結婚一事，被再三追問也不肯正面回應，只再次重申私人事不想講太多，以免有太多無謂揣測，他說：「唔想有咁多報道傷害佢同我，所以唔回應，就算答咗都揣測，總之分手係大家一致決定，已經分咗一段時間，係兩個人嘅私人事，唔想將兩個人嘅嘢擺上枱俾人解剖。」一直有問有答的 Ronald，被問及與阿 Sa分手是否感可惜時，他即沉默數秒，之後感觸得眼紅紅地表示多謝大家關心。正式舉行記者會時， Ronald仍然顯得悶悶不樂及心不在焉，雙眼更滿佈紅筋，似乎仍受情傷所困，但他面對同場的孫儷時仍有講有笑。雖然 Ronald表現合作，但他仍被內地傳媒圍攻，令他只能牽強微笑。

方力申被寸講大話 放大圖片

越幫越忙的方力申（右）被導演劉鎮偉取笑講大話技巧差。左為 Stephy。

此外，同場的梁詠琪為 Ronald和阿 Sa分手感可惜，希望 Ronald早日振作。反而與 Ronald甚老友的方力申卻越講越亂，表示很少與 Ronald談感情事，又謂連他與阿 Sa拍拖也不知情，即時被身旁的導演劉鎮偉寸：「你真係好可愛，我太愛方力申呢個笑話，你講個大話都衰過人。」採訪、攝影：曾小嘉


鄭中基昨日在記者會上顯得冇厘神氣及心不在焉，反而孫儷和方力申傾到雞啄唔斷。

鄭中基難捨阿Sa眼紅紅

【蔡志豪廣州直擊】蔡卓妍（阿Sa）前日宣布跟鄭中基（Ronald）分手，昨日，鄭中基頹爆現身內地，談到六年情一朝斷，會否感到可惜，Ronald沉默數秒，眼紅紅地表示：「呢啲係一齊嘅決定！」表現不捨！

Ronald與阿Sa拍拖六年，前日突然宣布分手，頓成傳媒焦點。昨日，Ronald、孫儷、鄧麗欣、梁詠琪及方力申於廣州出席《越光寶盒》記者會，香港傳媒蜂擁而至，Ronald亦願意在活動開始前接受訪問，對於有傳因Ronald花弗導致兩人分手，他表示：「你問我，我梗係話唔係，你問阿Sa啦，（係咪有第三者？）唔關第三者事，大家覺得咁樣好啲，（係咪因為傳你同楊穎拍拖，阿Sa有直覺所以分手？）好明顯呢個係電影宣傳。」即暗指《花田囍事2010》。

問到六年情告終，會否感到好可惜，Ronald即沉默數秒，樣子傷感，眼眶通紅表示：「咁都係一齊決定，多謝大家咁關心。（有冇機會復合？）唔答。」之後助手以活動開始為由拉走Ronald，而活動開始後，在台上的他表現得悶悶不樂，但都禮貌地為孫儷拉櫈及談天，期間亦有展現笑容。

阿Sa與鄭中基六年情結束，直言係因了解而分手。（資料圖片）



鄭中基與孫儷於傾談間展現罕有的笑容。

方力申（右）被劉鎮偉取笑，一臉尷尬。

方力申遭揶揄

同場的方力申指前日才知Sa基分手，對於有傳兩人已婚？他說：「唔知，我連佢拍拖都唔知。」此時，坐在隔籬的導演劉鎮偉大笑，並謂：「好可愛！我太鍾意方力申呢個笑話，你連講大話都衰過人。」之後便攬住方力申，令他一臉尷尬。

文：影視組

鄭中基全程鮮有笑容，表現得悶悶不樂。

鄭中基提起阿Sa眼紅語塞

鄭中基（Ronald）和蔡卓妍（阿Sa）六年情玩完！昨日Ronald頹爆現身內地，被問到分手及六年情告終會否可惜時，Ronald即沉默數秒，眼眶通紅地說：「呢啲係一齊嘅決定！」

鄭中基與蔡卓妍六年地下情，前日突然宣布告終，令兩人頓成追訪焦點，昨日Ronald與孫儷、鄧麗欣、梁詠琪及方力申在廣州出席電影《越光寶盒》記者會，記者聞風而至，Ronald願意在活動開始前接受訪問，談到有傳兩人分手原因是他花弗，Ronald說：「這個問題你問我，我梗係話唔係，呢啲你問番阿Sa啦！（係咪有第三者？）唔關第三者事，大家覺得咁樣好啲。」

鄭中基和孫儷在台上傾偈時強顏歡笑。



鄭中基表示與阿Sa分手是大家一致的決定。資料圖片



梁詠琪坦言做藝人很慘，私人問題都要向公眾交代。

此外，阿Sa好友鄭伊健昨日被問到有關「Sa基」分手會否感到可惜？他說：「唔會，成個過程佢哋最清楚，開唔開心都係自己揀！（打電話慰問阿Sa？）唔會喇！見到面先啦！佢有需要自然會打畀我！」

影視組

鄭中基被問到與阿Sa分手是否感到可惜時，即眼紅紅沉默數秒。